news

తెలుగుదేశం నేతలు, ముఖ్యంగా బీసి నేతలు టార్గెట్ గా, జగన్ మోహన్ రెడ్డి ప్రభుత్వం దమనకాండ కొనసాగుతూనే ఉంది. నిన్న మునిసిపల్ ఎన్నికల సందర్భంగా, అధికార పార్టీ నేతలు ఎలా రెచ్చిపోయారో, మీడియాలో, సోషల్ మీడియాలో వీడియోలుతో సహా బయట పడిన విషయం అందరం చూసాం. అయితే, అన్ని ఆధారాలు ఉన్నా, వారిని ఏమి చేయని పోలీసులు, ఈ రోజు తెలుగుదేశం నేత, మాజీ మంత్రి కొల్లు రవీంద్రని అరెస్ట్ చేసారు. నిన్న ఎన్నికల సందర్భంగా పోలీస్ విధులకు ఆయన ఆటంకం కలిగించారని అభియోగం మోపారు. ఆయన్ను అరెస్ట్ చేసి, ముందుగా వైద్య పరీక్షలు జరిపి, జిల్లా కోర్టుకు తరలించారు. అయితే కొల్లు రవీంద్రని రిమాండ్ కు పంపించి, మళ్ళీ జైలు పాలు చేయాలని, అధికార పార్టీ పన్నిన కుట్రలు పని చేయలేదు. అయితే కోర్టులో, పోలీసులకు ఎదురు దెబ్బ తగిలింది. జిల్లా కోర్టు జడ్జి స్పందిస్తూ, పోలీసులు ప్రొసీజర్ పాటించలేదని అభిప్రాయ పడ్డారు. దీంతో కొల్లు రవీంద్రకు బెయిల్ ఇస్తున్నట్టు జడ్జి ప్రకటించారు. ఇదే సందర్భంలో, కొల్లు రవీంద్ర కూడా ఈ కేసు విషయం పై, పోలీసులకు సహకరించాలని కోర్టు ఆదేశించింది. ఉదయం నుంచి కొల్లు రవీంద్ర అరెస్ట్ విషయం తెలిసిన తరువాత, మచిలీపట్నంలో ఒక టెన్షన్ వాతావరణం కనిపిస్తూ వచ్చింది.

కొల్లు రవీంద్ర అరెస్ట్ సమయంలో, తెలుగుదేశం నాయకులు, కార్యకర్తలు అందరూ కొల్లు రవీంద్ర నివాసానికి రావటం, కొల్లు రవీంద్రని అరెస్ట్ చేసే సమయంలో, అక్రమ అరెస్ట్ అంటూ అడ్డుకునే ప్రయత్నం చేయటం, ఈ అన్ని పరిణామాలు ఉదయం నుంచి జరిగాయి. ఇక ఇటు తెలుగుదేశం పార్టీ అధినేత చంద్రబాబు నాయుడు, నారా లోకేష్, అచ్చెన్నాయుడు, ఇతర ముఖ్య నాయకులు అందరూ కలిసి, కొల్లు రవీంద్ర అక్రమ అరెస్ట్ ను ఖండించారు. అయితే నిన్న పోలింగ్ జరుగుతున్న సమయంలో, ఒక బూతు దగ్గర, వైసీపీ, టిడిపి కార్యకర్తల మధ్య వాగ్వాదం జరుగుతున్న నేపధ్యంలో, అక్కడకు వెళ్ళిన కొల్లు రవీంద్రను పోలీసులు అడ్డుకోవటం, ఆ సమయంలో ఇరువిరి మధ్య తోపులాట జరిగి, పోలీసులు తోపులాటలో కొల్లు రవీంద్ర కింద పడిపోవటంతో, ఆయన పోలీసుల తీరుకు నిరసనగా, అక్కడే నేల పైన కూర్చుని నిరసన తెలిపారు. ఈ ఘటన పై, కొల్లు రవీంద్ర, పోలీసుల విధులకు ఆటంకం కలిగిస్తున్నారు అంటూ, ఈ రోజు పోలీసులు వచ్చి అరెస్ట్ చేసారు. అయితే జిల్లా జడ్జి, అరెస్ట్ సమయంలో ప్రోసిజర్ పాటించలేదని, బెయిల్ మంజూరు చేసారు.

రాష్ర్ట ప్రజల ప్రతినిధిగా ఉన్న ముఖ్యమంత్రి జగన్ రాష్ర్ట్ర ప్రయోజనాలు కాపాడకపోగా తన కేసుల మాపీ కోసం రాష్ర్ట ఆర్దికమూలాలు దెబ్బతీస్తున్నారని టీడీపీ రాష్ట్ర కార్యనిర్వాహక కార్యదర్శి నాదెండ్ల బ్రహ్మం చౌదరి అన్నారు. బుధవారం టీడీపీ జాతీయ కార్యాలయంలో నిర్వహించిన విలేఖరుల సమావేశంలో ఆయన మాట్లాడుతూ... జగన్ లోపాయికారీ ఒప్పందాలతో రాష్ట్ర ఆర్దిక మూలాలు దెబ్బతీస్తున్నారు. నాడు చంద్రబాబు నాయుడు దేశ, విదేశాలు తెచ్చి రాష్ట్రానికి అనేక పరిశ్రమలు తీసుకువస్తే, నేడు జగన్ ఒక్క కొత్త పరిశ్రమ తేకపోగా ఉన్నవాటిని అమ్మేస్తున్నారు. నాడు 32 మంది బలిదానాలతో ఏర్పాటైన విశాఖను తన స్వార్దప్రయోజనాల కోసం జగన్ తాకట్టు పెట్టడటం సిగ్గుచేటు. విశాఖ ఉక్కు ప్రైవేటీకరణకు సంబంధించిన ప్రతి అంశాన్నీ రాష్ట్ర ప్రభుత్వానికి చెప్పే చేస్తున్నామని కేంద్ర మంత్రులు పార్లమెంట్లో స్పష్టంగా చెప్పారు కానీ జగన్ రెడ్డి అండ్ కో.. మాత్రం మాకేమీ తెలియదంటూ మాట్లాడటం సిగ్గుచేటు. జనవరి 27 నే స్టీల్ ప్లాంట్ పై నిర్ణయం తీసుకున్నామని ఆ విషయం రాష్ట్ర ప్రభుత్వానికి తెలుసని కేంద్రం చెప్పింది, కానీ ఆ తర్వాత జరిగిన నీతి ఆయోగ్ సమావేశంలో స్టీల్ ప్లాంట్ ప్రవేటీకరణను ఆపాలంటూ ముఖ్యమంత్రి ప్రధానమంత్రిని ఎందుకు అడగలేదు? లేఖలు వల్ల ప్రయోజనం ఏంటి? ప్రధానితో నేరుగా ఫోన్ లో ఎందుకు మాట్లాడటం లేదు? విశాఖలో ఉవ్వెత్తున్న ఉద్యమం రుగులుతుంటే ముఖ్యమంత్రి, వైసీపీ నేతలు ఉద్యమానికి ఎందుకు మద్దతు తెలపటం లేదు? 25 మంది ఎంపీలు ఇస్తే ‍హోదా తెస్తామన్న జగన్ నేడు విశాక ప్రజల ఆత్మగౌరవ ప్రతీకైన విశాఖ ఉక్కును కేంద్రం అమ్ముతుంటే జగన్ నోరు ఎందుకు మెదపటం లేదు? పోస్కో కంపెనీని అడ్డుపెట్టుకుని , జగన్, విజయసాయిరెడ్డి స్టీల్ ప్లాంట్ ని కొట్టేసే ప్రయత్నం చేస్తున్నారని ప్రజలకు తెలిసిపోయింది, ఇది వాస్తవం కాకపోతే కేంద్రాన్ని ఎందుకు ప్రశ్నించటం లేదు?

28 మంది ఎంపీలు, 151 మంది ఎమ్మెల్యేలు ఉండి కూడా స్టీల్ ప్లాంట్ ప్రవేట్ పరం కాకుండా అడ్డుకోలేరా? వైసీపీ ఎంపీలు, మంత్రులు, ఎమ్మెల్యేలు ఎందుకు రాజీనామాకు ముందుకు రాటం లేదు? రాజీనామాల ద్వారా ఏం సాధించలేమని మంత్రి పెద్దిరెడ్డి చెప్పటం సిగ్గుచేటు. మీరు రాజీనామా చేస్తే ఉక్కు పరిశ్రమను కాపాడుకోవచ్చు, అన్ని రాజకీయపార్టీలు, కార్మికులు, ఉద్యోగులు ప్రభుత్వానికి మద్దతు తెలిపేందుకు సిద్దంగా ఉన్నారు. రాష్ర్టంలో ఉన్న యువత, విధ్యార్దులు అందరూ కూడా ఏకమై విశాఖ ఉక్కును కాపాడుకోవాలి. నాడు స్టీల్ ప్లాంట్ ఏర్పాటులో యువత, విధ్యార్ది ఉద్యమంలో కీలకపాత్రం పోషించారు, ఆ వారసత్వం నేడు కొనసాగించాల్సిన అవసరం ఉంది, విశాఖ ఉక్కును కాపాడుకోవాలన్న, రాష్టంలో జరుగుతున్న అరచాకాలకు అడ్డకోవాలన్నా, వైసీపీ దొంగనాటకాలకు పుల్ స్టాప్ పడాలన్నా విశాఖ కార్పోరేషన్ ఎన్నికల్లో వైసీపీని ఓడించాలి. యువత, విద్యార్ధులు వైసీపీ పాలనలో వైపల్యాల్ని, , పెరిగిన నిత్యవసరాలు, వైసీపీ అరచాకాలను ప్రజలకు వివరించి చైతన్యం చేసి టీడీపీకి ఓటు వేయించాలి, విశాఖలో రూ.70వేల కోట్లతో పెట్టుబడి పెట్టేందుకు వచ్చిన అదానీ డేటా సెంటర్, లులూ కన్వెన్షన్ సెంటర్ ఇతర రాష్ట్రాలకు తరలిపోవడానికి జగన్ రెడ్డి దుర్మార్గమైన జేట్యాక్స్ బెదిరింపులే కారణం. విశాఖ ఉక్కును అమ్మడానికి. వాళ్లెవరు, అమ్మేయమని చెప్పడానికి వీళ్లెవరు.? విజయసాయిరెడ్డికి డిల్లీలో పాదయాత్ర చసే దమ్ముందా, ఉద్యమంలో పెద్దన్న పాత్రపోషించాల్సిన ప్రభుత్వం స్వార్ద ప్రయోజనాల కోసం రాష్ట్ర ప్రయోజనాలు తాకట్టు పెట్టాలని చూస్తే రాష్ర్ట్ర యువత చూస్తూ ఊరుకోరు. జగన్ ఇప్పటికైనా తాడేపల్లి ప్యాలె స్ నుంచి బయటకి వచ్చి అఖిలపక్షాన్ని డిల్లీ తీసుకెళ్లి విశాఖ స్టీల్ ప్లాంట్ ప్రవేటీకరణను అడ్డుకోవాలని బ్రహ్మం చౌదరి డిమాండ్ చేశారు.

పోలవరంలో డయాఫ్రం వాల్ రామోజీరావు కట్టారని ఇరిగేషన్ మంత్రి మాట్లాడటం వింతగా ఉందని మాజీ మంత్రి దేవినేని ఉమామహేశ్వరరావు పేర్కొన్నారు. బుధవారం మంగళగిరిలోని తెలుగుదేశం పార్టీ జాతీయ కార్యాలయంలో విలేకరుల సమావేశంలో మాట్లాడుతూ.. బర్రెలు కాచేవారు కూడా ఇలా మాట్లాడరన్నారు. రామోజీరావు, చంద్రబాబు, రాధాకృష్ణ మీద కోపముందుకని ప్రశ్నించారు. . చంద్రబాబునాయుడు ఆధ్వర్యంలో ఒక రికార్డు స్థాయిలో 414 రోజుల్లో ఎల్ అండ్ టీ బావర్స్, జర్మనీ సంస్థలచే పోలవరం డయాఫ్రం వాల్ నిర్మించడం జరిగిందన్నారు. ప్రపంచంలో ఇంతపెద్ద డయాఫ్రమ్ వాల్ నిర్మాణం ఎక్కడా లేదు. దేశమే గర్వపడేలా నిర్మించాం. కెల్లార్ లండన్ బేసిస్ కంపెనీ కూడా అభినందించింది. జూన్ 2018లో జాతికి అంకితం చేశాం. వైసీపీ ప్రభుత్వం పోలవరాన్ని గాలికొదిలేసింది. అసమర్థ, తెలివితక్కువ నాయకులు అధికారంలోకి రావడంతో ఇలా జరిగింది. జగన్ పోలవరం డ్యామ్ సందర్శనకు వెళ్లినప్పుడు అక్కడి వారు జగన్ కు మా గురించి వివరించారు. స్పిల్ ఛానల్, అప్రోచ్ పనులు పోలవరం ప్రాజెక్టు అథారిటీ ఆధ్వర్యంలో సెంట్రల్ వాటర్ డిజైన్స్ కు అనుగుణంగా డ్యామ్ డిజైన్ రివ్యూ ప్యానల్ అప్రువల్ జరిగింది. పనులు రాష్ట్ర ఇరిగేషన్ శాఖ అధికారులతో 71 శాతం పనులు మేం పూర్తి చేశాం. కాఫర్ డ్యామ్ రెండు పక్కల పనులు పూర్తి చేయక వైసీపీ ప్రభుత్వం నిర్లక్ష్యం చేసింది. జగన్ మీడియా ముందుకు రాడు. రామోజీరావు, రాధాకృష్ణలను బూతులు మాట్లాడడానికి మాత్రం మీడియా ముందుకు వస్తారు.

సబ్జెక్టు తెలుసుకుని మాట్లాడాలి. ఉత్తరాంధ్ర సుజల స్రవంతి, పోలవరం లెప్ట్ కెనాల్ పనులు ఆపేశారు. తోటపల్లి ప్రాజెక్టు పనులు పక్కన పడేశారు. కేంద్రానికి ఉత్తరాలు రాయడంలో అర్థంలేదు. 22,500 ఎకరాలలో నిర్మితమై 52 ఏళ్ల చరిత్ర కలిగిన విశాఖ స్టీల్ ఫ్యాక్టరీని ప్రైవేటు పరం చేయాలనుకోవడం దారుణం. అనిల్ కుమార్, కన్నబాబు, అవంతి శ్రీనివాస్, విజయసాయిరెడ్డిలకు వెళ్లి విశాఖ స్టీల్ ఫ్యాక్టరీ గేట్ వద్దకు వెళ్లి మాట్లాడే ధైర్యం లేదు. అక్కడికి వెళితే కార్మికులు బట్టలు ఊడదీసి కొడతారు. విశాఖ స్టీల్ ఫ్యాక్టరీ కార్మికులు గుండెలు పగిలేలా ఏడుస్తున్నారు. నేషనల్ హైవేలను దిగ్బంధనం చేస్తున్నారు. ఉభయ రాష్ట్రాల్లో స్టీల్ ఫ్యాక్టరీని ప్రైవేటుపరం చేయొద్దని లక్షలాది మంది మద్దతిస్తున్నారు. తాడేపల్లి ప్రాకారానికే ముఖ్యమంత్రి జగన్ పరిమితమయ్యారు. సీబీఐ అంటే జగన్ కు మహా భయం., విశాఖ ఉక్కు ఆంధ్రుల హక్కు అని జగన్ కు మాట్లాడే ధైర్యం లేదు. ఎందుంటే ఈడి కేసులు వెంటాడుతున్నాయి. జైలు భయం, కటకటాలు గుర్తుకొస్తున్నాయి. కార్మికుల ఉసురు ప్రభుత్వానికి తప్పక తగులుతుంది. ఈ ఎన్నికల్లో మితిమీరిన దౌర్జన్యాలకు పాల్పడ్డారు. మాజీ మంత్రి కొల్లు రవీంద్రపై దాడి చేశారు. జవీ ఆంజనేయులు కారు మీద రాళ్లతో దాడి చేశారు. విజయవాడలో మహిళలపై దాడులు చేశారు. వీరి అక్రమాలకు చరమగీతం పాడే రోజులు దగ్గరపడ్డాయని దేవినేని ఉమా వివరించారు.