news

విభజన చట్టంలో పేర్కొన్న అంశాలతో పాటు నిధులు, ఇతర ప్రాధాన్యత కలిగిన అంశాలను చర్చించేందుకు కేంద్ర హోంశాఖ, ఈ రోజు ఆంధ్రప్రదేశ్ అధికారులని ఢిల్లీ రమ్మని ఆహ్వానం పంపింది... తొలుత ఈ నెల 21 వ తేదీల జరగాల్సిన సమావేశం రెండు రోజులు వాయిదా పడటం జరిగింది... అయితే అనివార్యమైన పరిస్థితులలో భేటీ వాయిదా పడటంతో తదుపరి తేదీపై కేంద్రం దృష్టిని సారించింది.... ఇప్పటికే అధికారులు అన్నీ సిద్ధం చేసుకుని, ధీటుగా ఢిల్లీలో మన సమస్యలు వినిపించాలి అనుకున్న టైంలో, ఈ రోజు భేటీ లేదు అనే సమాచారం అందింది...

కాగా ఇదిలా వుండగా ప్రధానమంత్రి కార్యాలయం నుంచి అందిన వర్తమానం నేపథ్యంలో ముఖ్యమంత్రి ఆదే శాల మేరకు అధికార యంత్రాంగం పూర్తి సమాచారంతో సిద్దమైంది. అదే విధంగా ప్రాధాన్యతా ప్రాతిపదికన మొత్తం 19 అంశాలపై ప్రత్యేకంగా దృష్టి కేంద్రీకరించడం జరిగింది.... ఈ మేరకు నివేదిక కూడా సిద్ధమైంది... రాష్ట్రానికి ప్రత్యేక హోదాతో పాటు వనరుల ప్రాధాన్యత కల్పించడం, పోలవరం ప్రాజెక్టు నిర్మాణం, రైల్వే జోన్ ఏర్పాటు, గ్రీన్ ఫీల్డ్ ఎయిర్పోర్ట్, క్రూడ్ ఆయిల్ రిఫైనరీ, విశాఖ, విజయవాడ మెట్రో రైల్, పేట్రో కెమికల్ కాంపెక్స్ ఏర్పాటు, జాతీయ ప్రాధాన్యత కలిగిన సంస్థల ఏర్పాటు, నెల్లూరులో దుగ్గిరాజపట్నం పోర్టుతో పాటు, అమరావతికి ఆర్థిక సహాయం, పన్నుల సవరణ, కడప జిల్లాలో ఉక్కు ఫ్యాక్టరీ, వైజాగ్, చెన్నై ఇండస్ట్రియల్ కారిడార్ ఏర్పాటు, అమరావతికి సమగ్ర రవాణా కనెక్టివిటీ, వెనుకబడిన జిల్లాల అభివృద్ధి, డిస్కంల ద్వారా విద్యుత్ బకాయిల చెల్లింపులు, 9వ షెడ్యూల్, 10వషెడ్యూల్ సంసలు, గ్రేహౌండ్స్ శిక్షణ కేంద్రం ఏర్పాటు వంటి అంశాలను ప్రస్తావించాలని నిర్ణయించారు...

అయితే, కేంద్రంలోని ఒక బలమైన నాయకుడు, ఈ భేటీ వాయిదా పడేలా చూసినట్టు తెలిసింది... ప్రస్తుతం ఉన్న పరిస్థితుల్లో, రాజకీయంగా పై చేయి సాధించటానికి, ఈ నిర్ణయం తీసుకున్నట్టు సమాచారం.. మార్చ్ 5 కంటే ముందు, ఏ విధమైన క్లారిటీ రాకూడదు అనే ఆ నేత ఇలా చేపించినట్టు సమాచారం... రాష్ట్రానికి సంబంధించిన పెండింగ్ సమస్యలను చర్చించేందుకు మార్చి మొదటి వారంలో ఉన్నత స్థాయి అధికారుల సమావేశం జరిగే అవకాశాలున్నాయని ఢిల్లీ వర్గాలు చెప్తున్నారు... ఫలితంగా తదుపరి తేదీపై సమాచారమివ్వాల్సిందిగా కేంద్ర హోం శాఖ ఆంధ్రప్రదేశ్ తో పాటు తెలంగాణ రాష్ట్ర ప్రభుత్వాలను కోరినట్టు సమాచారం...

ఈ మధ్య కొంచెం మెంటల్ బ్యాలన్స్ తప్పి, నోటికి ఇష్టం వచ్చినట్టు మాట్లాడుతూ, ప్రజలు చేస్తున్న ఆందోళనను పట్టించుకోకుండా, చంద్రబాబు పై విర్రవీగుతున్న బీజేపీ ఎమ్మెల్సీ సోము వీర్రాజు, ఈ రోజు మరోసారి రెచ్చిపోయారు ... అయితే ఈ సారి అనూహ్యంగా, రాష్ట్రంలోని అన్ని పార్టీలు వీర్రాజుకి లెఫ్ట్ అండ్ రైట్ ఇచ్చాయి... తెలుగుదేశం ప్రభుత్వంలో భాగస్వామిగా ఉంటూనే... ముఖ్యమంత్రి చంద్రబాబును విమర్శించడమనేది ముమ్మాటికీ మోసమేనంటూ బీజేపీ నేతలపై సీపీఐ ఏపీ రాష్ట్ర కార్యదర్శి రామకృష్ణ విమర్శలు గుప్పించారు. రాం మాధవ్ చెప్పినట్టు రాష్ట్ర బీజేపీ నేతలు వ్యవహరిస్తున్నారని విమర్శించారు.

అలాగే కాంగ్రెస్ పార్టీ మాట్లాడుతూ, సోము వీర్రాజు రాష్ట్ర ప్రయోజనాలను దెబ్బ తీసే విధంగా తరుచూ మీడియా ముందుకు వచ్చి రెచ్చిపోతూ వ్యాఖ్యలు చేస్తున్నారని ఏపీసీసీ ఆగ్రహం వ్యక్తం చేసింది. ఐదు కోట్ల మందికి విరుద్ధంగా ఆయన మాట్లాడడం సరికాదని ఏపీసీసీ అధికార ప్రతినిధి కొలనుకొండ శివాజీ అన్నారు. కారణాలేమైనా ఆంధ్రప్రదేశ్‌కు మోదీ సర్కారు చేస్తోన్న అన్యాయంపై ముఖ్యమంత్రి చంద్రబాబు నాయుడు సైతం గళం ఎత్తడం, ఎంపీలతో పార్లమెంటులో ఆందోళన చేయించడం మంచి పరిణామమే అని అన్నారు. కానీ, సోము వీర్రాజు మాత్రం కాకమ్మ కథలు చెబుతూ మభ్యపెట్టాలనుకుంటున్నారని అన్నారు.

మరో పక్క, ప్రత్యేకహోదా సాధన సమితి అధ్యక్షుడు చలసాని శ్రీనివాస్ కూడా విమర్శించారు.. దక్షిణ భారతదేశానికి బీజేపీ అన్యాయం చేస్తోందని విమర్శించారు... భారతదేశ పటంలో ఆంధ్రప్రదేశ్ లేకుండా చేయాలని చూస్తున్నారని ఆయన మండిపడ్డారు. దమ్ముంటే బీజేపీ మంత్రులిద్దరూ రాష్ట్ర కేబినెట్‌ నుంచి వైదొలగాలని ఆయన సవాల్ చేశారు... బిజెపి ఎమ్మెల్సీ సోము వీర్రాజు వైసీపీ చీఫ్ వైఎస్ జగన్‌కు ఏజంట్‌గా మాట్లాడుతున్నాడని టిడిపి ఎమ్మెల్సీ బుద్దా వెంకన్న ఆరోపించారు. రాష్ట్రాన్ని పడగొట్టాలని భావించే వారికి వైఎస్ జగన్, సోము వీర్రాజులు సహకరిస్తున్నారని బుద్దా వెంకన్న సంచలన వ్యాఖ్యలు చేశారు. రాష్ట్రానికి అన్యాయం చేసిన వారికి మద్దతిస్తున్నారని వెంకన్న విమర్శలు గుప్పించారు.

గత రెండు సంవత్సరాలుగా విశాఖ వేదికగా జరుగుతున్న సిఐఐ సమ్మిట్ , ఈ సంవత్సరం కూడా మూడో సారి వరుసుగా జరుగుతుంది... అయితే, ఇది జరిగే ప్రతిసారి, వైఎస్ఆర్ పార్టీ, ఇది చెడగొట్టటానికి, చెడ్డ పేరు తేవటానికి, ఎదో ఒక ప్రయత్నం చేస్తూనే ఉంటుంది... జగన్ కూడా, ఎప్పుడూ ఈ సమ్మిట్ ని ఎగతాళి చేస్తూ ఉంటాడు... అయితే ఈ సంవత్సరం కూడా, ఒక భారీ కుట్ర పన్నారు... తన మనుషుల చేత ఫేక్ ఎంఓయులు కుదుర్చుకుని, తరువాత వాళ్ళు నిజమైన వ్యక్తులు కాదు, అర్హత లేకపోయినా, ఎంఓయులు కుదుర్చుకున్నారు అంటూ, ప్రచారం చెయ్యటానికి పన్నాగం పన్నారు...

ఈ విషయం ప్రభుత్వానికి తెలియటంతో అలెర్ట్ అయ్యారు.. విశాఖపట్నంలో శనివారం నుంచి జరిగే పెట్టుబడిదారులు భాగస్వామ్య సదస్సుకు, ఈ విషయం దృష్టిలో పెట్టుకుని ఏర్పాట్లు చేసారు... పక్కాగా ప్రాజెక్టును నెలకొల్పుతారని విశ్వాసం కలిగిన పార్టీలతోనే సంప్రదింపులు జరిపి ఎంఓయూలకు రంగం సిద్దం చేస్తున్నారు... సమగ్ర ప్రాజెక్టు నివేదిక (డీపీఆర్)తో ముందుకు వచ్చిన వారీ ప్రతిపాదనలనే స్వీకరించారు... వాటిని స్కానింగ్ చేసి, ఆ కంపెనీకి నిజంగానే ఆసక్తి, చిత్తశుద్ది ఉన్నాయని విశ్వాసం కుదిరితేనే వాటిని ఎంఓయూ వరకు తీసుకువెళుతున్నారు. వాటి వయబులిటి, నిధులు, భూమి, ఇతర సాంకేతిక అంశాలను సంబంధిత శాఖలన్నీ పరిశీలించిన తరువాతే పరిగణనలోకి తీసుకున్నారు. ఈ విధంగా ఇప్పటివరకు 400 ప్రాజెక్టులను సిద్దం చేశారు. వీటికి ఎంఓయూలు చేసుకుంటే రూ.4 లక్షల కోట్ల వరకు పెట్టుబడులు వస్తాయని అంచనా.

ఈ సారి సదస్సులో ప్రాజెక్ట్ కనీస విలువ రూ.3 కోట్లుగా తీసుకున్నారు... గతంలో రూ.10 లక్షలు దాటిన వాటిని స్వీకరించి ఒప్పందాలు చేసుకున్నారు... ఇదే ఆయుధంగా, కుట్ర ప్లాన్ చేసారు... కొంత మందితో కంపెనీలు పెట్టిస్తున్నట్టు నమ్మించి, ఎంఓయులు కుదుడుర్చుకునేలా చేసి, తరువాత వీరు సామాన్యులు, ఇలాంటి వారితో ఎంఓయు చేసుకున్నారు అని ప్రచారం చేసి, రాష్ట్రం పరువు తీసి, పారిశ్రామిక రంగంలో రాష్ట్రానికి చెడ్డ పేరు తేవటానికి పన్నిన పన్నాగం, ప్రభుత్వం పట్టేసి, దానికి కౌంటర్ ప్లాన్ తో తిప్పి కొట్టింది...