news

సోషల్ మీడియా వేదికగా, ఒక పార్టీ వారు, మరో పార్టీ పైన ఎత్తుకు పై ఎత్తు వేయటం, సర్వ సాధారణం. సోషల్ మీడియాలో వైసీపీకి పైడ్ బ్యాచ్ ఉండటంతో, టిడిపి ఎప్పుడూ వెనుకబడే ఉంటుంది అనే అభిప్రాయం ఉంది. ప్రశాంత్ కిషోర్ వచ్చిన తరువాత, పేటీయం బ్యాచ్ తో వైసీపీ సోషల్ మీడియాలో బలోపేతం అయ్యింది. టిడిపికి సోషల్ మీడియా టీం ఉన్నా, అది కేవలం అఫీషియల్ హ్యండిల్స్ కే పరిమితం. టిడిపి అభిమానులు స్వచ్చందంగా పని చేస్తూ, వైసీపీ పేటీయం బ్యాచ్ ని ఎదుర్కుంటున్నారు. అయితే ఈ మధ్య కాలంలో ప్రభుత్వం మీద వస్తున్న వ్యతిరేకతతో, సోషల్ మీడియాలో వైసీపీ పప్పులు ఉడకటం లేదు. ఫేక్ చేసినా వెంటనే దొరికిపోతున్నారు. ఇక గత రెండు రోజులుగా వివేక కేసు విషయంలో, టిడిపి దూకుడుకి వైసీపీకి ఎలా ఎదుర్కోవాలో కూడా తెలియటం లేదు. అప్పట్లో వైసీపీ నేతలు గుండెపోటు అంటూ చేసిన పెర్ఫార్మన్స్ దగ్గర నుంచి, ఆ తరువాత జరిగిన అనేక అంశాలు ఇప్పుడు టిడిపి సోషల్ మీడియా బయటకు తీసి ప్రచారంలో పెట్టింది. దీంతో అవి వైరల్ అయ్యాయి. అప్పట్లో వైసీపీ చేసిన ఫేక్ ప్రచారం అంతా ప్రజలకు అర్ధం అయ్యింది. ఇది ఇలా నడుస్తూ ఉండగానే, నిన్న లోకేష్ ఒక ట్వీట్ చేసారు. ఆ ట్వీట్ చూసి వైసీపీ నేతలు గిలగిలా కొట్టుకుంటున్నారు.

అందులో లోకేష్ పుష్ప సీన్ వాడుతూ, గొడ్డలి మాదే, బాబాయ్ మావాడే, వేసింది మేమే, మేము మేము వేసుకుంటే మీకు ఎందుకు అనే విధంగా ఉన్న డైలాగ్స్ తో, వీడియో ఒకటి రిలీజ్ చేసారు. గతంలో ఏ పాపం తెలియకపోయినా, తమ పై నిందలు వేసారని, చంద్రబాబు నాయుడు స్థాయి వ్యక్తి పై విషం చిమ్ముతూ, సాక్షి పేపర్ లో, వేసిన నారాసుర చరిత్ర అనే కధనాలు, ఇవన్నీ లోకేష్ చెప్తూ, ఇప్పుడు సిబిఐ వేసింది అబ్బాయే అని చార్జ్ షీట్ లో అనుమానం వ్యక్తం చేసిందని గుర్తు చేస్తూ, వీడియో పోస్ట్ చేసారు. ఈ వీడియో చూసి, వైసీపీకి ఏమి చేయాలో అర్ధం కాక, ఇలా ఫేక్ వీడియోలు వేస్తావా అంటూ, లోకేష్ పై మండి పడుతున్నారు. అయితే గతంలో తాము వాస్తవం కాకపోయినా చేసిన చిల్లర ప్రచారాల గురించి మాత్రం మర్చిపోయారు. ఇక్కడ వాస్తవం ఉన్నది లోకేష్, అర్ధమయ్యే భాషలో చెప్పటంతో, వారికి ఏమి చేయాలో అర్ధం కాక, వైసీపీ నేతలు, సోషల్ మీడియా, లోకేష్ పైన విరుచుకు పడుతున్నారు. వైసీపీ వారికి, ఇప్పుడు బాధ తెలిసి వచ్చినట్టు ఉంది పాపం.

రాజకీయాల్లో ఎప్పుడూ శాశ్వత మిత్రులు, శత్రువులు ఉండరు అంటారు. మొన్నటి వరకు జగన్ మోహన్ రెడ్డిని, కేసీఆర్, కవిత, కేటీఆర్, హరీష్ ఎలా తిట్టారో, వీడియోలు బోలెడు ఉన్నాయి. చివరకు మానుకోటలో జగన్ అడుగు పెట్టకుండా, టీఆర్ఎస్ కార్యకర్తలు రాళ్లతో తరిమి తరిమి కొట్టారు. అంత బద్ధ వ్యతిరేకులు, మొన్న ఎన్నికల్లో కలిసిపోయారు. చంద్రబాబుని ఓడించారు. అప్పటి నుంచి జగన్, కేసీఆర్ మధ్య మంచి సంబంధాలు ఉన్నాయి. అయితే వీరి ఇద్దరి సఖ్యతతో, రాష్ట్రానికి అయితే ఒరిగింది ఏమి లేదు. వ్యక్తిగతంగా ఏమి లబ్ది అనేది బయటకు తెలియదు. అయితే ఈ మధ్య కాలంలో తెలంగాణాలో రాజకీయం వేడెక్కింది. కేసీఆర్, బీజేపీని టార్గెట్ చేయటం ఇప్పుడు దేశ వ్యాప్త చర్చ అయ్యింది. ఇక్కడ ఏమి జరిగిందో ఏమో కానీ, కేసీఆర్ ని మాత్రం నమ్మటానికి వీలు లేదు అనే వారు కూడా ఉన్నారు. అయితే బీజేపీ పైన యుద్ధం ప్రకటించిన కేసీఆర్, వరుస పెట్టి ఏపి పైన కూడా వ్యాఖ్యలు చేస్తున్నారు. జగన్ మోహన్ రెడ్డిని డైరెక్ట్ గా టార్గెట్ చేయకపోయినా, ఏపి వంక పెట్టుకుని, అనాల్సినవి అన్నీ అనేస్తున్నారు. మాకు ఫుల్ గా కరెంటు ఉంది, పక్క రాష్ట్రంలో చీకట్లు ఉన్నాయని చెప్పి, జగన్ అసమర్ధతను హేళన చేసారు. తరువాత రోజు శ్రీకాకుళంలో మోటార్లకు మీటర్ల పై హేళన చేసారు.

అప్పు కోసం మోటార్లకు మీటర్లు పెట్టారని, అన్నారు. అయితే కేసీఆర్ అలా అన్నారో లేదో, కేసీఆర్ కు సపోర్ట్ గా ఉన్న మీడియా, అదే అందుకుని, ఇప్పుడు జగన్ పై వ్యతిరేఖ కధనాలు రాస్తుంది. ఇది జగన్ మోహన్ రెడ్డికి కొంత ఇబ్బందికర పరిణామమే. మొన్నటి వరకు పొగిడిన వారు, ఇప్పుడు నెమ్మదిగా తనకు వ్యతిరేకంగా వార్తలు రాస్తున్నారు. కేసిఆర్ అనుకూల మీడియాలో, మోటార్లకు మీటర్ల విషయంలో, జగన్ వ్యవహార శైలిని తప్పు బట్టారు. ఒక పక్క కేసీఆర్ భారం అయినా, రైతులకు ఉచిత విద్యుత్ కోసం, మోటార్లకు మీటర్లు వద్దు అంటుంటే, జగన్ మోహన్ రెడ్డి మాత్రం కేవలం కొంత అప్పు కోసం అని, ఏకంగా రైతులకు ఉరి వేసే విధంగా మోటార్లకు మీటర్లు పెడుతున్నారని, జగన్ పై విమర్శలు గుప్పిస్తూ కధనాలు రాసారు. మోడీకి జగన్ లొంగిపోయారని రాసుకొచ్చారు. ఒక పక్క కేసీఆర్ నిర్ణయంతో తెలంగాణా రైతులు సంతోషంగా ఉంటే, ఏపిలో రైతులు మాత్రం, జగన్ పై ఆగ్రహంగా ఉన్నారని రాసారు. మరి కేసీఆర్ మీడియా రాతల పై, జగన్ మీడియా ఏమి సమాధానం చెప్తుందో చూడాలి మరి.

ఆంధ్రప్రదేశ్ లో తీవ్ర సంచలనం రేకెత్తించిన, జగన్ బాబాయ్ వివేక కేసులో ఉన్న నిందితులకు ఎదురు దెబ్బ తగిలింది. ఈ రోజు హైకోర్టు దీనికి సంబంధించి, కొద్ది సేపటి క్రితం ఒక తీర్పు ఇచ్చింది. ఈ కేసులో దస్తగిరి అనే వ్యక్తి అప్రూవర్ గా మారటాన్ని సవాల్ చేస్తూ, ఈ కేసులో ప్రధాన నిందితులుగా ఉన్న గంగిరెడ్డి, ఉమాశంకర్‍రెడ్డి, పిటీషన్లు వేసారు. ఈ పిటీషన్ల పై హైకోర్టులో సుదీర్ఘంగా విచారణ జరిగింది. అటు సిబిఐ వైపు నుంచి, ఇటు నిందితుల వైపు నుంచి కూడా వాదనలు వినిపించారు. అయితే ఈ కేసులో దస్తగిరి అప్రూవర్ గా మారటానికి వీలు లేదని, అతను జడ్జి ముందు ఇచ్చిన కన్ఫెషన్ స్టేట్మెంట్ లో, కుట్ర ఎలా చేసింది వివరించటంతో పాటు, తాను కూడా ఆ కుట్రలో ఉన్నానని చెప్పిన తరువాత, అతను అప్రూవర్ గా ఎలా మారతారని వాదనలు వినిపించారు. అయితే సిబిఐ మాత్రం, నిందితులు చేస్తున్న వాదనలు అన్నీ కూడా సిబిఐ కుట్టి పారేసింది. ప్రధానంగా వివేక కేసులో జరిగిన అంశాలు అన్నిటికీ సంబంధించి కూడా, న్యాయమూర్తి ముందు కన్ఫెషన్ స్టేట్మెంట్ ఇచ్చినప్పుడు, దాన్ని పరిగణలోకి తీసుకోవాల్సిన అవసరం తమకు ఉందని చెప్పి స్పష్టంగా పేర్కొన్నారు. వీటితో పాటుగా దస్తగిరి విషయంలో కూడా సిబిఐ అనేక విషయాలు కోర్టుకు చెప్పింది.

దస్తగిరి ఈ కేసులో విషయాలు అన్నీ చెప్పాడని, ఎవరు ఈ కుట్రలో ఉన్నారు, పెద్దలు అండ గురించి, ఆయుధాల గురించి, ఇలా అనేక విషయాలు కన్ఫెషన్ స్టేట్మెంట్ లో ఉన్నాయని, అందువల్ల దస్తగిరి అప్రూవర్ గా మారిన తరువాతే, ఈ కేసులో పురోగతి ఉందని సిబిఐ వాదించింది. ఈ నేపధ్యంలోనే, రెండు పక్షాల వాదనలు విన్న హైకోర్టు తీర్పు ఇచ్చింది. ఈ తీర్పులో ప్రధానంగా, దస్తగిరి అప్రూవర్ గా మారటాన్ని సవాల్ చేస్తూ, గంగిరెడ్డి, ఉమాశంకర్‍రెడ్డి పిటీషన్లు వేసారో, ఆ పిటీషన్లు రెండూ కూడా, హైకోర్టు కొట్టేసింది. అదే విధంగా సిబిఐ ఏదైతే వాదనలు వినిపించిందో, ఆ వాదనలు అన్నీ కూడా హైకోర్ట్ సమర్ధించింది. సిబిఐకి అతన్ని అప్రూవర్ గా మార్చేందుకు స్వేఛ్చ ఉందని కూడా స్పష్టంగా ప్రకటించింది. దీనికి సంబంధించి పూర్తి తీర్పు కాపీ ఈ రోజు సాయంత్రానికి వచ్చే అవకాసం ఉంది. రాష్ట్ర వ్యాప్తంగా వివేక కేసు, ప్రస్తుతం హాట్ టాపిక్ అయ్యింది. ఏకంగా సజ్జల నిన్న, సిబిఐని, చంద్రబాబు చెప్పినట్టు పని చేస్తున్నారు అని చెప్పటం, ఇప్పుడు హాట్ టాపిక్ అయ్యింది.