news

ఈ నెల ఆరవ తేదీన వైసీపీ ఎంపీ అయోధ్య రామిరెడ్డి కంపెనీకి చెందిన రాంకీ సంస్థల పై ఐటి శాఖ అధికారులు, పెద్ద ఎత్తున, దాదాపుగా 20 బృందాలతో కలిసి సోదాలు చేసిన సంగతి తెలిసిందే. ఈ సంస్థ రియల్ ఎస్టేట్, కన్స్ట్రక్షన్, ఇన్ఫ్రా, ఇలా వీటికి సంబందించిన కార్యకలపాలు చేస్తూ ఉంటారు. అయితే రాంకీ ఐటి సోదాల్లో ఆసక్తికర విషయాలు అంశాలు వెలుగులోకి వచ్చాయి. ఈ సంస్థలో ఎక్కువ వాటాని, సింగపూర్ కు చెందిన ఎన్ఆర్ఐ సంస్థకు అమ్మేసారు. తద్వారా వచ్చిన డబ్బులు ఏవైతే ఉన్నాయో, సుమారుగా 1200 కోట్ల రూపాయలని, మొత్తాన్ని వైట్ లోకి మార్చుకునేందుకు రంగురంగుల స్కీంలను వీళ్ళు ప్రవేశ పెట్టారు అంటూ, ఐటి శాఖ ఈ రోజు ఇచ్చిన ప్రెస్ నోట్ లో తెలిపింది. అలాగే క్యాపిటల్ గెయిన్స్ నుంచి టక్స్ మినహాయింపు పొందటం కోసం, అనేక పధకాలు ప్రవేశపెట్టారని, ఈ 1200 కోట్ల రూపాయలు కృత్రిమంగా నష్టం వచ్చినట్టుగా, లెక్కలు చూపించారని, దొంగ లెక్కలు చూపించి పన్ను ఎగ్గొట్టారు అంటూ ఐటి అధికారులు తెలిపారు. ఎక్కవ స్టేక్స్ సింగపూర్ లో ఉన్న ఎన్ఆర్ఐ కు అమ్మారు అంటూ, సీజ్ చేసిన డాక్యుమెంట్స్ ద్వారా అధికారులకు తెలిసి, ఈ వచ్చిన ధనాన్ని ఏమి చేసారు అంటూ, ఇంకా లోతుగా ఐటి అధికారులు దర్యాప్తు చేస్తే, ఈ మొత్తం ధనాన్ని కృత్రిమంగా నష్టం వచ్చినట్టు చూపించారని గుర్తించారు.

కృత్రిమంగా నష్టం ఎలా వచ్చింది అని చెప్పటానికి, అనేక రంగు రంగుల స్కీంలు పెట్టినట్టు గుర్తించారు. ఇక మరో విషయం, రూ.288 కోట్లకు సంబంధించి, పత్రాలను సంస్థ నాశనం చేసిందని, ఐటి అధికారులు గుర్తించారు. మరో 300 కోట్లకు సంబంధించి, బ్లాక్ మనీ కూడా పట్టుకున్నారు. అయితే ఈ బ్లాక్ మనీ పై, పన్ను చెల్లించేందుకు రాంకీ సంస్థ అంగీకరించినట్టు ఐటి శాఖ తెలిపింది. మొత్తానికి పెద్ద ఎత్తున ఫ్రాడ్ జరిగింది అంటూ ఐటి శాఖ ప్రకటించింది. సెబి ఇచ్చిన ఫిర్యాదులు మేరకు, ఐటి శాఖ సోదాలు చేసినట్టు తెలిపింది. దీని పై గత రెండు మూడు రోజులుగా అనేక ఆరోపణలు, అనేక విశ్లేషణలు నడిచాయి. 20 బృందాలు పాల్గునటంతో, అందరికీ ఆసక్తి నెలకొంది. రాంకీ అధినేత అయోధ్య రామి రెడ్డి, వైసీపీ పార్టీ నుంచి రాజ్యసభకు ఎంపీగా ఉన్నారు. ఈయన దేశంలోనే ధనవంతులు ఎంపీల్లో ఒకరుగా ఉన్నారు. అలాగే ఈయన జగన్ కేసుల్లో కూడా ఉన్నారు. జగన్ కేసుల్లో ఏ4గా అయోధ్య రామిరెడ్డి ఉన్నారు.

ఆంధ్రప్రదేశ్ర్ రాజకీయాలను నిన్నటి నుంచి కుదిపేస్తున్న అంశం, రూ.41 వేల కోట్లకు పైగా నిధులను సరైన బిల్లులు లేకుండా, ప్రభుత్వం చెల్లించింది అంటూ టిడిపి నిన్న వెళ్లి గవర్నర్ కు ఫిర్యాదు చేయటం. నిన్నటి నుంచి ఈ అంశం పై మీడియా, సోషల్ మీడియాలో పెద్ద ఎత్తున చర్చ జరుగుతుంది. దీంతో దీని పై ప్రభుత్వం వివరణ ఇవ్వాల్సిన పరిస్థితి వచ్చింది. ఆర్ధిక శాఖ ముఖ్య కార్యదర్శి ఈ మేరకు ఒక ప్రకటన విడుదల చేసారు. నిన్న టిడిపి గవర్నర్ వద్దకు వెళ్లి, ఆర్ధిక శాఖ జమా ఖర్చుల్లో భారీ తేడాలు ఉన్నాయి అంటూ, కాగ్ లేవనెత్తిన అంశాలను ఆయనకు ఫిర్యాదు చేసింది. ఆ ఫిర్యాదుకు సంబంధించి, వివిధ పత్రికల్లో కధనాలు వచ్చాయని, అందులో వాస్తవాలు ఏమి లేవు అంటూ, ఆర్ధిక శాఖ ప్రెస్ నోట్ లో తెలిపింది. 41 వేల కోట్ల జమా ఖర్చులకు సంబంధించి, అకౌంటింగ్ పద్ధతులు, ట్రెజరీ నిబంధనలు పట్టించుకోకుండా నిధులు బదిలీ చేసినట్టు వచ్చిన వార్తల్లో వాస్తవం లేదని వారు పేర్కొన్నారు. ప్రతి ఏడాది ప్రినిసిపాల్ ఎకౌంటు జనరల్ తాము చూసిన, అబ్సర్వేషన్స్ రాష్ట్ర ప్రభుత్వానికి తెలియ చేస్తారని, ఇందులో భాగంగానే, మే 4న తమకు లేఖ వచ్చిందని అన్నారు. రాష్ట్ర ఆర్ధిక శాఖ ఆ లేఖ పై ఇప్పటికే వివరణ కూడా ఇచ్చాం అంటూ పేర్కొన్నారు. స్పెషల్ బిల్స్ క్యాటగరీ కింద 10 వేలకు పైగా బిల్లులకు సంబంధించి, 41 వేల కోట్లు డ్రా చేసిన విషయం పై ఇప్పటికే కాగ్ కు వివరణ ఇచ్చినట్టు చెప్పారు.

అయితే ఎలా డ్రా చేసారు, ఏమిటి అనే దాని పై కూడా చెప్తూ, ఇవన్నీ అడ్జస్ట్మెంట్స్ లో జరిగిన పొరపాటులని వివరణ ఇచ్చారు. పీడీ అకౌంట్స్ కు విడుదల చేసిన ఫండ్స్ కు సంబంధించి, ఆర్ధిక ఏడాది చివరని , అవి ఉపయోగించుకోలేక పోవటం వలన, అవి ల్యాప్స్ అయ్యాయని, అవి చూపించక పోవటం కూడా, లెక్కల్లో తేడా రావటానికి కారణంగా చెప్పారు. పీడీ అకౌంట్స్ మధ్య అడ్జస్ట్మెంట్స్ కూడా చేసామని, దాని వల్ల కూడా తేడా కనిపించిందని చెప్పారు. ఎకౌంటు హెడ్స్ లో కూడా పొరపాటులు జరిగాయని, అందులో కూడా తేడా ఉందని చెప్పారు. ఫెయిల్ అయిన పేమెంట్స్ మళ్ళీ చేయకపోవటం వల్ల కూడా ఈ సమస్య కు మరో కారణంగా చెప్పారు. GSTINlలో రెగ్యులర్ బిల్లులకు టీడీఎస్ అడ్జస్ట్మెంట్ రికవరీలో కూడా తేడాలు ఉన్నాయి అంటూ చెప్పుకొచ్చారు. అయితే ఏకంగా 41 వేల కోట్లకు సంబంధించి, ఇన్ని తేడాలు ఎలా జరిగాయి, దీనికి ఎవరు బాధ్యలు, ఈ తప్పులు అసలు ఎందుకు జరిగాయి అనే విషయం పై మాత్రం క్లారిటీ లేదు. మరి ఇంతకీ ఈ వివరణతో కాగ్ ఏమి అంటుందో చూడాలి.

ముందుగా మనకు తెలిసిన ఒక విషయం చెప్పుకుందాం. మనం ఒక బ్యాంకు నుంచి అప్పు తెచ్చుకుంటాం. ఆ అప్పు ఊరికే ఇవ్వరు, నీకు ఉండే ఆదాయం ఏమిటో చూస్తారు, ఆ ఆదాయం సరిగ్గా లేదు అనుకుంటే, ఆస్తులు తనఖా పెట్టమంటారు, ఇంకా ఎక్కడైనా కక్కుర్తి పడే వాళ్ళు ఉంటే, ఎక్కవ వడ్డీకి అప్పు ఇస్తారు. ఇక్కడ వరకు బాగానే ఉంది. అప్పు తిరిగి కాట్టటం లేదు అనుకోండి అని ఏమి చేస్తారు ? మనకు బ్యాంకులో మన జీతం కానీ, మరే ఇతర లావాదేవీలు పడినా, వెంటనే అవి అప్పు బాకీ కింద లాగేసుకుంటారు. అదీ కుదరకపోతే, చివరకు మనం తనఖా పెట్టిన ఆస్తులు లాగేసుకుంటారు. సరిగ్గా ఆంధ్రప్రదేశ్ పరిస్థితి కూడా ఇప్పుడు ఇలాగే ఉంది. అయితే ఇంకా తనఖా వరకు రాలేదు కానీ, బ్యాంకులో డబ్బులు లాగేసుకునే దాకా వచ్చారు. వివరాల్లోకి వెళ్తే, ఇప్పటికే తొమ్మిదో తారీఖు వచ్చినా, ఇంకా చాలా మంది ప్రభుత్వ ఉద్యోగులకు జీతాలు అందలేదు. అంతే కాదు, పెన్షనర్లకు కూడా ఇంకా పెన్షన్లు పడలేదు. ఇలా నెల రెండో వారం దాకా జీతాలు పడకపోవటం, ఈ మధ్య గత 20 ఏళ్ళలో ఎప్పుడూ లేదనే చెప్పాలి. అయితే సాంకేతిక కారణాలు అని చెప్తున్నా, ఖజానాలో నిధులు లేక చెల్లింపులు చేయలేదని అందరికీ తెలిసిందే. ఇది ఇలా ఉంటే, ఎలాగైనా అప్పు తెచ్చుకోవటం కోసం, ఏపి ప్రభుత్వం ప్రయత్నాలు చేసింది. మంత్రి బుగ్గన ఢిల్లీలో మకాం వేసి చివరకు ఆర్బిఐ దగ్గర అన్ని రాష్ట్రాల కంటే ఎక్కువ వడ్డీ కట్టి మరీ రెండు వేల కోట్లు తెచ్చారు.

చివరకు అస్సాం రాష్ట్రం కంటే, మనమే ఎక్కువ వడ్డీ కట్టాం అంటే, మన పరపతి ఎలా ఉందో అర్ధం అవుతుంది. ఇక కేంద్రం నుంచి కూడా రెవిన్యూ లోటు భర్తీ కింద రూ.1470 కోట్లు వచ్చాయి. దీంతో ఇక జీతాలు, పెన్షన్లు చెల్లించవచ్చని ప్రభుత్వం భావించింది. సరిగ్గా ఇక్కడే ఆర్బీఐ షాక్ ఇచ్చింది. ఇప్పటికే ఏపి ప్రభుత్వం ఓవర్ డ్రాఫ్ట్ లో కొన్ని నిధులు వాడుకుంది. అవి పరిమితి లోపే తిరిగి కట్టేయాలి. అవి తిరిగి కట్టక పోవటంతో, అప్పుగా తెచ్చుకున్న రెండు వేల కోట్లు, అలాగే రెవిన్యూ లోటు కింద కేంద్రం ఇచ్చిన రూ.1470 కోట్లు మినాయించుకుంది. అయినా ఇంకా 800 కోట్లు ప్రభుత్వం కట్టాల్సి ఉంటుంది. దీంతో అప్పు పుట్టిన ఉపయోగం లేకుండా పోయింది. మళ్ళీ ఓవర్ డ్రాఫ్ట్ కు వెళ్ళాలి అనుకున్నా, రూ.1400కోట్ల తీసుకుంటే నాలుగు రోజుల్లో, అంత కంటే ఎక్కువ తీసుకుంటే 14 రోజుల్లో తిరిగి చెల్లించాలి. ఇప్పటికే 800 కోట్లు బాకీ ఉంది, ఇప్పుడు మళ్ళీ ఓవర్ డ్రాఫ్ట్ కు వెళ్తే, ఈ 14 రోజుల్లో అంత ఆదాయం రాకాపోతే, మళ్ళీ ఆర్బిఐ ఊరుకోదు. దీంతో ప్రభుత్వానికి ఏమి చెయ్యాలో పాలుపోని పరిస్థితి. మరి జీతాలు, ఎలా ఇస్తారో చూడాలి.