news

మధ్య ప్రదేశ్‌లోని బీజేపీ ప్రభుత్వానికి ఊహించని ఎదురుదెబ్బ తగిలింది. ప్రధానమంత్రి ఆవాస్ యోజన (పీఎంఏవై) పథకం కింద నిర్మించిన గృహాల పై ప్రధాని నరేంద్ర మోదీ, సీఎం శివరాజ్ చౌహాన్ ఫోటోలతో పెట్టిన టైల్స్‌ను తొలగించాలంటూ మధ్యప్రదేశ్ హైకోర్టు ఆదేశించింది. పీఎంఏవై పథకం కింద నిర్మించిన గృహాల్లో ఏ రాజకీయ నాయకుడి ఫోటో ఉండడానికి వీల్లేదని ధర్మాసనం స్పష్టం చేసింది. ఇప్పటికే ఇళ్లలో పెట్టిన టైల్స్‌ను మూడు నెలల్లోగా తొలగించాలనీ, ఈ వ్యవహారం పై మధ్యప్రదేశ్ ప్రభుత్వం డిసెంబర్‌లోగా నివేదిక సమర్పించాలని ఆదేశించింది.

దాటియా నివాసి సంజయ్ పురోహిత్ జూలైలో దాఖలు చేసిన ప్రజాప్రయోజనవ్యాజ్యం (పిల్) మేరకు గ్వాలియర్ బెంచ్ ఈ మేరకు తీర్పు వెలువరించింది. ప్రధాని, సీఎం ఫోటోలు ఎందుకు ఉపయోగిస్తున్నారంటూ పిటిషనర్ ప్రశ్నించారు. ప్రజాధనంతో నిర్మించిన ఇళ్లను ఎన్నికల్లో లబ్ధి కోసం వినియోగించుకోరాదన్నారు. కాగా కోర్టు ఆదేశాల మేరకు ఫోటోలతో కూడిన టైల్స్‌ని తొలగిస్తామంటూ కేంద్ర ప్రభుత్వం పేర్కొంది. మరోవైపు రాష్ట్ర ప్రభుత్వం కూడా ఫోటోలు తొలగించాలంటూ ఇప్పటికే ఆదేశాలు జారీ చేసినట్టు కోర్టుకు తెలిపింది.

అయితే ఈ విషయంలో, మన రాష్ట్రంలో ఉన్న బీజేపీ వారికి కూడా వర్తిస్తుంది. ప్రతి పధకానికి మా మోడీ బొమ్మ వెయ్యలేదు అంటూ, బీజేపీ చేసే హడావిడి తెలిసిందే. ఎదో ఒక చోట సియం బొమ్మ వేస్తారు కాని, వీళ్ళు మరి టైల్స్ కి కూడా, మోడీ బొమ్మ వెయ్యమంటం ఏంటో, వారికే తెలియాలి. ఈ విషయం పై ఇది వరుకే చంద్రబాబు కూడా చురకలు అంటించారు కూడా. మీరు ప్రతి పధకానికి మోడీ బొమ్మ పెట్టమంటున్నారు, మీ మోడీ ముఖ్యమంత్రిగా అనేక సంవత్సరాలు ఉన్నారు, మరి అప్పుడు, మీ గుజరాత్ లో, మన్మోహన్ సింగ్ బొమ్మ వేసారా అని ప్రశ్నించటంతో ఒక్కరికి కూడా సౌండ్ లేదు. అయినా, మరీ కక్కుర్తి కాకపోతే, టైల్స్ కి కూడా మోడీ బొమ్మ ఏంటి ?

దేశంలో బీజేపీ నేతలకు కన్ను మిన్ను కాన రావటం లేదు. ఎవరి మీద పడితే వారి మీద తమ అహంకారం చూపిస్తున్నారు. చివరకు 1 శాతం ఓటింగ్ కూడా లేని ఆంధ్రప్రదేశ్ లో కూడా రెచ్చిపోతున్నారు. అదేమంటే, కేంద్రంలో మేమే అధికారంలో ఉన్నాం అనే అహం. మొన్నటి వరకు కన్నా పర్యటనల్లో, ఎవరన్నా సామాన్యులు కేంద్ర వివిక్ష పై ప్రశ్నిస్తే, వారిని చావ బాదటం చూసాం. ఇప్పుడు ఏకంగా విలేకరులనే కొట్టేసారు బీజేపీ నాయకులు. బుధవారం కాకినాడ సూర్యకళామందిరంలో రైతు సదస్సు పేరిట సభ నిర్వహించారు. ఈ సందర్భంగా, అక్కడకి వచ్చిన విలేకరుల పై తమ ప్రతాపం చూపించారు బీజేపీ నేతలు.

రైతు సదస్సులో పలు వక్తలు మాట్లాడుతున్న సందర్భంలో మీడియా కవరేజ్‌కు వెళ్లిన కొంతమంది విలేఖరులు కూర్చోవడానికి కుర్చీలు కావాలని కార్యకర్తలను కోరారు. దీంతో కొందరు సీనియస్‌గా సమావేశం జరుగుతుందని మధ్యలో మీ గొడవ ఏంటని, ఉంటే ఉండండి లేకపోతే పోండని అనడంతో వెనుదిరిగేందుకు ప్రయత్నించే సమయంలో కార్యకర్తలు ఒక విలేఖరి పై చేయి చేసుకున్నారు. సహచర విలేఖరులకు విషయం తెలిసి కొద్దిసేపు ఆందోళన చేశారు. విలేఖరి పై చేయి చేసుకున్న కార్యకర్తలను అరెస్ట్‌ చేయాలని డిమాండ్‌ చేశారు.

అంతే కాదు బీజేపీ నాయకులు విలేకరుల పై చూపించిన ప్రతాపానికి నిరసనగా, బీజేపీ కార్యకరమాలు అన్నీ బహిష్కరించాలని నిర్ణయం తీసుకున్నారు. ఈ నిర్ణయం అక్కడే ఉన్న పార్టీ పేదలకు తెలియటంతో, వారు అలెర్ట్ అయ్యి చర్చలు జరిపారు. ఇంత మంది పెద్దలు, సాక్షాత్తు కన్నా లక్ష్మీ నారయణే ఇక్కడ ఉన్నా, మా పై దాడి చేసారని, ఇంత చేస్తున్నా, ఈ నాయకులు ఏమి అనకుండా కూర్చున్నారని, ఇదంతా మీ డైరెక్షన్ లోనే జరిగిందా అంటూ ప్రశ్నించారు. అయితే, విషయం మరీ పెద్దది అవ్వటంతో, కన్నా లక్ష్మీనారయణ రంగంలోకి దిగారు. దాడి జరిగిన దానికి, కన్నా లక్ష్మీనారాయణ సభాముఖంగా జరిగిన సంఘటనకు విలేఖరులకు క్షమాపణలు చెప్పారు. దీంతో విలేకురులు ఆందోళన విరమించారు.

రాష్ట్రానికి పెట్టుబడుల ఆకర్షణే లక్ష్యంగా రాష్ట్ర ఐటీ శాఖమంత్రి నారా లోకేశ్‌ చైనా పర్యటన చేస్తున్న సంగతి తెలిసిందే. ఎలక్ర్టానిక్‌ దిగ్గజ కంపెనీలతో చర్చలు జరిపుతూ లోకేష్ పర్యటన కొనసాగుతుంది. అయితే, ఈ ప్రయత్నాలు ఫలించినట్టే ఉన్నాయి. లోకేష్ స్వయంగా ఒక ట్వీట్ చేసారు. ఈ ట్వీట్ చూస్తే రాష్ట్రంలో ప్రతి ఒక్కరూ ఎక్షైట్ అవుతారు. లోకేష్ ట్వీట్ చేస్తూ, మన రాష్ట్రంలోని తిరుపతిలో, అతి పెద్ద ఎలక్ట్రానిక్స్ కంపెనీ వస్తుంది, ఈ రోజే, ఈ వార్తా చెప్తాం అంటూ ట్వీట్ చేసారు. అతి పెద్ద చైనా మల్టీ నేషనల్ కన్స్యూమర్ ఎలక్ట్రానిక్స్ కంపెనీ తిరుపతి వస్తుంది, ఈ రోజే ఆ పేరు చెప్తాం అంటూ ట్వీట్ చేసారు. దీంతో, ఆ కంపెనీ ఏంటా అనే ఆసక్తి నెలకొంది.

చైనా పర్యటనలో భాగంగా బీజింగ్‌లో వివిధ కంపెనీల ప్ర‌తినిధుల‌తో మంత్రి నారా లోకేశ్‌ వరుస సమావేశాలు నిర్వహిస్తున్నారు. ఏపీలో పెట్టుబడులు పెట్టేందుకు వివిధ సంస్థలు అంగీకారం తెలిపాయి. ప్రధానంగా ఎలక్ట్రానిక్స్ రంగాన్ని రాష్ట్రానికి ఆహ్వానించడమే లక్ష్యంగా ఆయన రెండో రోజు పర్యటన సాగింది. బీజింగ్‌లో ప్ర‌ఖ్యాత కంపెనీల య‌జ‌మానులు, సీఈవోల‌తో లోకేశ్‌ భేటీ అయ్యారు. పరిశ్రమల ఏర్పాటుకు ఏపీ కల్పిస్తున్న సౌకర్యాలను వివరించి వారిని మెప్పించి ఒప్పందాలు కూడా చేసుకుంటున్నారు. ఈ పర్యటనలో భాగంగా షామీ సప్లయర్స్‌ ఇన్వెస్ట్‌మెంట్‌ సమ్మిట్‌లో లోకేశ్‌ పాల్గొన్నారు. ఏపీలో పెట్టుబడులు పెట్టేందుకు రాష్ట్రంలో ఉన్న అనువైన పరిస్థితుల గురించి ప్రెజెంటేషన్ ఇచ్చారు.

మరోవైపు రాష్ట్రంలో 15వేల మంది ఒకేచోట పనిచేసేలా ఫాక్స్‌కాన్‌ కంపెనీని తీసుకురాగా.. తిరుపతిలో రానున్న రిలయన్స్‌ సెజ్‌లో దాదాపు 35 వేల మందికి ఉద్యోగావకాశాలు లభించనున్నాయి. ఇప్పుడు అంతకుమించి ఒకేచోట లక్ష మందికి ఉద్యోగాలు కల్పించే మెగా ఫ్యాక్టరీ దిశగా పెట్టుబడులు తేవాలన్నది తన లక్ష్యంగా లోకేశ్‌ ఇటీవల ప్రకటించారు. చైనాలోని షెంజెన్‌ నగరం ఇలాంటి మెగా ప్రాజెక్టులకు ప్రసిద్ధి. ఆ నగరంలో కూడా రెండురోజుల పాటు లోకేశ్‌ పర్యటించనున్నారు. లోకేశ్‌తో పాటు ఈడీబీ సీఈవో కృష్ణకిషోర్‌, ఐటీ కార్యదర్శి విజయానంద్‌, ఇతర ఉన్నతాధికారులు చైనా వెళ్లారు.