news

వివాదాస్పద దర్శకుడు రాంగోపాల్ వర్మకి పోలీసులు మరోసారి షాక్ ఇచ్చారు. ఆయన విజయవాడలోని పైపుల రోడ్డులో నిర్వహించ తలపెట్టిన లక్ష్మీస్ ఎన్టీఆర్ సినిమా కార్యక్రమానికి సంబంధించిన బహిరంగ సభకు అనుమతి నిరాకరించారు. ఈ మేరకు ఒక లేఖను విడుదల చేసిన పోలీసులు... సమావేశం నిర్వహించతలపెట్టిన ప్రదేశం బహిరంగం కావున ఆయనను వ్యతిరేకించే వర్గం వాళ్ళు దాడులు చేసే అవకాశం ఉందని దీని కారణంగా ఆస్తి ప్రాణ నష్టం జరిగే అవకాశం ఉంది కాబట్టి ప్రెస్ క్లబ్ లో గాని మరొక చోట గాని సమావేశం నిర్వహించుకోవాలని సూచించారు. అలాగే రద్దీ గా ఉండే ప్రాంతం కాబట్టి ఎమర్జెన్సి సర్వీసులు కూడా తిరిగే అవకాశం ఉండటంతో సమావేశ స్థలాన్ని మరొక చోటకి మార్చుకోవాలని పోలీసులు ఆ లేఖలో పేర్కొన్నారు.

అలాగే అక్కడే కొన్ని స్కూళ్ళు కాలేజీలు ఉండటం, గ్రూప్ వన్ పరీక్ష ఉండటంతో ప్రజలు ఇబ్బంది పడే అవకాశం ఉందని అన్నారు. ప్రస్తుతం విజయవాడ నగర పరిధిలో సెక్షన్ 30 పోలీసు యాక్ట్, సెక్షన్ 144 సిఆర్ పీసీ, ఎన్నికల కోడ్ అమలులో ఉన్న కారణంగా సమావేశం ఇక్కడ నిర్వహించవద్దని ఆయనకు సూచించారు. కాగా ఇటీవల కూడా సమావేశం నిర్వహించాలని చూడగా పోలీసులు అడ్డుకున్న సంగతి తెలిసిందే.

వైసీపీ విజయంతో ఆ పార్టీ శ్రేణులు రెచ్చిపోయాయి. పలుచోట్ల టీడీపీ కార్యకర్తలపై దాడులకు తెగబడ్డాయి. కొన్నిచోట్ల టీడీపీ, వైసీపీ వర్గీయులు ఘర్షణకు పాల్పడ్డారు. అనంతపురంలో వైసీపీ నాయకులు టీడీపీ వర్గీయుల ఇంటిపై దాడిచేశారు. కుర్చీలు, తలుపులపై రాళ్లు విసిరి ధ్వంసం చేశారు. బాధితులు తెలిపిన వివరా ల మేరకు... నగరంలోని కృపానందనగర్‌లో డిప్యూటి మేయర్‌ సాకే గంపన్న సోదరుడి కు మారుడు సాకే చంద్రమోహన్‌ ఇంటిపై వైసీపీకి చెందిన చంద్రశేఖర్‌, సురేంద్ర, తిక్కసా యి, చిట్టి, వడ్డే నవీన్‌ శుక్రవారం రాత్రి తా గిన మత్తులో దాడికి దిగారు. దీంతో ఇరువురిమధ్య వాగ్వాదం కాస్తా ఘర్షణకు దారితీసింది. వైసీపీ నాయకులు రాళ్లతో ఇంటి ముందున్న కుర్చీలను, సరుకులను, ఇంట్లోని కూలర్‌, ఫ్రిజ్‌ను ధ్వంసం చేసి దాడికి దిగారు. వెంటనే పోలీసులకు సమాచారం అందించడంతో అక్కడి నుంచి పరారయ్యారు. టూ టౌన్‌ పోలీసులు అక్కడికి చేరుకుని ఘటనా స్థలాన్ని పరిశీలించారు. వైసీపీ నాయకులు ఇంటిపైకొచ్చి దాడిచేయడంతోపాటు తమపై అసభ్య పదజాలంతో దూషించారని బాధితు లు ఆవేదన వ్యక్తంచేశారు. ఘటనపై టూ టౌన్‌ పోలీసులు కేసు దర్యాప్తు చేస్తున్నారు.

ఇక అనంతపురం నగరంలోని వస్త్ర దుకాణం నిర్వహిస్తున్న ఇద్దరిపై వైసీపీ నాయకులు దాడులు చేశారు. బాధితులు తెలిపిన వివరాల మేరకు.. నగరంలోని విద్యుత్‌నగర్‌ సర్కిల్‌లో లోకేష్‌, సాయిక ల్యాణ్‌ అనే అన్నదమ్ములిద్దరూ వస్త్రదుకాణం నిర్వహిస్తున్నారు. అయితే వైసీపీకి చెందిన సాకే చంద్రశేఖర్‌, సురేంద్రనాథ్‌రెడ్డి, గుజ్జల గంగాధర్‌, నగేష్‌, మధు, నరేంద్ర అనే వైసీపీ కి చెందిన యువకులు వస్త్రదుకాణంపై శుక్రవారం దాడికి దిగారు. వారందరూ అన్నదమ్ములిద్దరిపై ఇష్టారాజ్యంగా మాటలతో దూ షించడంతోపాటు మూగదెబ్బలు తగిలేలా చితకబాదారు. ‘మా ప్రభుత్వమొచ్చింది. మీకు దిక్కున్నచోటు చెప్పుకోండి’ అంటూ హెచ్చరించి అక్కడి నుంచి వెళ్లిపోయారు. దీంతో బాధితులు టూటౌన్‌ పోలీసులకు ఫిర్యాదు చేశారు. ఈ ఘటనపై టూటౌన్‌ పోలీసులు కేసు నమోదు చేసుకుని దర్యాప్తు చేస్తున్నారు.

రొళ్ల మండలంలోని రొళ్ల గొల్లహట్టి టీడీపీ కార్యకర్త గద్దెతిమ్మప్పకు చెందిన అవిస చెట్లను గుర్తు తెలియని వ్యక్తులు నరికి వేశారు. ఆరెకరాలో వక్కచెట్లు అంతరపంటగా అవిసచెట్లను సాగుచేశాడు. వక్క చెట్లకు నీడగానూ, గొర్రె పిల్లల మేత కోసం ఎంతో ఉపయోగపడే ఈ చెట్ల నరికి వేయడంతో తీవ్రంగా నష్టపోవాల్సి వచ్చిందని బా ధితుడు ఆవేదన వ్యక్తం చేశారు. ఎన్నికల ఫ లితాలు విడుదల కాగానే తమకు గిట్టని వా రు ఈ పనిచేసి ఉంటారని వాపోయారు. ఈ విషయమై స్థానిక పోలీసు స్టేషన్‌లో ఫిర్యాదుచేయనున్నట్లు బాధితుడు తెలిపాడు. ఇక బ్రహ్మసముద్రంలో తెలుగుదేశం పార్టీ వ్యవస్థాపకుడు, మాజీ ముఖ్యమంత్రి దివంగత ఎన్టీ రామారావు విగ్రహానికి గురువారం రాత్రి దుండగులు నిప్పంటించారు. కనగానపల్లిలో పలు గ్రామాలలో టీడీపీ, వైసీపీ వర్గాల మ ధ్య ఘర్షణ చోటు చేసుకుని ఇరువర్గాలకు చెందిన పలువురికి గాయాలయ్యాయి. ఇలా అనేక చోట్ల, వైసీపీ నాయకులు, టిడిపి కార్యకర్తలని హింసకు గురి చేస్తున్నారు.

తెదేపా అధినేత చంద్రబాబు నాయుడు ఈనెల 28న గుంటూరు రానున్నారు. గుంటూరులోని తెదేపా కార్యాలయంలో జరిగే ఎన్టీఆర్ జయంతి వేడుకల్లో ఆయన పాల్గొంటారు. కార్యాలయం ఆవరణలో ఎన్టీఆర్ విగ్రహం వద్ద నివాళి అర్పించిన తర్వాత పార్టీ నేతలతో సమావేశమవుతారు. సాధారణంగా ప్రతి ఏటా ఎన్టీఆర్ జయంతి సందర్భంగా మహానాడు నిర్వహించటం ఆనవాయితీగా వస్తోంది. అయితే ఈ సారి ఎన్నికల ఫలితాలకు ముందే మహానాడు నిర్వహణపై తెదేపా చర్చించింది. ఎన్నికల ఫలితాల విడుదల హడావుడి ఉంటుంది కాబట్టి జులైలో నిర్వహించాలని నిర్ణయించారు. అయితే మహానాడుతో సంబంధం లేకుండా ఎన్టీఆర్ జయంతిని మాత్రం ఈ నెల 28న యథావిధిగా నిర్వహించాలని పార్టీ నిర్ణయించింది. ఆ మేరకు ఎన్టీఆర్ జయంతి కార్యక్రమాన్ని గుంటూరులోని తెదేపా రాష్ట్ర కార్యాలయంలో నిర్వహిస్తున్నారు. దీనికి చంద్రబాబు నాయుడు హాజరవుతారని పార్టీ వర్గాలు వెల్లడించాయి.

ప్రస్తుత ఎన్నికల్లో తెలుగుదేశం విజయం సాధించగలదో లేదో అని సంశయంతో ఉన్నవారిని సైతం తీవ్ర విస్మయానికి గురిచేసే రీతిలో ఆ పార్టీ పరాజయం పాలైంది. అయితే ఇంత ఘోరమైన ఓటమిని చవిచూస్తుందని మాత్రం ఎవరూ అనుకోలేదు. తెలుగుదేశాన్ని తీవ్రంగా నిరాశపరచిన అంశం ఏమిటంటే- ప్రజలకు భారీయెత్తున నగదు పంపిణీ చేసే పథకాలను అమలుచేసినా ఓటమి తప్పకపోవడం! ‘పసుపు కుంకుమ’ పథకం కింద పొదుపు సంఘాల మహిళలకు 2016లో ఒకసారి, పోలింగుకు కొద్దిరోజుల మందు మరోసారి పదేసి వేల రూపాయల వంతున ప్రభుత్వం నేరుగా నగదు బదిలీ చేసింది. ఇలా ప్రయోజనం పొందిన మహిళలు సుమారు 90 లక్షల పైచిలుకు ఉన్నారు.

వీరి ఓట్లపైనే తెలుగుదేశం బాగా ఆశలు పెట్టుకుంది. రైతులకోసం ‘అన్నదాతా సుఖీభవ’ పథకాన్ని చేపట్టి 46 లక్షలమంది రైతులకు తొలివిడతగా ఒక్కొక్కరికి నాలుగువేల వంతున పోలింగుకు కొద్దిరోజుల ముందు పంపిణీ చేసింది. వీటికి తోడు పట్టిసీమ నిర్మాణం, పోలవరం పురోగతి, రాజధాని వంటి అంశాల్లో తాము చేసిన కృషి ఎన్నికల్లో విజయానికి పునాది వేస్తుందని తెలుగుదేశం గట్టిగా నమ్మింది. పోలవరం, రాజధాని పనులపై ప్రజలకు సానుకూల అభిప్రాయం ఏర్పడటం కోసం కొద్ది నెలలుగా నిత్యం బస్సుల ద్వారా వివిధ ప్రాంతాల ప్రజలతో సందర్శన యాత్రలు నిర్వహించింది. ప్రభుత్వ ఖర్చుతో ఇలా లక్షల మంది ఆ పనులను చూశారు. రాష్ట్రంలో కియా కార్ల కర్మాగారం ఏర్పాటయ్యేలా చూడటం, హెచ్‌సీఎల్‌ వంటి ఐటీ కంపెనీలను రాష్ట్రానికి వచ్చేలా చేయడంలో ముఖ్యమంత్రి వ్యక్తిగతంగా చేసిన కృషి చాలా ఉంది. ఇంత కృషి సల్పిన తమకే ఓట్లు వేస్తారనే విశ్వాసంతో తెలుగుదేశం వ్యవహరించింది. కాని చివరకు అనేక కారణాల వల్ల, ప్రజలు తెలుగుదేశాన్ని తిరస్కరించారు.