news

విజయవాడ-సికింద్రాబాద్‌ మధ్య రైలు ప్రయాణం, 351 కి.మీలు... ఏదైనా ట్రాక్ లో ఇబ్బంది వస్తే, ఇక అంతే సంగతులు... ట్రాక్ బాగుపడే దాకా రైళ్లను రద్దు చేయడమో, ఆలస్యంగా నడపడమో, గుంటూరు మీదుగా మళ్లింపు మార్గంలో నడపడమో జరుగుతోంది.... ఇప్పుడు ప్రత్యామ్నాయ రైలు మార్గం అందుబాటులోకి రావటమే కాక, దాదాపు 60 కి.మీలు దూరం కూడా తగ్గనుంది. విజయవాడ-సికింద్రాబాద్‌ మధ్య ట్రైన్ ప్రయాణం త్వరలో, 291 కి.మీ. దూరానికి తగ్గనుంది.

విజయవాడ సమీపంలోని మోటుమర్రి దగ్గర నుంచి నడికుడి సమీపంలోని విష్ణుపురం వరకు రూ.500 కోట్లు ఖర్చు చేసి, కొత్త రైల్వే లైను నిర్మాణాన్ని పూర్తి చేశారు. దీంతో విజయవాడ-సికింద్రాబాద్‌ మధ్య ప్రయాణం 291 కి.మీ తగ్గింది. అయితే ప్రస్తుతం, గూడ్స్ ట్రైన్ లు మాత్రమే, ఈ మార్గంలో వెళ్తున్నాయి.

ఈ మార్గంలో ప్రయాణికుల రైళ్లు వెళ్ళాలి అంటే, ముందుగా అటు వచ్చే స్టేషన్లలో ప్లాట్‌ఫాంలు, వంతెనలు, తదితర నిర్మాణాలు పూర్తి చేయాల్సి ఉంది. ఈ మార్గంలో మోటుమర్రి, మక్కపేట, జగ్గయ్యపేట రైల్వేస్టేషన్లు ఆంధ్రప్రదేశ్‌ రాష్ట్ర పరిధిలో ఉండగా, రామాపురం, మేళ్లచెరువు, మట్టంపల్లి, వరదాపురం, జాన్‌పహాడ్‌, విష్ణుపురం స్టేషన్లు తెలంగాణలో ఉన్నాయి.

విజయవాడ నుంచి బయలుదేరిన రైలు మోటుమర్రి మీదుగా విష్ణుపురం చేరుకుంటే ఈ లైను గుంటూరు మార్గంలో కలుస్తుంది. ఇక్కడి నుంచి రైలు నల్గొండ, బీబీనగర్‌, మీదుగా సికింద్రాబాద్‌కు వెళ్తుంది.

నవ్యాంధ్ర రాజధాని అమరావతి కోర్ కాపిటల్ ఏరియాలోని బిల్డింగ్స్ కోసం, రాజమౌళి సలహ కూడా తీసుకోమని ముఖ్యమంత్రి చంద్రబాబు చెప్పిన విషయం తెలిసిందే.. అయితే ఈ విషయం పై, అమరావతి ద్వేషి అయిన జగన్ పార్టీ, వేరే రకంగా సృష్టించి, రాజమౌళి చేత రాజధానిలో సినిమా సెట్టింగ్ వేస్తున్నారు అనే ప్రచారం చేస్తున్నారు.

నిజానికి నార్మన్ ఫోస్టర్ ఇచ్చిన డిజైన్ లకు, తెలుగుదనం అద్దటానికి, మన సంస్కృతి ప్రతిబంభించాటానికి రాజమౌళి సలహాలు తీసుకోమన్నారు ముఖ్యమంత్రి. నిన్న రాజమౌళి, అమరావతి వచ్చి ముఖ్యమంత్రితో చర్చించారు కూడా. అయినా సరే, జగన్ పార్టీ, జగన్ సాక్షి ఛానల్, జగన్ పైడ్ సోషల్ మీడియా బ్యాచ్, అమరావతి మీద ఏడుస్తూనే ఉన్నారు... రాజామౌళి చేత రాజధాని డిజైన్ చేపిస్తున్నాడని, విషం చిమ్మారు.

వీరందరికీ, లాచి పెట్టి కొట్టే సమాధానం ఇచ్చాడు రాజమౌళి. ఫేస్బుక్ లో పోస్ట్ చేస్తూ, తనను కన్సల్టెంట్‌గా, డిజైనర్‌గా, సూపర్‌వైజర్‌గా నియమించారంటూ వస్తున్న వార్తలన్నీ తప్పు అన్నారు.నార్మన్ ఫోస్టర్ సంస్థ ప్రపంచ ప్రఖ్యాతి గాంచినది అని పేర్కొన్నారు. అమరావతిపై వారు సమర్పించిన డిజైన్స్ అద్భుతంగా ఉన్నాయని.. ఆ డిజైన్స్ సీఎం చంద్రబాబుకి కూడా ఎంతగానో నచ్చాయన్నారు. అయితే రాష్ట్ర అసెంబ్లీ మరింత ప్రత్యేకంగా ఉండాలని సీఎం భావిస్తున్నారని చెప్పారు. సీఎం చంద్రబాబు ఆలోచనలను, విజన్‌ను నార్మన్ ఫోస్టర్ ప్రతినిధలకు వివరించడమే తన పని అని క్లారిటీ ఇచ్చారు. చరిత్రాత్మక ప్రాజెక్టు రూపకల్పనలో తనకు వచ్చిన ఈ అవకాశాన్ని చిన్న సాయంగానే భావిస్తానని చెప్పారు రాజమౌళి.

ఇప్పటికైనా పైడ్ సోషల్ మీడియా బ్యాచ్, హైదరాబాద్ లో కుర్చినే మేధావులు, సైకో చానల్స్ అండ్ సైకో పార్టీ, మా అమరావతి మీద ఏడవటం ఆపండి... వీలయితే, మై బ్రిక్, మై అమవారతిలో పది రూపాయలు పెట్టి ఒక ఇటుక కొని, అమరావతిలో మీరు భాగస్వామ్యం అవ్వండి, అమరావతి మీద మీరు చేసిన పాపాలు పోతాయేమో...

చౌకధర దుకాణాలను గ్రామీణ మాల్స్‌గా అభివృద్ధి చేసే దిశగా అడుగులు వేగంగా పడుతున్నాయి. ఈ దుకాణాల ద్వారా బ్రాండెడ్‌ సరకులను తక్కువ ధరకే కార్డుదారులకు విక్రయించే ప్రక్రియలో రాష్ట్ర పౌరసరఫరాల సంస్థ మరో అడుగు వేసింది. ఇక నుంచి, రేషన్ షాపులు, మినీ సూపర్ బజార్ లు లాగా మారనున్నాయి.

సుమారు 200 రకాల బ్రాండెడ్‌ సరకులను ఎమ్మార్పీపై 20 నుంచి 40 శాతం ధర తగ్గించి సరఫరా చేయాలి. ఇలా తగ్గిన ధరలో 60శాతం కార్డుదారులకు, మిగిలిన 40శాతం రేషన్‌ డీలర్లకు కమీషన్‌ అందేలా ప్రాధమికంగా నిర్ణయించారు. ముందుగా విజయవాడ, గుంటూరులో ప్రయోగాత్మకంగా ఈ విలేజ్‌ మాల్స్‌ ఏర్పాటు చేస్తారు. వాల్‌మార్ట్‌, రిలయన్స్‌, బిగ్‌బజార్‌ సంస్థలతో ఇప్పటికే ఒక ఒప్పందం కుదుర్చుకొన్నది. ఆయా సంస్థల నుంచి సరుకులను ప్రభుత్వం కొనుగోలు చేసి విలేజ్‌మాల్స్‌కి సరఫరా చేస్తుంది.

విజయవాడలో, చిట్టినగర్ సమీపాన చెరువు సెంటర్ లోని 115వ నెంబర్ డిపో, సత్యనారాయణపురంలోని 214వ నెంబర్ డిపోలో ముందుగా ప్రారంభిస్తారు. వీటికి సరుకులు వాల్మార్ట్ అందించనుంది. ఇప్పటికే ఆ షాపులకు కావాల్సిన అరలు, మిగతా రిక్వైర్మెంట్స్ సిద్ధం చేస్తున్నారు.

ఒక్కో కుటుంబానికి నెలకు రూ. 2,500 వరకు నిత్యావసర సరుకుల రూపంలో ఖర్చు అవుతున్నట్లు సర్వే ద్వారా తేలింది. దాదాపు 200 రకాల సరుకులు, 20 నున్హి 40 శాతం తక్కువ రానుండటంతో, దాదాపు ఒక్కో కుటుంబానికి 500 రూపాయల వరకు ఆదా అయ్యే అవకాసం ఉంది. దీని ద్వారా ఇటు పేద ప్రజలకు లాభ్దే కాకుండా, అటు డీలర్ కూడా ఎక్కవ సంపాదించే అవకాశం ఉంది.