news

అధికారంలోకి అప్పుడే వచ్చేశామని ధీమా వ్యక్తం చేస్తోన్న వైఎస్సార్ కాంగ్రెస్ పార్టీ నేతలు తాజాగా అనుసరిస్తోన్న వ్యూహం ఇప్పుడు ఏపీలో హాట్ టాపిక్ అయింది. కొంతమంది అధికారులకు ఫోన్ చేసి రాబోతుంది మేమే.. చెప్పింది చేయ్యండంటూ జారీ చేస్తోన్న హుకుంలతోపాటు కేబినెట్ కూర్పు పై కూడా జరుగుతున్న ఊహాగానాలు ఇప్పుడు ఏపీలో చర్చనీయాంశమయ్యాయి. ఉద్యోగ సంఘాల ప్రతినిధులకు కూడా ఫోన్ చేసి అందరూ అప్రమత్తంగా ఉండాలని చేస్తోన్న హెచ్చరికలు, చేబుతున్నసూచనలు ఇప్పుడు ఆసక్తిగా మారింది. హోరాహోరీగా జరిగిన ప్రచారం, పోలింగ్ రోజు ఈవీఎంల్లో సాంకేతిక లోపాలు, అయినా లెక్కచేయని ఓటర్లు. అర్థరాత్రి దాటేవరకు పోలింగ్ బూత్ లలో ఉండి ఓటు హక్కు వినియోగించుకోవటం వంటి అంశాలు ఒకవైపు కళ్ల ముందు కనిపించాయి. ఈ దృశ్యాలను ఓటు వేసిన వారెవరూ, టీవీల్లో వీక్షించిన ప్రజానీకం కూడా మర్చిపోలేరు.

ప్రజలను గంటల తరబడి పోలింగ్ బూత్ ల వద్ద క్యూ లైన్లలో నిలబెట్టడమే కాకుండా సాంకేతిక సమస్యలు వచ్చిన ఈవీఎంలను సరిదిద్దకుండా మరుసటిరోజు ఉదయం వరకు పోలింగ్ నిర్వహించిన ఎన్నికల కమిషన్‌ను చంద్రబాబు జాతీయ స్థాయిలో దోషిగా నిలబెట్టే ప్రయత్నం చేశారు. ఎన్నికల కమిషన్ వైఫల్యాలను ఎండగట్టారు. దీంతో చంద్రబాబు ఓడిపోతున్నారని, ఆ నెపాన్ని ఈవీఎంలపై నెట్టేందుకు ప్రయత్నం చేస్తున్నారంటూ వైసీపీ కొత్త పల్లవి అందుకుంది. నంద్యాలలో తెలుగుదేశం గెలుపు, మధ్యప్రదేశ్, రాజస్థాన్, చత్తీస్‌ఘడ్‌లో కాంగ్రెస్ గెలుపు, ఈవీఎంల ద్వారానే జరిగిందని ప్రతిపక్షం చెబుతోంది. ఈలోపు వైసీపీ నేతలు రాష్ట్రంలోని ఉన్నతాధికారులకు ఫోన్ చేయటం ప్రారంభించారు.

ముఖ్యంగా పోలీస్ అధికారులకు, జిల్లాస్థాయిలో ఉన్న ఎస్పీలకు ఫోన్ చేసి ఇటీవల జరిగిన గొడవలు, అందులో వైసీపీ నేతలను అరెస్ట్ చేయటంపై ఆగ్రహం వ్యక్తం చేస్తున్నారు. అధికారంలోకి రాబోతుంది తామేనంటూ సాక్షాత్తు కొంతమంది జిల్లా ఎస్పీలకు ఫోన్ చేసి బెదిరించినట్టు అధికార పార్టీ నేతలు చెబుతున్నారు. పోలీస్ అధికారులు మాత్రం ఎన్నికల కమిషన్ పరిధిలో ఉన్నామని, నిష్పక్షపాతంగా వ్యవహారిస్తామని స్పష్టం చేస్తున్నారు. సెక్రటేరియట్‌లోని కొంతమంది అధికారులకు ఫోన్ చేసి తమకు తెలియకుండా జీవోలు ఎలా ఇస్తారని ప్రశ్నించటంతోపాటు ఆపధర్మ ముఖ్యమంత్రి చంద్రబాబు చెపితే ఫైళ్లు తీసుకెళ్తారా అంటూ నిలదీయటం ప్రారంభించారు. ఈ వింత పోకడతో అధికారులు సైతం బెంబేలెత్తుతున్నారు.

ఏపీ ముఖ్యమంత్రి చంద్రబాబుకు డీఎంకే అధినేత స్టాలిన్ ధన్యవాదాలు తెలిపారు. నిన్న చెన్నై వెళ్లిన చంద్రబాబు... డీఎంకే ప్రధాన కార్యాలయంలో ఆ పార్టీకి మద్దతుగా ప్రచారం చేసిన విషయం తెలిసిందే. ఈ సందర్భంగా స్టాలిన్ ట్విట్టర్ ద్వారా స్పందిస్తూ, చెన్నైకి వచ్చి డీఎంకేకు మద్దతు ప్రకటించిన చంద్రబాబుకు నా హృదయపూర్వక ధన్యవాదాలు. నియంతృత్వ మోదీ ప్రభుత్వాన్ని, అవినీతిలో కూరుకుపోయిన తమిళనాడులోని అన్నాడీఎంకే ప్రభుత్వాన్ని ఇంటికి పంపిస్తాం. దేశ ప్రజాస్వామ్యాన్ని కాపాడేందుకు చేస్తున్న పోరాటంలో డీఎంకే ముందు వరుసలో ఉంటుందని మాట ఇస్తున్నా అని తెలిపారు.

అయితే తమిళనాడులో ఎన్నికల్లో త్రిముఖపోటీ నెలకొంది. అదికార, ప్రతిపక్షం మద్య పోటీ కాకుండా అదికార పార్ట కంటిలో నలుసులా పరిణమించాడు టీటీవి దినకరన్. తమిళనాడులో దినకరన్ తో పాటు కమలహాసన్ కూడా అదికారపార్టీకి శరాఘాతంగా మారిపోయారు. ఐతే ఉప ఎన్నికల్లో పోటీ లో ఉన్న 18 మంది అభ్మర్థుల్లో ఎవరు ఎక్కువ స్థానాలు కైవసం చేసుకుంటే వారు అదికారం చేజిక్కించుకునే అవకాశం ఉంది కాబట్టి లోక్ సభ ఎన్నికల కన్నా శాసన సభ ఎన్నికలమీద నాయకులు ఎక్కువ ద్రుష్టి కేంద్రీకరించినట్టు తెలుస్తోంది. ఈ నేపథ్యంలో చంద్రబాబు నాయుడు ప్రదచారం తమిళనాడులో ఉన్న తెలుగు ప్రజలను ప్రభావితం చేస్తుందనే చర్చ జరుగుతోంది.

తెలుగు రాష్ట్రాల్లో సంచలనం సృష్టిస్తున్న ‘డేటా చోరీ’ కేసులో ఆధార్‌ (యూఐడీఏఐ) సంస్థ కీలక ప్రకటన చేసింది. ఐటీ గ్రిడ్స్‌ సంస్థ తమ సర్వర్ల నుంచి అక్రమంగా, చట్టవిరుద్ధంగా డేటాను చోరీ చేయలేదని స్పష్టం చేసింది. తమకు సంబంధించిన కేంద్రీకృత సమాచార నిల్వ కేంద్రం (సీఐడీఆర్‌)తోపాటు సర్వర్లు అత్యంత భద్రంగా ఉన్నాయని తెలిపింది. బుధవారం దీనిపై యూఐడీఏఐ ఒక ప్రకటన విడుదల చేసింది. ‘‘ఆధార్‌ చట్టానికి విరుద్ధంగా ఐటీ గ్రిడ్స్‌ సంస్థ పెద్ద సంఖ్యలో పౌరుల ఆధార్‌ వివరాలను సేకరించినట్లు తెలంగాణ ప్రభుత్వం ఏర్పాటు చేసిన సిట్‌ నివేదిక ఇచ్చింది. దీని ఆధారంగా మేం కూడా పోలీసులకు ఫిర్యాదు చేశాం.

అయితే... పౌరుల ఆధార్‌ సంఖ్య, పేరు, చిరునామా తదితర వివరాలను యూఐడీఏఐ సర్వర్ల నుంచి చోరీ చేసినట్లుగా ఆధారాలు లభించినట్లు సిట్‌ నివేదికలో ఎక్కడా లేదు. పలు సర్వీస్‌ ప్రొవైడర్లు వ్యక్తుల నుంచి నేరుగా వారి ఆధార్‌, ఇతర వివరాలు సేకరించడం సాధారణంగా జరిగేదే. అయితే... ఈ సమాచారాన్ని నిర్దిష్టంగా ఏ అవసరం కోసం సేకరించారో, దానికోసమే ఉపయోగించాలి. సదరు వ్యక్తి సమ్మతం లేకుండా ఈ సమాచారాన్ని ఇతరులకు అందించకూడదు. ఆధార్‌ చట్టానికి వ్యతిరేకంగా ఆ సమాచారాన్ని సేకరించినా, నిల్వ చేసినా, ఉపయోగించినా, అందుకు బాధ్యులైన వారిని ప్రాసిక్యూట్‌ చేయవచ్చు’’ అని యూఐడీఏఐ ప్రకటించింది.

అదేసమయంలో... కేవలం ఆధార్‌ సంఖ్య, పేరు, వివరాలు తెలుసుకున్నంత మాత్రాన పౌరులకు ఎలాంటి నష్టం జరగదని... బయోమెట్రిక్‌ లేదా వన్‌టైమ్‌ పాస్‌వర్డ్‌ వంటి రెండో అంచె భద్రత ఉంటుందని తెలిపింది. ఐటీ గ్రిడ్స్‌ కేసుకు సంబంధించి తమ సర్వర్లతో, సమాచారంతో ఎలాంటి సంబంధం లేదని తేల్చిచెప్పింది. అయితే... ఐటీ గ్రిడ్స్‌ సంస్థ ఆధార్‌ సమాచారాన్ని ఏ అవసరం కోసం సేకరించింది, చట్ట ఉల్లంఘన జరిగిందా అనే విషయాలపై పోలీసులకు ఫిర్యాదు చేశామని వివరించింది.