news

ఒక్క పిలుపు, ఒకే ఒక్క పిలుపుతో, అప్పట్లో 33 వేల ఎకరాలు ఇచ్చారు రైతులు... మనల్ని అన్యాయం చేసారు, కానీసం రాజధాని కూడా లేకుండా బయటకు గెంటారు, వాళ్లకు మన సత్తా చూపిద్దాం, మీరు సహకరిస్తే, అద్భుతమైన రాజధాని కడతాను అని చంద్రబాబు పిలుపిస్తే, 33 వేల ఎకరాలు చంద్రబాబు మీద నమ్మకంతో ఇచ్చారు ప్రజలు... దాని వెనుక, చంద్రబాబు మాకు డెవలప్ చేసిన భూమి ఇస్తాడు, అద్భుతమైన రాజధాని కడతాడు అనే నమ్మకంతో పాటు, ఢిల్లీ పై కసి కూడా ఉంది.. అందుకే, ప్రపంచలోనే అమరావతి ల్యాండ్ పూలింగ్ ఒక రోల్ మోడల్ గా నిలిచింది... అయితే, దీన్ని ఆపే ప్రయత్నాలు అదే స్థాయిలో జరుగుతున్నా, ప్రజల ఆశీస్సులతో ముందుకు వెళ్తూనే ఉన్నాం...

ఈ తరుణంలో, ప్రధాని మోడీ, మీకు ఢిల్లీని తలదన్నే రాజధాని కట్టి ఇస్తాను అని చెప్పి, నల్లుగేళ్ళలో కేవలం 1500 కోట్లు ఇచ్చి పండగ చేసుకోమన్నారు... మిగతా బీజేపీ నేతలు అయితే, మాయ సభ కడతారా, మీకు అది చాలులే అని ఎగతాళి చేసారు... మీకు జీతాలు ఇవ్వటానికే డబ్బులు లేవు, మీకు ప్రపంచ స్థాయి రాజధాని కావాలా అని ఎటకారం... ఇలా ఢిల్లీలో పార్టీ మారింది కాని, ఢిల్లీ పెద్దలు మనకు చేస్తున్న మోసం మాత్రం మారలేదు.. అందుకే ఇప్పుడు చంద్రబాబు మరో పిలుపు ఇచ్చారు.. ప్రజల భాగస్వామ్యంతో, ప్రభుత్వం తరుపున బండ్లు ఇచ్చి, రాజధాని, పోలవరం కడతా అని పిలుపు ఇచ్చారు.. రైతులు ఎకరానికి బస్తా ధాన్యం విరాళంగా ఇవ్వండి అని పిలుపు ఇచ్చారు...

చంద్రబాబు పిలుపుతో, మీరు ఎకౌంటు నెంబర్ చెప్పండి, మేము డబ్బులు ఇస్తాం అంటూ, రాష్ట్రాన్ని ప్రేమించే ప్రతి ఒక్కరు అంటున్నారు... అలాగే రైతులు కూడా ముందుకొచ్చారు... ఖ్యమంత్రి చంద్రబాబు పిలుపునకు బాపులపాడు మండలం కాకులపాడు గ్రామస్థులు స్పందించారు... గ్రామాభివృద్ధి సంఘం ఆధ్వరంలో రైతులు, యువకులు రాజధానికి తమ వంతు సాయంగా ఎకరానికి బస్తా ధాన్యం ఇస్తామని ప్రకటించారు. గ్రామంలో ఉన్న 2,600 ఎకరాల నుంచి తలా ఒక బస్తా ధాన్యం బస్తా విలువను రాజధాని నిర్మాణానికి అప్పుగా ఇస్తున్నట్లు ప్రకటించారు. తాము పాలకేంద్రానికి ఒకరోజు పోసే పాలను విరాళంగా ఇస్తామని మరికొందరు ముందుకు వచ్చారు... ఇస్తామని చెప్పటమే తరువాయి, ఈ రోజు ముఖ్యమంత్రికి దాదాపు రూ.2.66లక్షలను రాజధాని నిర్మాణ నిధిగా సీఎంకు అందించారు.

దీనిపై కృతజ్ఞతలు తెలిపిన సీఎం రాష్ట్ర ప్రజలంతా ఇదే స్ఫూర్తితో ముందుకు రావాలని పిలుపునిచ్చారు. కేంద్రం సాయం చేసినా.. చేయకపోయినా రాష్ట్ర ప్రయోజనాలను కాపాడేందుకు తెలుగుదేశం ప్రభుత్వం ఎప్పుడూ ముందుంటుందని ప్రకటించారు. అయితే, దీని పై కూడా కొంత మంది విష ప్రచారం చేస్తున్నారు అనుకోండి, అది వేరే విషయం... ఇవ్వాలి అనుకునే వాళ్ళు ఇస్తారు, వీరికి నొప్పి ఎందుకో మరి... ఈ రకంగా, ప్రజల భాగస్వామ్యంతో చంద్రబాబు, ఢిల్లీ పై యుద్ధం చేస్తున్నారు... ఇంకా విధి విధానాలు ప్రకటించక ముందే, ప్రజల్లో ఇంత స్పందన ఉంది అంటే, ప్రభుత్వం కనుక పూర్తి స్థాయి విధివిధానాలు ప్రకటిస్తే, ఢిల్లీకి, మన ఆంధ్రుల సత్తా ఏంటో మరో సారి తెలుస్తుంది.

కేంద్రంలోని బీజేపీ చేస్తున్న అన్యాయం పై, రాష్ట్రంలో ప్రతి ఒక్కరి ఆందోళన బాట పట్టిన సంగతి తెలిసిందే... రాష్ట్రంలో సామాన్య ప్రజల దగ్గర నుంచి, పార్లమెంట్ లో ఆందోళన దాకా, అన్ని విధాలుగా, కేంద్రం పై ఒత్తిడి తెచ్చే ప్రయత్నం చేస్తున్నారు... ఎవరికీ తోచిన విధంగా, వారు కేంద్రం పై ఆందోళన చేస్తున్నారు... కొంత మంది అయితే, ఎంతో వినూత్నంగా ఆందోళనలు చేస్తున్నారు... ముఖ్యమంత్రి చంద్రబాబు అయితే, ఎక్కడ రాష్ట్రానికి నష్టం లేకుండా, ఎక్కువ గంటలు పని చేసి, జపాన్ తరహా ఆందోళనకు పిలుపిచ్చారు... ఎన్ని చేస్తున్నా కేంద్రం మాత్రం దిగి రావటం లేదు అనుకోండి...

అయితే, పాలకొల్లు ఎమ్మెల్యే నిమ్మల రామానాయుడు ఆధ్వర్యంలో వినూత్నంగా ఆందోళన చేసారు... మట్టి కుండలతో రైతులు భారీ నిరసన పదర్శన చేశారు. ‘మోదీ గారు మీ మట్టి.. మీ నీరు మాకొద్దు ప్రత్యేక హోదా, విభజన హామీలు అమలు కావాలి’ అనే నినాదంతో గాంధీబొమ్మ నుంచి పోస్టాఫీస్ వరకు ర్యాలీ నిర్వహించారు... ర్యాలీ అయిపోయిన తరువాత, మట్టి కుండలను మోదీకి రామానాయుడు పార్సిల్ చేశారు. ఏపీకి పత్యేక హోదా ఇస్తామన్న మోదీ.. నీరు, మట్టి ఇచ్చి చేతులు దులుపుకున్నారని రామానాయుడు ఆగ్రహం వ్యక్తం చేశారు...

గత కొన్ని రోజులుగా అసెంబ్లీ జరుగుతూ ఉండటంతో, ఎమ్మల్యేలకు ఆందోళన చేసే అవకాసం రాలేదు.. గురువారం నుంచి సెలవలు ఉండటంతో, ఎమ్మల్యేలు అందరూ అమరావతి నుంచి సొంత నియోజకవర్గాలకు వెళ్లారు.. ఈ నేపధ్యంలో, ప్రజల్లో కేంద్రం పై ఆగ్రహం ఉన్న నేపధ్యంలో, ప్రజలతో కలిసి, కేంద్రం పై అనేక చోట్ల నిరసన ప్రదర్శనలు చేసారు... ఈ నేపధ్యంలో, పాలకొల్లు ఎమ్మెల్యే నిమ్మల రామానాయుడు, మట్టి కుండలను మోదీకి పార్సిల్ చేసి, వినూత్నంగా ఆందోళన జరిపారు...

ప్రధాని నరేంద్ర మోడీ, ప్రస్తుతం ఎంత శక్తివంతమైన మనిషి అనేది అందరికీ తెలుసు... అందుకే ఇప్పటి వరకు దేశంలో ఎవరు, ఆయనతో గట్టిగా డీ కొట్టే ప్రయత్నం చెయ్యలేకపోయారు... సోనియా, మమతా లాంటి వారు, మోడీ పై విమర్శలు చేస్తున్నా, ఆయనతో డీ కొట్టే సాహసం చెయ్యలేక పోయారు... ఇక మన రాష్ట్రంలో అయితే, కొంత మందికి మోడీ అనే పేరు పలకాలి అన్నా, భయం... అందుకే కేంద్రం అన్యాయం చేస్తున్నా, చంద్రబాబు పైనే విమర్శలు చేస్తూ, పబ్బం గడుపుకుంటున్నారు... ఈ నేపధ్యంలో చంద్రబాబు గత కొన్ని రోజులగా కేంద్రం పై విరుచుకు పడుతున్నారు...

అయితే, ఇప్పటి వరకు, కేంద్రం చేస్తున్న అన్యాయం, వారు ఏమి ఇచ్చింది, మనం ఏమి ఖర్చు పెడుతుంది... ఇలా ఈ లైన్ లోనే, విమర్శలు చేస్తూ వచ్చారు.. అయితే, మొదటి సారిగా, ఒక బహిరంగ వేడుకలో, మోడీ మనల్ని మోసం చేసారు, మోడీకి వ్యతిరేకంగా పోరాటం చేద్దాం రండి అని ప్రజలకు పిలుపు ఇవ్వటం, సంచలనమే... ఒక రాష్ట్ర ముఖ్యమంత్రి, ప్రధాని పై, ఇలా విమర్శలు చెయ్యటం మాములు విషయం కాదు... విభజన హామీల సాధన ధర్మపోరాటానికి రాష్ట్రప్రజలంతా చేయీ చేయీ కలపాలని ఆంధ్రప్రదేశ్‌ ముఖ్యమంత్రి చంద్రబాబు నాయుడు పిలుపునిచ్చారు. విభజన హామీలు అమలు చేయడంలో ఆంధ్రప్రదేశ్‌ను ప్రధాని మోదీ మోసం చేశారని చంద్రబాబు ఘాటుగా విమర్శించారు.

మోదీకి వ్యతిరేకంగా పోరాటం చేయాలంటూ ఆయన రాష్ట్ర ప్రజలకు పిలుపునిచ్చారు. ప్రజలు అండగా ఉంటే కొండనైనా ఢీకొంటానని చంద్రబాబు విశ్వాసం వ్యక్తం చేశారు. కృష్ణా జిల్లా మల్లవల్లిలో ఎన్టీఆర్‌ విగ్రహాన్ని ఆవిష్కరించిన సీఎం స్థానికులనుద్దేశించి కొద్దిసేపు ప్రసంగించారు. న్యాయంగా ఆంధ్రప్రదేశ్‌కు రావాల్సిన నిధులు మంజూరు చేయడంలో కేంద్ర ప్రభుత్వం నిర్లక్ష్యంపై రాష్ట్ర ప్రభుత్వం పోరాడుతోందన్నారు. ఏపీలో ఏ అంటే అమరావతి, పీ అంటే పోలవరం ప్రాజెక్టుగా అభివర్ణించిన సీఎం వాటిని పూర్తి చేసి తీరుతామని విశ్వాసం వ్యక్తం చేశారు. తెలుగు జాతికి అన్యాయం చేయాలని చూస్తే కాంగ్రెస్‌కు పట్టిన గతే పడుతుందని బీజేపీని హెచ్చరించారు