news

ఎలాగైనా చంద్రబాబుని ఇబ్బంది పెట్టాలి.. అలా చెయ్యాలి అంటే, చంద్రబాబుకి సహకరించే వారిని ముందు ఇబ్బంది పెట్టాలి... ఫాక్షన్ ఆలోచనలు అంటారు వీటిని.. ఇలాంటి అలోచనే ఇప్పుడు కేంద్రం చేస్తుంది. రాష్ట్రంలో భయభ్రాంతులకి గురి చేస్తున్నారు. అదేమంటే, దాడులు జరిగితే భయం దేనికి, కడిగిన ముత్యం లాగా బయటకు రండి అంటూ ఫోజులు కొడుతున్నారు. అసలు ఇప్పటి వరకు జరిగిన దాడుల్లో రూపాయి అయినా అక్రమం అని తేల్చారా అంటే, లేదు ? మరి ఇవన్నీ ఎందుకు చేస్తున్నారు అంటే, చంద్రబాబును సాధించటానికి చేస్తున్నారు. తాజాగా ఇప్పుడు మరో సంచలన విషయం బయట పడింది. చంద్రబాబుకి సన్నిహితంగా ఉండే వారిని ఇబ్బంది పెట్టే పెద్ద ఆపరేషన్ మొదలు పెట్టారు.

చంద్రబాబుని డైరెక్ట్ గా టచ్ చేసే దమ్ము లేక డ్రామాలు ఆడుతున్నారు. ఐటీ శాఖ చాలా లోతుల్లోకి వెళ్లి మరీ లావాదేవీలపై ఆరా తీస్తోంది. ‘‘గత నాలుగేళ్లుగా భారీగా లావాదేవీలు జరిగిన ఖాతాల వివరాలన్ని మాకు చెప్పండి’ అంటూ బ్యాంకులకు ఐటీ నుంచి లేఖలు వెళ్లినట్లు తెలిసింది. ఇటీవలికాలంలో జాగ్రత్త పడినప్పటికీ... పాత లెక్కలను తీసి పక్కాగా పట్టుకోవచ్చునని అధికారులు భావిస్తున్నట్లు సమాచారం.మరీ ముఖ్యంగా... తెలుగుదేశం ప్రభుత్వం అధికారంలోకి వచ్చిన నాటి నుంచి వివిధ కంపెనీలు, సంస్థలు నిర్వహించిన లావాదేవీల వివరాలను పలు బ్యాంకులనుంచి ఐటీ శాఖ సేకరిస్తున్నట్లు తెలిసింది.

లక్ష్యంగా నిర్ణయించుకున్న కంపెనీల బ్యాంకు ఖాతాలపై దృష్టి సారించారు. ఒకచోట తీగ దొరికితే గొలుసుకట్టుగా డొంకను కదిలించుకుంటూ వెళ్లిపోతున్నారు. ఈ వ్యవహారం క్రమంగా వ్యాపార వర్గాల్లోకి చేరుతుండడంతో గుబులు మొదలైంది. ఇటీవల 200 మంది సిబ్బంది 19 బృందాలుగా విడిపోయి వీర విహారం చేశారు. ఒకరోజు, రెండు రోజులు కాకుండా... రోజుల తరబడి అదే పనిగా వేడి కొనసాగిస్తున్నారు. దీంతో ఈ వ్యవహారంతో సంబంధం లేని వారు కూడా బెంబేలెత్తుతున్నారు. పలువురు రియల్టర్లు, వ్యాపారులు అసలు ఇప్పుడేమీ కొత్త లావాదేవీలు వద్దు, ఒప్పందాలు, రిజిస్ర్టేషన్లు వద్దే వద్దు అన్న స్థాయికి వెళ్లిపోయారు. పెద్ద మొత్తంలో లావాదేవీలు నిర్వహించేవాళ్లే కాకుండా...ఒక మాదిరిగా వ్యాపారాలు చేసేవారూ టెన్షన్‌ పడుతున్నారు. బీజేపీకి కావాల్సింది కూడా ఈ భయమే. అది సృష్టించటంలో ఇప్పటికి సక్సెస్ అయ్యారు. 2019లో ప్రజల టైం వస్తుంది. అప్పుడు వాళ్ళు ఇవ్వాల్సిన తీర్పు ఇస్తారు.

ఆంధ్రప్రదేశ్ వ్యవసాయ శాఖ మంత్రి సోమిరెడ్డి చంద్రమోహన్ రెడ్డి ఈ ఉదయం ఘోర ప్రమాదం నుంచి తృటిలో తప్పించుకున్నారు. శ్రీకాకుళం జిల్లాలో తిత్లీ తుఫాన ప్రభావిత ప్రాంతాల్లో ఆయన పర్యటించే నిమిత్తం వెళుతున్న వేళ ఈ ఘటన జరిగింది. సోమిరెడ్డి, ఆయన సిబ్బంది ప్రయాణిస్తున్న వాహనం టైర్లు పేలడంతో జాతీయ రహదారిపై అదుపుతప్పింది. దీంతో వాహనం స్కిడ్ అయి, డివైడర్ పైకి దూసుకెళ్లింది. అయితే, వెంటనే అప్రమత్తమైన డ్రైవర్ చాకచక్యంగా వ్యవహరించి, తన అనుభవాన్ని చూపిస్తూ, వాహనాన్ని అదుపు చేయడంతో ప్రమాదం తప్పింది. సోమిరెడ్డికి ఎటువంటి గాయాలు కాలేదు. ఆ తరువాత ఆయన మరో వాహనంలో తన పర్యటనను కొనసాగించారు. ప్రస్తుతం ఆయన మందస గ్రామంలో తుఫాను బాధితులను పరామర్శిస్తున్నారు.

అంతకు ముందు సోమిరెడ్డి శ్రీకాకుళంలో పర్యటించారు. వ్యవసాయ శాఖామాత్యులు పంట నష్టాల అంచనా నిక్కచ్చిగా తయారు చేయాలని రాష్ట్ర వ్యవసాయ శాఖామాత్యులు సోమిరెడ్డి చంద్రమోహన రెడ్డి అధికారులను ఆదేశించారు. శని వారం జిల్లా పరిషత్ సమావేశ మందిరంలో పంట నష్టాల ఎన్యూమరేషన్ పై నిర్వహించిన అవగాహనా కార్యక్రమానికి మంత్రి విచ్చేసారు. ఈ సందర్భంగా ఆయన మాట్లాడుతూ, తిత్లీ తుఫాను వలన పలాస, ఇఛ్ఛాపురం, టెక్కలి నియోజక వర్గాలలో 13 మండలాలలో పంటలు బాగా దెబ్బతిన్నాయన్నారు. 1.39 లక్షల హెక్టార్లలో వరి పంట, 20 వేల హెక్టార్లలో ఉద్యానవన పంటలు దెబ్బతిన్నాయని తెలిపారు. వీటిలో జీడి, అరటి, కొబ్బరి పంటలు ఎక్కువగా దెబ్బతిన్నాయని చెప్పారు. ఏ ఒక్క రైతు కూడా నష్టపోరాదనే వుద్దేశ్యంతో

కేంద్ర సాయం కన్నా ఎక్కువ సాయాన్ని రాష్ట్ర ప్రభుత్వం అందిస్తున్నదని తెలిపారు. వరి పంట అంచనాలకు 320 మందిని, ఉద్యానవన పంటల పరిశీలనకు 135 మందిని విశాఖపట్నం, విజయనగరం నుండి కూడా డిప్యూట్ చేయడం జరిగిందని తెలిపారు. పంట నష్టం కలిగిన ప్రతీ రైతుకు నష్ట పరిహారాన్ని త్వరితగతిన అందచేయడం జరుగుతుందని చెప్పారు. కొబ్బరి చెట్టుకు రూ. 1,000 లు, జీడి, మామిడికి హెక్టారుకు రూ.20 వేలు, అరటి పంటకు హెక్టారుకు రు.25 వేలు ఇన్ పుట్ సబ్సిడీని అందించడం జరుగుతుందని తెలిపారు. మూడు రోజులలో ఎన్యూమరేషన్ పూర్తి చేయాలని అధికారులను ఆదేశించారు. వంశధార నీరు విడుదల ద్వారా శీకాకుళం, నరసన్నపేట, ఆముదాల వలస మండలాలలో 25 వేల హెక్టార్ల పంట నీట మునిగిందన్నారు. ఉద్యానవన అధికారుల సహకారంతో గ్రామాలలో ఎన్యూమరేషన్ చేయాలని తెలిపారు. ఉపాధిహామీ సిబ్బంది కూడా ఎన్యూమరేషన్ కు తోడ్పాటు అందించాలని చెప్పారు.

రేవంత్ రెడ్డి ఇంటి పై 43 గంటలు ఐటి దాడులు చేసారు. చివరకు కొండను తవ్వి ఎలక తోక కూడా పట్టుకోలేక పోయారు. తరువాత విజయవాడ వచ్చి, టిడిపికి సానుభూతి పరులుగా ఉన్న పారిశ్రామిక వేత్తల పై దాడులు చేసారు, ఇక్కడ అసలు కొండను కూడా తవ్వలేదు, ఏమి లేక ఊపుకుంటూ వెళ్లారు. సుజనా చౌదరి కంపనీల పై చేసారు, అక్కడా ఊపుకుంటూ వెళ్లారు. ఇక లాభం లేదు, ఎదో ఒకటి పట్టుకోవాలనే ఆదేశాలు పై నుంచి రావటంతో, దాదాపు 100 మంది ఐటి అధికారులు సియం రమేష్ ఇంటి పై పడ్డారు. 51 గంటలు సోదాలు చేసారు. సాధించి సాధించి చివరకు ఇక్కడ కూడా ఎలక తోక కూడా పట్టుకోలేక పాపం, దసరా మామూలు తీసుకుని వెనుతిరిగారు.

ఆయన కంపెనీల్లో జరిపిన సోదాల్లో కొన్ని కీలక పత్రాలు, కంప్యూటర్ హార్డ్ డిస్క్ లను అధికారులు వెంటతీసుకెళ్లారు. సీఎం రమేష్ ఇంట్లోని ఓ లాకర్, ఆయన వేలిముద్రలతోనే తెరచుకుంటుందని తెలుసుకున్న అధికారులు, ఢిల్లీలో ఉన్న ఆయన్ను పిలిపించి, దానిని తెరిపించారు. ఆపై తమ తనిఖీలు ముగిశాయని గత అర్ధరాత్రి వెల్లడించిన అధికారులు, పంచనామా పత్రాల కాపీని సీఎం రమేష్ కు అందించి వెళ్లిపోయారు. తాను బీజేపీకి వ్యతిరేకంగా పోరాడుతూ, రాష్ట్ర ప్రయోజనాలను కాపాడేందుకు, విభజన హామీల అమలు దిశగా ఒత్తిడి తెస్తున్నందునే తనపై ఐటీ అధికారులతో దాడులు చేయించారని తెలుగుదేశం ఎంపీ సీఎం రమేష్ వ్యాఖ్యానించారు.

ఐటీ అధికారులు పంచనామా కాపీని తనకు అందించి, సోదాలు ముగిసినట్టు తెలిపి, వెళ్లిపోయిన తరువాత ఆయన గత అర్ధరాత్రి మీడియాతో మాట్లాడారు. "నేను కరుడుగట్టిన టీడీపీవాదినని అందరికీ తెలుసు. నన్ను బీజేపీలోకి రావాలని అడిగారు. సోదాలు చేసేందుకు వచ్చిన అధికారులు కూడా, బీజేపీతో ఎందుకు పెట్టుకున్నారని నన్ను ప్రశ్నించారు. నాపై నెల రోజుల క్రితం జీఎస్టీ అధికారులు దాడులు చేశారు. ఆ విషయాన్ని నేను ఎవరికీ చెప్పలేదు. భయానికి గురిచేసేందుకే నాపై బీజేపీ దాడులు చేయిస్తోంది. నేను ఎలాంటి బెదిరింపులకూ భయపడను. రేపు మరోసారి మీడియా ముందుకు వచ్చి మరిన్ని వివరాలు తెలియజేస్తాను" అని ఆయన అన్నారు.