news

(1)దసరా ఉత్సవములు తేది:21.09.2017 నుండి 30.09.2017 వరకు జరుగును.
(2).మొదటి రోజు స్నపనాభిషేకం అనంతరం ఉదయం 9 గం.లకు దర్శనము ప్రారంభించబడును.
(3). మిగిలిన రోజులు ఉదయం 3 గం. నుండి రాత్రి 11 వరకు శ్రీ అమ్మవారి దర్శనం లభించును.
(4). మూల నక్షత్రం రోజున ఉదయం ఉద యం 1 గం.ల నుండి రాత్రి 11 గం.ల వరకు దర్శనం లభించును.
(5). దర్శనమునకు కొండ క్రింద వినాయక గుడి నుండి రెండు క్యూ లైను నుండి అనుమతించబడును
(6). కొండపైన ఓమ్ టర్నింగ్ నుండి 5 లైన్లు ఏర్పాటు చేయడమైనది
(7). రధం సెంటరు మరియు మునిసిపల్ ఆఫీసు వద్ద చెప్పులను, సామాన్లును బద్రపర్చు కౌంటర్లు ఏర్పాటుచేయడమైనది

(8). రధం సెంటరు నుండి అశోక స్తంభము ముందు భాగము నుండి టోల్ గేటు పై నుండి క్యూ మార్గము ఏర్పాటు
(9). వయో వృద్దులకు మరియు దివ్యాంగులకు ప్రత్యేక వాహనములను కొండ పైకి వెళ్ళుటకు రాజీవ్ గాంధీ పార్క్ వద్ద ఉచిత బస్సులు ఏర్పాటు మరియు రైల్వేస్టేషన్ , బస్టాండ్ నుండి దేవస్థానము వారు ఉచిత బస్సులు ఏర్పాటు చేయడమైనది
(10). భక్తుల సౌకర్యార్ధం 8 ప్రదేశములలో ప్రధమ చికిత్సా కేంద్రములు మరియు అంబులెన్స్ లు ఏర్పాటు
(11). భక్తులకు క్యూ మార్గము నందు ఉచిత త్రాగు నీరు మరియు చంటిపిల్లలకు పాలు ఏర్పాటు
(12). అత్యవసర సమయములో క్యూ లైన్ల నందు భక్తులకు సహాయము చేయుటకు స్వచ్చంద సేవకులు ఎల్లవేళలా అందుబాటులో ఉందురు
(13). క్యూలైన్ల మార్గము నందు ప్రతి 5 మీటర్లకు ఒక అత్యవసర ద్వారము ఏర్పాటు.
(14). శ్రీ అమ్మవారి దర్శనాంతరం రెండు మార్గములు మహామండపము ద్వారా మరియు శివాలయం వద్ద రాయబార మండపం నుండి క్రిందకు మార్గములు ఏర్పాటు
(15). ప్రత్యేక లక్షకుంకుమార్చన రుసుము రూ.3000/- లు గా రెండు బ్యాచులు ఉదయం 7 గం.ల నుండి 9 గం.ల మరియు 10 గం.ల నుండి 12 గం.ల వరకు నిర్ణయించడమైనది
(16).విశేష చండీ హోమం రుసుము రూ.4000/- లుగా ఉదయం 8 గం.ల నుండి 12 గం.ల వరకు జరుగును
(17). మూలనక్షత్రం రోజున రుసుము రూ.5000/- లు గా మూడు బ్యాచులు ఉదయం 7 గం. నుండి 9 గం. లవరకు, 10 గం.ల నుండి 12 గం.ల వరకు మరియు మధ్యాహ్నం 1 గం. నుండి 3 గం.ల వరకు నిర్ణయించడమైనది
(18). ఉభయదాతలు టిక్కెట్లు ఉన్న వారు కొండ పైకి చేరుటకు రాజీవగాంది పార్కు, పున్నమి ఘాట్ నుండి ప్రత్యేకముగా వాహనములు ఏర్పాటు
(19). అర్జున వీధి నందు దేవస్థానము వారు విచ్చేయు భక్తులకు ప్రతిరోజు ఉదయం 8.30 ని.ల నుండు సాయంత్రం 4 గంటల వరకు మరియు సాయంత్రం 5 గం.ల నుండి రాత్రి 9.30 ని.ల వరకు అన్నప్రసాదము ఏర్పాటు చేయడమైనది
(20). భక్తులకు అందుబాటులో ఉండు విధముగా విజయవాడ బస్టాండు మరియు రైల్వే స్టేషన్ నందు ప్రసాదం కౌంటర్లు ఏర్పాటు
(21). సీతమ్మవారి పాదాలు వద్ద కేశఖండన శాల ఏర్పాటు. దేవస్థానమునకు చెందిన నాయిబ్రాహ్మణులు అందుబాటులో ఏర్పాటు
(22). సీతమ్మవారి పాదాలు వద్ద 30 , పద్మావతి ఘాట్ వద్ద 30, దోభి ఘాట్ వద్ద 20, దుర్గా ఘాట్ వద్ద 10 తాత్కాలిక మరుగుదొడ్లు ఏర్పాటు
(23). వివిధ దేవాలయముల నుండి సుమారుగా 300 మంది సిబ్బంది , 2000 మంది ఎన్.సి.సి., ఎన్.ఎస్.ఎస్. మరియు వాలంటీర్లు శ్రీ అమ్మవారి సేవలో అదనంగా వినియోగించబడుచున్నారు
(24)దేవస్థానమునకు 24 గంటలు సమాచారము అందించుటకు టోల్ ఫ్రీ నెంబరు: 18004259099

తెలుగువాడి దమ్ముని, ప్రపంచానికి చాటిచెప్పిన విశ్వ విఖ్యాత నట సార్వ భౌమ పద్మశ్రీ, మాజీ ముఖ్యమంత్రి డా. నందమూరి తారక రామారావు గారికి భారతరత్న పై కేంద్రంలో కదలిక వచ్చింది.

ఎన్టీఆర్‌కు భారతరత్న ఇవ్వాలంటూ ఎన్నో ఏళ్ళ నుంచి, చంద్రబాబు కేంద్రానికి విన్నవిస్తున్నారు. తెలంగాణ ముఖ్యమంత్రి కేసీఆర్ కూడా ఎన్టీఆర్‌కు భారతరత్న ఇవ్వాలన్నారు. ఆంధ్రప్రదేశ్ చట్టసభల్లోనూ తీర్మానం కూడా చేసి పంపారు.

ఎన్టీఆర్‌కు భారతరత్న ఇవ్వాలంటూ ఎంపీ కేశినేని నాని జులై 19న లోక్‌సభలో కేంద్రాన్ని డిమాండ్ చేశారు. 377 నిబంధన కింద ఎన్టీఆర్‌కు భారతరత్న ఇవ్వాలని కోరారు. దీని పై కేంద్రం స్పందించింది. దీనికి సంబంధించి ప్రతిపాదనలను పీఎంవోకు పంపినట్లు ఎంపీ కేశినేని నానికి హోంశాఖ సమాచారం అందించింది.

భార‌త‌ర‌త్న ఎవ‌రికి ఇవ్వాల‌న్న విష‌యంలో ప్ర‌ధాని న‌రేంద్ర‌మోదీదే చివ‌రి నిర్ణ‌య‌మ‌ని కేంద్ర హోం శాఖ ప్ర‌క‌టించింది. తెలుగుదేశం ఎలాగూ కేంద్రంలో భాగస్వామి కాబట్టి, అన్నగారికి భారతరత్న ఇచ్చే అవకాశాలే ఎక్కువున్నాయి అంటున్నారు పరిశీలకులు...

అమరావతి క్రికెట్ ప్రేమికులకు ఈ దసరా సెలవల్లో మంచి టైం పాస్... ఇండియా A, జట్టు న్యూజిలాండ్ A జట్టుతో మూలపాడులోని క్రికెట్ గ్రౌండ్ లో రెండు టెస్ట్ మ్యాచ్లు ఆడనుంది. అందుకోసం, న్యూజిలాండ్ A టీం ఇవాళ గన్నవరం ఎయిర్పోర్ట్ చేరుకొని, విజయవాడ వచ్చింది.. ఇండియా A టీం కూడా విజయవాడ చేరుకుంది.

ఇండియా మెయిన్ టీంకు ఆడిన, కరుణ్ నాయర్, షార్దుల్ థాకూర్ కూడా ఇక్కడ ఇండియా A తరుపున ఆడనున్నారు.

సెప్టెంబర్ 23 నుంచి 26 వరకు మొదటి టెస్ట్ మ్యాచ్... సెప్టెంబర్ 30 నుంచి, అక్టోబర్ ౩ వరకు రెండో టెస్ట్ మ్యాచ్ జరగనుంది. బిసీసీఐ విజయవాడల రెండు టెస్ట్ మ్యాచ్లకి, వైజాగ్ లో, 5 వన్ డే మ్యాచ్లకి పర్మిషన్ ఇచ్చింది. వైజాగ్ వన్ డేలు, అక్టోబర్ 6,8,10,13,15న జరగనున్నాయి.

క్రిందటి ఏడాది నవంబర్ లో, ఇండియా - వెస్ట్ ఇండీస్ ఉమెన్స్ క్రికెట్ లో, వన్ డే, T-20 మ్యాచ్లు జరిగాయి.. అప్పుడు బాగా హోస్ట్ చేసినందుకు, బిసీసీఐ ఈ టెస్ట్ మ్యాచ్లు మూలపాడులో జరిగే అవకాశం ఇచ్చింది.