news

రాష్ట్రంలో వ్యక్తికోసం వ్యవస్థలు పనిచేస్తున్నాయని, ఇంతటి దారుణమైన పరిస్థితులను ఇప్పుడే చూస్తున్నామని, విద్యార్థుల హక్కుల కోసం టీ.ఎన్.ఎస్.ఎఫ్ విభాగం పోరాడితే, టీడీపీ అనుబం ధ విభాగం నేతలపై అక్రమకేసులు పెట్టి, అరెస్టులు చేశారని టీడీపీ ఎస్సీ సెల్ రాష్ట్ర అధ్యక్షులు ఎమ్.ఎస్.రాజు మండిపడ్డారు. జగన్ తప్పులను ఎత్తిచూపిన ప్రతిఒక్కరిపై అక్రమకేసులతో అణచి వేయాలనిచూస్తే, తిరుగుబాటు అనేది మరింత పెరుగుతుంది తప్ప తగ్గదని రాజు తేల్చిచెప్పారు. శనివారం ఆయన మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. విద్యార్థు లకు సకాలంలో సక్రమంగా అమ్మఒడి అమలుచేయకపోవడంతో, అనేకమంది విద్యార్థులు తమ విద్యనుకోల్పోయే పరిస్థితి ఏర్పడింద న్నారు. విద్యార్థులకు న్యాయం చేయాలంటూ టీడీపీ అనుబంధ విభాగమైన టీ.ఎన్.ఎస్.ఎఫ్ సీఎం ఇంటి ముట్టడికి పూనుకుంటే, సదరు విభాగానికి చెందిన నేతలు, కార్యకర్తలను అరెస్ట్ చేయడం రాష్ట్రంలో అమలవుతున్న జగనోక్రసీకి నిదర్శమన్నారు. గతంలో కరోనా విస్తృతంగా వ్యాప్తిచెందుతున్న వేళలో ఎన్నికలను రద్దుచేసినప్పుడు, ముఖ్యమంత్రిసహా, మంత్రులు, అధికారపార్టీ ఎమ్మెల్యేలు ఎన్నికలకమిషనర్ ను నానా విధాలుగా దుర్భాషలా డారని, అటువంటి వారు ఇప్పుడు ఎన్నికలు నిర్వహిస్తామంటే ఎందుకు ఎకరాలకు, ఎకరాలు తడుపుకుంటున్నారని రాజు ఎద్దేవా చేశారు. పంచాయతీ ఎన్నికలంటే ప్రభుత్వానికి ఎందుకంత భయ మన్న రాజు, అరాచకపాలనను, అవినీతి పాలనను, నియంత్రత్వ విధానాలను చూసి విసిగివేసారినప్రజలు ఎక్కడ తమకు కర్రుకాల్చి వాతపెడతారోనన్నభయంతోనే పాలకులు ఎన్నికలకు వెళ్లడానికి భయపడుతున్నట్లు అనిపిస్తోందన్నారు. జగన్ సింహంతో పోలుస్తూ కీర్తించేవారు, ఇప్పుడు గ్రామసింహంలా ఆయన వెనక్కు తగ్గడంపై ఏంసమాధానం చెబుతారన్నారు. ఉద్యోగస్తుల సమస్యలు, వారిహక్కులకోసం పోరాడాల్సిన ఉద్యోగసంఘాలు, ఆయా సంఘాలనేతలు జగన్ రెడ్డి వ్యక్తిగత అభిప్రాయాలను గౌర విస్తూ, ప్రజలకు విరుద్ధంగా ఎందుకు పనిచేస్తున్నారని రాజు నిలదీ శారు.

ఉపాధ్యాయులకు మద్యం దుకాణాలవద్ద డ్యూటీలు వేసిన ప్పుడు, పోలీసులను మద్యం దుకాణాలవద్ద కాపలా ఉంచినప్పు డు, పాఠశాలలుతెరిచి విద్యార్థుల జీవితాలతో ప్రభుత్వం చెలగాట మాడినప్పుడు, ఉద్యోగ సంఘాల నేతలకు కరోనా గుర్తుకురాలేదా అని టీడీపీనేత మండిపడ్డారు. జగన్ వ్యక్తిగత అభిప్రాయాలను గౌర విస్తూ, ఆయన అభిమతాన్ని అమలుచేయాలనుకుంటున్న వెంక ట్రామిరెడ్డి ఉద్యోగులసంఘానికి నాయకుడా, లేక జగన్ రెడ్డి అభి మతానికి నాయకుడో సమాధానంచెప్పాలన్నారు. అంతటి అభిమా నముంటే, ఆయన తనఉద్యోగానికి రాజీనామాచేసి, వైసీపీ కండు వా కప్పుకోవచ్చన్నారు. ప్రజాస్వామ్యంలో నిజమైన పాలకులు ఎవరూ ఎన్నికలకు భయపడరని, ఈవీఎంలతో గెలిచినవ్యక్తి కాబట్టే ప్రజల్లోకి వెళ్లడానికి వెనుకాడుతున్నాడన్నారు. ఈవీఎంలతో గెలి చాడు కాబట్టే, జగన్ పోలీసు వలయాలు, వలలు లేకుండా తాడే పల్లి ప్యాలెస్ దాటిబయటకు రావడం లేదన్నారు. అనుచరులు, కార్యకర్తలు జగన్ ను పులి, మగాడు అని చెప్పుకుంటారని, అటు వంటి పులి ఎన్నికలంటే ఎందుకు పారిపోతోందో, ఆయన్ని వివిధ రకాల పేర్లతో పిలిచి ఆనందపడేవారే సమాధానంచెప్పాలని రాజు డిమాండ్ చేశారు. టీ.ఎన్.ఎస్.ఎఫ్ విభాగం, తెలుగుమహిళ విభా గం, టీడీపీనేతలనుచూసి జగన్ ఎందుకంతలా భయపడుతున్నా డో తెలియడంలేదన్నారు. జగన్ లో నిజంగా రాయలసీమ పౌరుష మే ఉంటే, నిమ్మగడ్డను ఢీకొని, ఎన్నికలకు వెళ్లాలని టీడీపీ నేత తేల్చిచెప్పారు. జగన్ లోని పిరికితనాన్ని చూసి అందరూ హేళన చేయకముందే, ఆయనమగాడిలా ఎన్నికలకు సిద్ధమవ్వాలన్నా రు. 20నెలలతనపాలనలో తాను మూటుకట్టుకున్న ప్రజా వ్యతిరేకత మొత్తం స్థానిక ఎన్నికల్లో ప్రజలుతనపై చూపిస్తార న్న భయంతోనే జగన్ ఎన్నికలంటే భయపడుతున్నాడన్నారు.

గౌరవ డీజీపీగా కాకుండా, సవాంగ్ వైసీపీ అధికారప్రతినిధి గా వ్యవహరిస్తున్నాడని, ఆయనచరిత్రలో చరిత్రహీనుడిగా నిలిచిపోవ డం ఖాయమని రాజు తేల్చిచెప్పారు. డీజీపీ తనకున్నహక్కులను, చట్టాలను తోసిపుచ్చుతూ, ప్రభుత్వానికి వత్తాసుపలకడం సిగ్గుచే టన్నారు. దళితులపై, బీసీలపై, మైనారిటీలపై తప్పుడుకేసులు పెట్టి చోద్యంచూస్తున్న డీజీపీ, ఏనాడూ అధికారపార్టీ వారి తప్పు లను ఎత్తిచూపినఘటన ఒక్కటీ లేదన్నారు. చంద్రబాబునాయుడు ముఖ్యమంత్రిగా ఉన్నప్పుడు ఎస్సీ,ఎస్టీ, బీసీ, మైనారిటీ విద్యార్థు లకు విదేశాలకు వెళ్లిచదువుకునే అవకాశం కల్పిస్తే, జగన అధికా రంలోకి వచ్చాక, ఆయావర్గాల విద్యార్థుల బంగారుభవిష్యత్ ను చిధిమేశాడని రాజు తీవ్రస్థాయిలో మండిపడ్డారు. ఎన్టీఆర్ విద్యోన్న తి, అంబేద్కర్ ఓవర్సీస్ విద్యానిధి వంటిపథకాలను రద్దుచేయడం ద్వారా లక్షలాదిమంది విద్యార్థుల జీవితాల్లో జగన్ ప్రభుత్వం చీకట్లు నింపిందన్నారు. తనపార్టీపేరులో ఉన్నఅన్నివర్గాలకు జగన్ తీరని అన్యాయం చేశాడని, పేరుకే అధి కారపార్టీ యువజన, శ్రామిక, రైతులపార్టీ అని టీడీపీనేత ఎద్దేవా చేశారు. జగన్ ప్రభుత్వం దళితులపై సాగిస్తున్న దమనకాండను నిరసిస్తూ, తిరుపతి వేదికగా టీడీపీ ఎస్సీసెల్ ఆధ్వర్యంలో ఫిబ్రవరి 5న “దళితుల ప్రతిఘటన” పేరుతో భారీకార్యక్రమాన్ని నిర్వహిస్తున్న ట్లు రాజు తెలిపారు.

ఎన్నికల కమీషనర్, ప్రభుత్వానికి మధ్య జరుగుతున్న వార్ లో, ఉద్యోగ సంఘాలు నేతలు కూడా, తమ వంతు పాత్ర పోషిస్తున్నారు. రాజకీయ నాయకులు కంటే ఎక్కువగా మాట్లాడుతున్నారు. సచివాలయ ఉద్యోగుల సంఘం అధ్యక్ష్యుడు కాకర్ల వెంకట్రామిరెడ్డి మాట్లాడుతూ, ఎన్నికలకు మేము ఒప్పుకోం అని, మాకు ప్రాణహాని ఉందని, మా ప్రాణాలకు ముప్పు వస్తే, ఎదుటి వాడి ప్రాణం తీసే హక్కు రాజ్యాంగం ఇచ్చింది అంటూ, సంచలన వ్యాఖ్యలు చేసారు. అయితే ఈ వ్యాఖ్యల పై , తెలుగుదేశం స్పందించింది. ఎవరిని చంపుతారు నిమ్మగడ్డ గారినా ? హైకోర్టు జస్టిస్‌లనా ? సుప్రీం కోర్టు జస్టిస్‌లనా ? అంటూ కౌంటర్ ఇచ్చింది. అధికారులు కూడా ప్రజాసేవకులుగానే వ్యవహరించాలని, కానీ ఏపీలో అందుకు భిన్నమైన పరిస్థితులు నెలకొన్నాయని టీడీపీ జాతీయ అధికారప్రతినిధి, ఎమ్మెల్సీ దీపక్ రెడ్డి స్పష్టంచేశారు. శనివారం ఆయన తననివాసం నుంచి జూమ్ యాప్ ద్వారా విలేకరులతో మాట్లాడారు. "రాష్ట్రంలో పాలకులు, ప్రజలకు సేవచేయాల్సిన అధికారులు పౌరుల తలలపైకెక్కి ఆడుతున్నారు. ప్రజలకుఇబ్బంది లేకుండా పనిచే యాల్సిన అధికారులు, వారితోసక్రమంగా పనిచేయించాల్సిన పాలకులు సక్రమంగా లేకపోవడాన్ని ఈరాష్ట్రంలోనే చూస్తున్నాం."

"ప్రభుత్వంలోని అధికారులు, వ్యవస్థలను ధిక్కరిస్తూ, ఎన్నికలకమిషనర్ పై ధిక్కార స్వరం వినిపిస్తున్నా, వారిపై ఎస్ఈసీ ఎలాంటి చర్యలు తీసుకున్నదాఖలాలు లేవు. అధికారులు ఇప్పటికైనా తమవైఖరి మార్చుకోకుంటే, భవిష్యత్ లో వారు అనేక ఇబ్బందులు పడటంఖాయమని చెబుతున్నాను. భారత రాజ్యాంగంపై ప్రమాణంచేసి, ప్రజలసొమ్మునే జీతాలుగా తీసుకుంటున్నవారు, ప్రజలపక్షాన నిలవకుండా పాలకుల పక్షాన నిలుస్తామనడం ఏమిటి? దానిపై ఉద్యోగులంతా ఒక్కసారి ఆత్మ పరిశీలన చేసుకోవాలని విజ్ఞప్తిచేస్తున్నాను. మొదటిదశ వ్యాక్సినేషన్ ప్రక్రియ నూటికి 0.6శాతం మాత్రమే జరుగుతోంది. 5న్నరకోట్ల జనాభాలో 3లక్షల70వేలమందికి వ్యాక్సినేషన్ వేస్తే, దాన్ని అడ్డుగా ఎలా చెబుతారు? వ్యాక్సిన్ తీసుకున్నవారంతా విధులునిర్వర్తించలేరా? అనేకరాష్ట్రాల్లో ఎన్నికలుజరపాలని సుప్రీంకోర్టు తీర్పులు ఇచ్చినా కూడా, వాటిని పట్టించుకోకుండా, ప్రజలసొమ్ము వృథాచేయడమే లక్ష్యంగా కోర్టులుచుట్టూ తిరుగుతున్నారు. ప్రజలహక్కైన ఓటు ప్రభుత్వాల చేతిలోకి వెళితే, అది నాశనానికే దారితీస్తుంది. " అని దీపక్ రెడ్డి అన్నారు.

పెద్దిరెడ్డి రామచంద్రారెడ్డి ఉద్యోగసంఘాల నాయకుడా లేక మంత్రా అని, ఉద్యోగులు, ఉద్యోగసంఘాలు ఎన్నికల్లో పాల్గొనవని చెప్పడానికి ఆయనెవరని, టీడీపీ అధికారప్రతినిధి సయ్యద్ రఫీ ప్రశ్నించారు. శనివారం ఆయన మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. ఉద్యోగ సంఘాల నాయకులమని చెప్పుకు తిరుగుతూ, అధికారపార్టీ కి ఊడిగం చేస్తున్న వెంకట్రామిరెడ్డి, చంద్రశేఖర్ రెడ్డి, బొప్పరాజు వెంకటేశ్వర్లు వైసీపీ అధికారప్రతినిధులుగా నిన్నటికి నిన్ననే తీర్థం పుచ్చుకున్నారా అని టీడీపీనేత ఎద్దేవాచేశారు. తనకున్న అధికా రాలను ఉపయోగించి, రాజ్యాంగబద్ధమైన పదవిలోఉన్న ఎన్నికల కమిషనర్ , ఎన్నికల నోటిఫికేషన్ ఇచ్చినప్పటినుంచీ వారి కొంప లేదో మునిగిపోయినట్లుగా సదరు ముగ్గురువ్యక్తులు మాట్లాడటం విడ్డూరంగా ఉందన్నారు. ఎన్నికలకమిషనర్ తో తేల్చుకోకుండా, మంత్రులు, ఉద్యోగసంఘాల నేతలు చంద్రబాబుని ఎందుకు వారి రొంపిలోకి లాగుతారని రఫీ మండిపడ్డారు. హైకోర్టు డివిజన్ బెంచ్ చాలా స్పష్టంగా ఎన్నికలు జరపవచ్చని, వ్యాక్సినేషన్ కార్యక్రమా న్ని కూడాకొనసాగించవచ్చని చెబితే, ప్రజలప్రాణాలు ఎస్ఈసీకి పట్టవా అని ఉద్యోగసంఘాలనేతలు ప్రశ్నిచండం సిగ్గుచేటన్నారు. రాష్ట్రంలో స్వేచ్ఛాయుతఎన్నికలు జరగడం సదరునేతలకు ఇష్టం లేనట్లుగా ఉందన్న రఫీ, గతంలో అధికారపార్టీ వారు నామినేషన్లు కూడా వేయనీయకుండా ప్రతిపక్షాలపై ఎంతలా దాడులకు పాల్ప డ్డారో వారికి తెలియదా అని ప్రశ్నించారు. అటువంటి ఆటలేవీ నేడు నిమ్మగడ్డ ముందు సాగవన్న ఉద్దేశంతోనే ప్రభుత్వం ఉద్యోగసంఘా ల ముసుగేసుకున్న వైసీపీ ప్రతినిధులతో నోటికొచ్చినట్లు మాట్లాడి స్తోందన్నారు. వైసీపీ అధికారంలోకి వచ్చాక ఉద్యోగులకు ఇస్తామ న్న డీఆర్సీ, పీఆర్సీ బకాయిలు, సీపీఎస్ రద్దు గురించి సదరు నేతలు జగన్ ను ఒక్కనాడైనా ఎందుకు ప్రశ్నించలేదన్నారు. కలెక్ట ర్లు ఆర్డర్లు జారీచేస్తే ఎన్నికల విధుల్లో పాల్గొనాలిగానీ, తాము ఎన్ని కలకు వెళ్లమని, ఉద్యోగులందరిదీ తమమాటే అన్నట్లు సదరు ఉద్యోగ సంఘాలనేతలు చెప్పడం చూస్తుంటే, ఎవరో రాసిచ్చిన స్క్రిప్ట్ ను వారుచదువుతున్నట్లుగా ఉందన్నారు. సజ్జల రామకృ ష్ణారెడ్డి, సాక్షి పేపర్ వాళ్లు రాసిచ్చిన స్క్రిప్ట్ లు చదువుతున్నట్లుగా ఉందన్నారు.

గతంలో వేలల్లోఉన్న కరోనా కేసులు, నేడు వందల్లోకి వచ్చాయని, కేంద్రప్రభుత్వ ఉద్యోగులెవరికీ లేనికరోనాభయం, ఏపీ ఉద్యోగసంఘాల నేతలకే రావడం విడ్డూరంగా ఉందన్నారు. వ్యాక్సి నేషన్ ప్రక్రియ ప్రారంభమైందని, తొలుత ఫ్రంట్ లైన్ వారియర్స్ కి ప్రాధాన్యత ఇవ్వడం కూడా జరిగిందన్నారు. ఉద్యోగులకు ప్రభుత్వం నుంచి రావాల్సిన బకాయిలు, ఇతరేతర సౌకర్యాల గురించి ప్రభుత్వంపై ఒత్తిడిచేయడం చేతగానివారంతా తాము ఉద్యోగసం ఘాల నాయకులని చెప్పుకుంటున్నారని రఫీ ఎద్దేవాచేశారు. ఎన్ని కల్లో పాల్గొనాల్సిందేనంటే వారిని చంపుతాం, వీరిని చంపుతాము అంటున్న వెంకట్రామిరెడ్డి, ఎస్ఈసీని చంపుతాడా...లేక ఎన్నికలు పెట్టవచ్చన్న హైకోర్టు న్యాయమూర్తులను చంపుతాడో సమాధానం చెప్పాలని టీడీపీనేత డిమాండ్ చేశారు. ఎన్నికలనిర్వహణ అంతా తనచేతుల్లోనే ఉందన్నట్లుగా భావిస్తూ, వెంకట్రామిరెడ్డి హద్దులుమీరి మాట్లాడుతున్నాడన్నారు. బీహార్ లో , కర్ణాటకలో, కేరళ, రాజస్థాన్ లలో ఎన్నికలుజరిగినా, అక్కడ ఉద్యోగసంఘాలనేతలెవరూ వెంకట్రామిరెడ్డిలా మాట్లాడలేదన్నారు. ఆయన భాష చూస్తుంటే, వచ్చేఎన్నికల్లో వైసీపీటిక్కెట్ పై పోటీ చేయడానికి ఉత్సుకత చూపుతున్నట్లుగా ఉందన్నారు. వెంటనే గవర్నర్ స్పందించి వెంకట్రామిరెడ్డి భాషపై జోక్యంచేసుకొని, అతనిపై చర్యలు తీసుకోవాలని రఫీ డిమాండ్ చేశారు. ఎన్నికల కమిషనర్ ఆదేశాలను ఉద్యోగులు, ఉద్యోగసంఘాల నేతలు విధిగా పాటించాల్సిందేనన్నారు. ప్రభుత్వం సుప్రీంకోర్టుకి వెళ్లినంత మాత్రా న అక్కడ ఎస్ఈసీకి వ్యతిరేకంగా తీర్పువస్తుందని ఎవరూ భావిం చాల్పిన పనిలేదన్నారు. జగన్మోహన్ రెడ్డి, ఆయనపార్టీ నేతలు పంతానికిపోయారుకాబట్టే, హైకోర్టుఆదేశాలను కూడా ధిక్కరిస్తూ మాట్లాడుతున్నారన్నారు. ఎన్నికలకమిషనర్ కు పంతాలకు పోవాల్సిన అవసరం లేదన్నా రు. పంచాయతీ ఎన్నికలు జరిగితే, రాష్ట్రవ్యాప్తంగా గ్రామాల్లో లక్షా 40వేలమంది ప్రజాప్రతినిధులు ఎన్నికవుతారని, వారి ఎన్నికతో అభివృద్ధికార్యక్రమాలు ఊపందుకుంటాయని రఫీ స్పష్టంచేశారు.

గతంలో పారాసిట్మాల్, బ్లీచింగ్ పౌడర్ తోనే కరోనా నయమవు తుందని ముఖ్యమంత్రిచెప్పినప్పుడు, ప్రపంచవ్యాప్తంగా కొన్ని వేలాదిమంది చనిపోతున్నారని ఉద్యోగసంఘాలనేతలు ఆయనకు చెప్పేధైర్యం ఎందుకుచేయలేదన్నారు. సినిమాహాళ్లు, మద్యం దుకాణాలు, పాఠశాలలు తెరిచినప్పుడు, ఉద్యోగులకు మద్యం దుకాణాలవద్ద విధులు కేటాయించినప్పుడు వెంకట్రామిరెడ్డి, బొప్ప రాజు వెంకటేశ్వర్లు ఎందుకు నోరెత్తలేదన్నారు. రవాణా వ్యవస్థ ప్రారంభమై, ఉద్యోగులంతా బస్సులు, రైళ్లలో రాసుకుపూసుకొని తిరుగుతున్నప్పుడు వారికి కరోనా వస్తుందని వారికి గుర్తకు రాలేదా అని టీడీపీనేత నిలదీశారు. ఒకక్రమపద్ధతిలో మాస్కులు ధరించి, భౌతికదూరం పాటించేలా చేస్తూనే ఎన్నికలు నిర్వహిస్తామని ఎన్నికల కమిషనర్ చెబుతుం టే, అవేవీ ఉద్యోగసంఘాల నేతల తలకు ఎక్కడం లేదా అన్నారు. ప్రభుత్వానికి ఎన్నికలంటే భయమని తేలిపోయిందని, 20 నెలల ప్రజాకంటకపాలనలో ప్రజలనుంచి వ్యతిరేకత వ్యక్తమవుతుందన్న భయంతోనే, వైసీపీనేతలు ఎన్నికలకు జంకుతున్నారన్నారు. వైసీపీ ప్రభుత్వం అధికారంలోకి వచ్చాక స్థానికఎన్నికలు ఎందుకు జరపలేదో అంబటిరాంబాబు సమాధానం చెప్పాలని రఫీ డిమాండ్ చేశారు. తమవైపు తప్పులు ఉంచుకున్న అధికారపార్టీనేతలు, ఆ నెపాన్ని ప్రతిపక్షంపైకి నెట్టాలని చూస్తున్నారన్నారు. ఎన్నికల కమిషనర్ గతంలోజరిగిన బలవంతపు ఏకగ్రీవాలను రద్దు చేశాకే, ఎన్నికలనిర్వహణకు పూనుకోవాలన్నారు. రాష్ట్రం లోని అన్నిపార్టీలు ఇదే అభిప్రాయాన్ని వ్యక్తంచేస్తున్నాయన్నారు. సుప్రీంకోర్టు తీర్పువచ్చేవరకు ఎన్నికలు వాయిదా వేయాలని కోరుతున్న ఉద్యోగసంఘాలనేతలు, అప్పటివరకు హైకోర్టు తీర్పుని ఎందుకు గౌరవించరని రఫీ నిలదీశారు. ఒకవ్యక్తి మెప్పుకోసం ఉద్యోగసంఘాలనేతలు బాకాఊదడం మానుకుంటే వారికే మంచి దని ఆయన సూచించారు. పొరుగురాష్ట్రంలో జీహెచ్ఎంసీ, దుబ్బాక ఎన్నికలు జరిగినప్పుడు అక్కడున్న ఉద్యోగసంఘాలనేతలెవరూ, ఏపీలోని ఉద్యోగసంఘాలనేతల్లా మాట్లాడలేదన్నారు.ఉద్యోగసం ఘం నేతలుగా ఉన్నవారు మాట్లాడిన మాటలపై గవర్నర్ తక్షణమే జోక్యంచేసుకొని, వారిపైచర్యలు తీసుకోవాలని రఫీ డిమాండ్ చేశా రు. పశ్చిమబంగాల్ లో కేంద్రమంత్రిపై దాడిజరిగితే, అక్కడి గవర్నర్ ఎలా స్పందించారో ఒక్కసారి ఏపీ గవర్నర్ ఆలోచించాల న్నారు. ఎన్నికల కమిషనర్ కు సహకరించకుండా, రాజ్యాంగసం క్షోభం తలెత్తేలా మాట్లాడుతున్న ఉద్యోగులపై చర్యలు తీసుకొని, రాజ్యంగహననం జరగకుండా నివారించాలని టీడీపీతరుపున డిమాండ్ చేస్తున్నామన్నారు.