news

దేశ రాజకీయాలు నేను మార్చేస్తున్నా, మోడీ లేదు, సోనియా లేదు, కాంగ్రెస్, బీజేపీ దేశాన్ని నాశనం చేసాయి, నేనే ఢిల్లీని ఏలుతా అంటూ, నాకు మాయావతి ఫోన్ చేసింది, ఇంకా ఎవరో ఫోన్ చేసారంటూ హడావిడి చేసిన తెలంగాణా ముఖ్యమంత్రి కెసిఆర్ మాటలు గుర్తుండే ఉంటాయి... అప్పట్లో, చూసారా కెసిఆర్ ఎలా పోరాడుతున్నారో, చంద్రబాబుకి ధైర్యం లేదు అంటూ ఇక్కడ కొంత మంది హడావిడి చేసారు.. పవన్ కళ్యాణ్ లాంటి నేతలు అయితే, ట్విట్టర్ లో, హాట్స్ ఆఫ్ చెప్పారు... ఇక హోదా పై మద్దతు తెలిపారని, కవితను చెల్లలు అంటూ, ట్వీట్ చేసారు పవన్... ఇది ఇలా ఉండగా, దక్షిణాది రాష్ట్రాలతో పాటు, మరి కొన్ని ఉత్తరాది రాష్ట్రాలను నిర్వీర్యం చేసే విధంగా, 15వ ఆర్థిక సంఘం విధి విధానాలు ఉండటంతో, ఈ రాష్ట్రాలన్నీ కేంద్రం పై ప్రత్యక్ష పోరాటానికి సిద్ధమయ్యాయి...

ఈ నేపధ్యంలో మొదటి సమావేశం కేరళలో జరిగింది, రెండో సమావేశం ఈ రోజు అమరావతిలో జరుగుతుంది. వివిధ రాష్ట్రాల ఆర్థికశాఖ మంత్రులు, కార్యదర్శుల సమావేశంలో కేంద్రానికి వ్యతిరేకంగా యాక్షన్ ప్లాన్ సిద్ధం చేస్తున్నారు.. దక్షిణాది నుంచి పన్నుల రూపంలో కేంద్రానికి అధిక ఆదాయం వస్తున్నా… నిధుల విడుదలలో వివక్ష చూపిస్తున్నారని దక్షిణాది రాష్ట్రాలు ఎప్పటి నుంచో విమర్శలు గుప్పిస్తున్నాయి.. అయితే, ఇలాంటి కీలక సమావేశానికి, కెసిఆర్ మాత్రం ఎవరినీ పంపలేదు.. పోయినసారి, తిరువనంతపురంలో జరిగే సమావేశానికి రావటం కుదరదు అని, చాలా బిజీగా ఉన్నాం అంటూ, కబురు పంపించింది తెలంగాణా...

అయితే ఈ రోజు అమరావతిలో జరిగే సమావేశానికి తెలంగాణా నుంచి ఎవరూ రాలేదు. నేటి ఆర్థికమంత్రుల సమావేశానికి తాను హాజరుకావడం లేదని తెలంగాణ ఆర్థికమంత్రి ఈటెల రాజేందర్ స్పష్టం చేశారు. దీనిపై వివరణ అడగ్గా.. స్పందించడానికి ఆయన ఇష్ట పడలేదు. ఎందుకు రావటం లేదో సరైన కారణం చెప్పటం లేదు... ఈ నిర్ణయంతో, వీరు మోడీ తొత్తులు అనేది మరోసారి స్పష్టం అయ్యింది... మొన్న పార్లమెంట్ సమావేశాలు అప్పుడు కూడా, అన్నడీయంకే, తెరాస పార్టీలే గోల చేసి, అవిశ్వాస తీర్మానం రాకుండా అడ్డు పడ్డాయి... చివరి వారం రోజులు తెరాస ఎంపీలు వెనక్కు తగ్గారు... కాని అన్నడీయంకే కొనసాగించింది... దేశంలో అన్ని పార్టీలు, ఈ రెండు పార్టీల చేత, బీజేపీనే గోల చేస్తుంది అని విమర్శలు కూడా చేసాయి... ఈ రోజు, అన్ని దక్షినాది రాష్ట్రాలు సమావేశం అయ్యి, కేంద్రం పై ఒత్తిడి తెస్తుంటే, తెలంగాణ, డుమ్మా కొట్టింది... దీంతో, పూర్తి క్లారిటీ వచ్చేసింది...

దేశంలోనే తొలి గూగుల్ కోడ్ ల్యాబ్ ఆంధ్రప్రదేశ్ లో ఏర్పాటు కానుంది అంటూ, గత ఏడాది ఒక వార్తా వచ్చింది... దీని పై, కొంత మంది యధావిధిగా ఎగతాళి చేసారు... జగన్ మోహన్ రెడ్డి లాంటి వారైతే, నీ మొఖం, నీ కొడుకు మొఖం చూసి, రాష్ట్రానికి వస్తుందా అంటూ ఎగతాళి చేసారు. కట్ చేస్తే, గూగుల్ కోడ్ ల్యాబ్ మన రాష్ట్రంలో పెట్టటానికి, గూగుల్ కంపెనీ రెండు లక్ష డాలర్లు విడుదల చేసింది. గుంటూరు జిల్లాలోని పెదకాకాని వద్దనున్న వాసిరెడ్డి వెంకటాద్రి ఇంజనీరింగ్ కళాశాలలో గూగుల్ సంస్థ దీన్ని ఏర్పాటు చేస్తోంది. దీనికి సంబధించి గూగుల్ నుంచి చెక్ వచ్చినట్టు, VVIT చైర్మన్ విద్యా సాగర్, ఒక ప్రకటనలో తెలిపారు. ఏపి స్కిల్ డెవలప్మెంట్ కార్పొరేషన్ సహకారంతో, ఆంధ్రప్రదేశ్ ప్రభుత్వంతో కలిసి, గూగుల్ చేత, ఈ ల్యాబ్ ఇక్కడ పెట్టినందుకు ధన్యవాదాలు తెలిపారు. త్వరలోనే ఈ సెంటర్ నెలకొల్పటానికి ఏర్పాట్లు చేస్తామని చెప్పారు.

గూగుల్‌తో కలిసి నిర్వహిస్తున్న, స్కిల్ డెవలప్మెంట్ కార్యక్రమాలు సక్సెస్ కావటంతో, దేశంలోనే తొలి కోడ్‌ల్యాబ్‌ ను, గూగుల్ మన రాష్ట్రంలో ఏర్పాటుకు గూగుల్‌ ముందుకు వచ్చింది.. గూగుల్ కోడ్‌ ల్యాబ్‌ ద్వారా, ఇంజినీరింగ్‌లో అండ్రాయిడ్‌ శిక్షణ పొందుతున్న విద్యార్థుల్లో ఉత్తమ ప్రతిభ కనబర్చేవారికి యాప్‌ల తయారీపై ఏకథాన్‌, కోడ్‌ కాన్‌టెస్ట్‌లను నిర్వహిస్తారు. ఇంజనీరింగ్ లో ఆండ్రాయిడ్ శిక్షణ పొందుతున్న విద్యార్థుల్లో ఉత్తమ ప్రతిభ కనబర్చేవారికి యాప్ల తయారీ పై కోడ్ కాన్టెస్టులను నిర్వహిస్తారు. విద్యార్థులు అభివృద్ధి చేసిన మొబైల్ యాప్ల పనితీరును పరిశీలిస్తారు. అవసరమైన విద్యార్ధులకు ఇక్కడ శిక్షణ ఇచ్చే అవకాశం ఉంటుంది.

ప్పటికే గూగుల్ మన రాష్ట్రంలో నిర్వహిస్తున్న కార్యక్రమాలు.... రాష్ట్రంలో 82 ఇంజనీరింగ్ కళాశాల్లో 17,425 మంది విద్యార్ధులు గూగుల్ ఆండ్రాయిడ్ శిక్షణ పూర్తి చేయగా, ప్రస్తుతం మరో 2,498 మంది శిక్షణ తీసుకుంటున్నారు. ఉపాధి అవకాశాలు పెంపొందించేందుకు ఇంజనీరింగ్ మూడో ఏడాదిలోనే ఈ శిక్షణ ఇస్తున్నారు. ఈ ఏడాది 10 వేల మందికి విద్యార్థులకు గూగుల్ సర్టిఫికేషన్ ఇప్పించాలని నైపుణ్యాభివృద్ధి సంస్థ ప్రయత్నిస్తోంది. ఈ ధృవీకరణ పత్రం లభించిన విద్యార్థులకు ఉపాధి అవకాశాలు ఎక్కువగా ఉంటాయి. ఇందుకు ఒక్కో విద్యార్ధికి సుమారు రూ.6,500 వరకూ వ్యయం కానుంది. దీంట్లో 50 శాతం నైపుణ్యాభి వృద్ధి సంస్థ ద్వారా చెల్లించనున్నారు. పాఠశాల స్థాయిలో సాంకేతిక నైపుణ్యం పెంచేందుకు ఐదు నుండి పదో తరగతి వరకూ నాలుగు విడతలుగా గతంలో శిక్షణ ఇచ్చారు.

ఆంధ్రప్రదేశ్ ముఖ్యమంత్రి చంద్రబాబు నాయుడు ప్రధాని మోడీకి ఘాటు లేఖ రాశారు. పదిహేనో ఆర్థిక సంఘం విధివిధానాల్లో పేర్కొన్న ‘జనాకర్షక పథకాలపై సమీక్ష’ అనే అంశంపై ఆంధ్రప్రదేశ్‌ రాష్ట్ర ముఖ్యమంత్రి నారా చంద్రబాబు నాయుడు అభ్యంతరం వ్యక్తం చేస్తూ లేఖ రాశారు. అందులో చంద్రబాబు పలు అంశాలను ప్రస్తావించారు. ‘‘అన్నదాతలను ఆదుకోవడానికి అమలు చేస్తున్న ఉచిత విద్యుత్తు పథకాన్ని దెబ్బ తీసే ప్రయత్నం జరుగుతోంది. విద్యుత్తు చట్టం - 2003కు సవరణ ప్రతిపాదించడం అభ్యంతరకరం. ఇది రాష్ట్రాలు ఉచిత విద్యత్తు ఇవ్వకుండా కేంద్రం ఒత్తిడి చేసేలా ఉంది. విద్యుత్తు చట్టానికి సవరణ చేయాలనే ప్రతిపాదనను విరమించుకోవాలి. వ్యవసాయ ఉత్పత్తులకు కనీస మద్దతు ధర నిర్ణయించే విధానం రైతుకు మేలు చేసేలా ఉండాలి.

ఏపీలో వరి సాగు ఖర్చు హెక్టారుకు 1.08 లక్షలు అవుతోంది. క్వింటాలుకు రూ. 1,702 సాగు ఖర్చవుతోంది. సాగు రూపాయి ఖర్చవుతుంటే మద్దతు ధర 83 పైసలుగా ఉంది. వరితోపాటు అన్ని పంటలకు మద్దతు ధర నిర్ణయించాలి. పంటల బీమా నిబంధనల్లో పలు మార్పులు అవసరం. బ్యాంకులు విధించిన నిబంధనలతో అనేక ఇబ్బందులు వస్తున్నాయి’’ అని సీఎం లేఖలో వివరించారు. వరితో పాటు అన్ని పంటలకు మద్దతు ధర నిర్ణయించాలని సూచించారు. పంటల భీమా నిబంధనల్లో పలు మార్పులు అవసరమని అభిప్రాయపడ్డారు. బ్యాంకులకు విధించిన నిబంధనతో అనేక ఇబ్బందులు వస్తున్నాయన్నారు. రుణాల వివరాలను జాతీయ పంట బీమా పోర్టల్‌లో నమోదు చేయాలన్న నిబంధనతో ఇబ్బందులు వస్తున్నాయన్నారు.

‘‘15వ ఆర్థిక సంఘానికి కేంద్ర ప్రభుత్వం ఇచ్చిన టర్మ్స్‌ ఆఫ్‌ రెఫరెన్స్‌లోని నాలుగో సూచనలో... జనాకర్షక పథకాలపై రాష్ట్రాలు చేసే ఖర్చును నియంత్రించేలా ఒక అంశం పెట్టారు. వ్యవసాయానికి ఉచిత విద్యుత్‌ సరఫరాను కూడా జనాకర్షక పథకంగా చూపించి... దీనిని అమలు చేసే రాష్ట్రాలకు ఇచ్చే నిధుల్లో కోత విధించేలా ఈ నిబంధన ఉంది. ఇది రైతుల సంక్షేమాన్ని దెబ్బతీస్తుంది’’ అని చంద్రబాబు పేర్కొన్నారు. ‘‘విద్యుత్‌ అం శం కేంద్ర - రాష్ట్రాల ఉమ్మడి జాబితాలో ఉంది. దానిపై రాష్ట్రాలను సంప్రదించకుండా కేంద్రం ఏకపక్షంగా సవరణ ప్రతిపాదనలు తేవాలని ఆలోచించడం సరికాదు. ఏపీలో 50శాతం మంది వ్యవసాయంపై ఆధారపడి ఉన్నారు. ఉచిత విద్యుత్‌ను నిలిపివేయడమంటే... వారికి అన్యాయం చేయడమే’’ అని సీఎం పేర్కొన్నారు.