news

రాష్ట్ర గృహ నిర్మాణ, సమాచార పౌరసంబంధాల శాఖ మంత్రి కాలవ శ్రీనివాసులుకు శుక్రవారం త్రుటిలో ప్రమాదం తప్పింది. శుక్రవారం సాయంత్రం కళ్యాణదుర్గం మండలం గోళ్ల గ్రామంలో ఓ కార్యక్రమంలో పాల్గొనడానికి మంత్రి కాలవ శ్రీనివాసులు, జడ్పీ అధ్యక్షుడు పూల నాగరాజుతో కలిసి అనంతపురం నుంచి బయలుదేరారు. అదే సమయంలో అనంతపురం జిల్లా బెళుగుప్ప నుంచి అనంతపురం వైపు వెళ్తున్న ఓ కారు వెనుక టైరు కాలువపల్లి తండా వద్ద పంక్చరై అదుపుతప్పింది. మంత్రి ప్రయాణిస్తున్న కారును వేగంగా రాసుకుంటూ వెళ్లింది. ఈ ఘటనలో మంత్రి ఉన్న కారు ఒకవైపు దెబ్బతింది.

డ్రైవర్ అప్రమత్తం కావడం, ఆ సమయంలో ఎలాంటి వాహనాలు రాకపోవడంతో పెద్ద ప్రమాదం తప్పింది. ఈ ఘటనలో ఎవరూ గాయపడలేదని, దెబ్బతిన్న కారును అక్కడే వదిలేసి మంత్రి మరో వాహనంలో గోళ్లకు వెళ్లిపోయారని స్థానిక ఎస్సై తెలిపారు. టైరు పంక్చర్‌ కావడంతోనే కారు అదుపుతప్పిందని గుర్తించారు. ఈ ప్రమాదంలో రెండు కార్లు దెబ్బతిన్నాయి. ఎలాంటి ప్రమాదం జరగకపోవడంతో పోలీసు సిబ్బంది, మంత్రి ఊపిరి పీల్చుకున్నారు. మంత్రి క్షేమ సమాచారం కోసం చంద్రబాబు ఫోన్ చేసారు. ‘శీనూ ఎలా ఉన్నావ్‌... ఏమి జరగలేదుగా’ అంటూ ముఖ్యమంత్రి చంద్రబాబు నాయుడు ఫోన్‌లో పరామర్శించారు. మంత్రి కాలవ శ్రీనివాసులు వాహనం ప్రమాదానికి గురైన విషయం తెలుసుకున్న సీఎం ఫోన్‌లో మంత్రితో మాట్లాడి ఘటన గురించి ఆరా తీశారు. ‘ఏమి కాలేదు కదా... వెరీగుడ్‌’ అంటూ ఆనందం వ్యక్తం చేశారు.

అలాగే డిప్యూటీ సీఎం, హోంమంత్రి చినరాజప్ప ఫోన్‌ చేసి మంత్రి కాల్వతో మాట్లాడి ఆరా తీశారు. జిల్లా మంత్రి పరిటాల సునీత ఆరా తీశారు. విషయం తెలిసిన వెంటనే అమరావతి నుంచి ఫోన్‌ చేసి మంత్రి కాలవ శ్రీనివాసులు, జడ్పీ చైర్మన్‌ పూల నాగరాజుకు ఫోన్‌ చేసి పరామర్శించారు. ఇద్దరూ క్షేమంగా ఉన్నామని వారు తెలుపగా.... ఆనందం వ్యక్తం చేశారు. ఇంకా అనేక మంది మంత్రులు, ఎమ్మెల్యేలు, కీలక నేతలు, అధికారులు మంత్రి కాలవ శ్రీనివాసులుకు ఫోన్‌ చేసి క్షేమ సమాచారం తెలుసుకున్నారు. జిల్లా కేంద్రానికి చేరుకున్న తర్వాత స్థానిక ఎమ్మెల్యే వైకుంఠం ప్రభాకర్‌ చౌదరి, మేయర్‌ స్వరూపాతో పాటు పలువురు నాయకులు, తెలుగు తమ్ముళ్లు మంత్రి ఇంటికెళ్లి తమ నేతను పరామర్శించారు. రాత్రి 10 గంటల వరకూ మంత్రి స్వగృహం పరామర్శలతో సందడిగా కనిపించింది.

మన రాష్ట్రానికి జరిగిన అన్ని అవమానాలకంటే, ఇది ఎంతో దారుణమైనది. డబ్బులు మన ఎకౌంటులో వేసి మరీ వెనక్కు తీసుకున్నారు. దేశ చరిత్రలో ఎప్పుడూ లేని ఈ సంఘటన గురించి, చంద్రబాబు నేషనల్ మీడియాతో చెప్పినప్పుడు అందరూ ఆశ్చర్యపోయారు. వెనుకబడిన జిల్లాలకు రావలసిన 350 కోట్ల నిధులు గురించి పార్లమెంట్ లో నిలదీశారు తెలుగుదేశం ఎంపీలు. వెనుకబడిన జిల్లాల కోసం గతంలో విడుదల చేసిన రూ.350 కోట్లకు సంబంధించి పూర్తిస్థాయి అనుమతులు రాలేదని, అందుకే ఆ సొమ్మును వెనక్కు తీసుకున్నామని కేంద్ర ఆర్థికశాఖ సహాయమంత్రి పొన్‌ రాధాకృష్ణన్‌ సమాధానమిచ్చారు. ఇప్పటివరకూ ఆ సొమ్ము విడుదల చేయలేదన్నారు. శుక్రవారం లోక్‌సభలో కర్నూలు ఎంపీ బుట్టారేణుక అడిగిన లిఖిత పూర్వక ప్రశ్నకు ఆయన సమాధానమిచ్చారు.

‘‘విభజన చట్టంలోని సెక్షన్‌ 46(3) ప్రకారం ఆంధ్రప్రదేశ్‌లోని ఏడు వెనుకబడిన జిల్లాల ప్రత్యేక అభివృద్ధి కోసం ఒక్కో జిల్లాకు రూ.300 కోట్ల చొప్పున రూ.2,100 కోట్ల ప్యాకేజీ ప్రకటించాం. అందులో ఒక్కో జిల్లాకు ఏటా రూ.50 కోట్ల చొప్పున ఏడు జిల్లాలకు మూడు వాయిదాల్లో రూ.1,050 కోట్లు విడుదల చేశాం. విభజన చట్టం కింద కొత్త రాష్ట్రం అభివృద్ధికి కేంద్రం తరఫున చేయాల్సిన సాయంపై 2015 డిసెంబర్‌ 1న నీతి ఆయోగ్‌ ఏడు వెనుకబడిన జిల్లాలకు ఒక్కో దానికి రూ.300 కోట్ల చొప్పున రూ.2,100 కోట్ల మొత్తాన్ని సిఫార్సు చేసింది. అందులోనే అంతకుముందు రెండేళ్లలో విడుదల చేసిన రూ.700 కోట్లు కూడా ఇమిడి ఉంది. వినియోగ పత్రాలను(యూసీ) నీతి ఆయోగ్‌ తనిఖీచేసిన తర్వాత, సంబంధిత అధికార యంత్రాంగం ఆమోదముద్ర వేసిన అనంతరం ఆంధ్రప్రదేశ్‌ ప్రభుత్వానికి నిధులు విడుదల చేస్తూ వస్తున్నాం. తాజా అంశంలో అవసరమైన అన్ని రకాల అనుమతులు లభించలేదు. అందువల్లే అనుకోకుండా రూ.350 కోట్లు విడుదల చేసి వెనక్కు తీసుకున్నాం. ఇంకా ఆ నిధుల విడుదల జరగ లేదు’’ అని మంత్రి పేర్కొన్నారు.

అయితే, ఎవరు ఆ అనుమతులు ఇవ్వలేదు అనేది మాత్రం స్పష్టంగా చెప్పలేదు. ఎందుకంటే, ఇప్పటికీ నీతి ఆయోగ్, దీనికి సంబంధించిన అన్ని రకాల యుసీలు ఆమోదించింది. మరి, ఎవరి అనుమతి ఇవ్వలేదు అనే విషయం మాత్రం స్పష్టం లేదు. గత కొన్ని నెలలుగా ముఖ్యమంత్రి చంద్రబాబు.. వెనుకబడిన జిల్లాల అభివృద్ధి కోసమని కేంద్రం రూ.350 కోట్లు ఇచ్చినట్టే ఇచ్చి వెనక్కి తీసుకుందంటూ విమర్శలు చేస్తుండగా..భాజపా నేతలకు ఖండిస్తూ వస్తున్నారు. రెవెన్యూలోటు భర్తీ కింద ఇప్పటికే 96.94% మొత్తాన్ని ఇప్పటికే ఇచ్చేశామని ఎంపీ రాయపాటి సాంబశివరావు అడిగిన మరో ప్రశ్నకు సమాధానంగా చెప్పారు. 2014-15 ఆర్థిక సంవత్సరంలో గణించిన ప్రకారం రూ.11,960.87 కోట్ల రెవెన్యూ లోటులో వ్యవసాయ రుణమాఫీ, రుణబాండ్లు తీసుకోవడానికి డిస్కంలకు చేసిన సాయం, పెంచిన పింఛన్లను కలిపారని చెప్పారు. వీటన్నింటినీ మినహాయిస్తే రెవెన్యూ లోటు రూ.4,117.89 కోట్లేనని తేలిందని, అందులో ఇప్పటికే రూ.3,979.50 కోట్లు ఇచ్చామని వెల్లడించారు.

అమ్మా పెట్టదు, అడుక్కుతిననివ్వదు అని.. వీళ్ళకు ఎలాగూ రాష్ట్రం పై ప్రేమ లేదు.. రాష్ట్ర హక్కుల కోసం, పోరాడే దమ్ము లేదు.. బానిసత్వం ఒకరిది, కేసుల మాఫీ కోసం ఒకరు.. ఇలా రాష్ట్రానికి అన్యాయం చేస్తున్నారు. వీరే జీవీఎల్‌ నరసింహారావు.. A2 విజయసాయి రెడ్డి... ఇద్దరూ నిన్న కంప్లైంట్ ఇచ్చారు.. జీవీఎల్ నిన్న చేసింది ఇది... పార్లమెంటు ప్రతిష్ఠను దిగజార్చేలా తెలుగు దేశం పార్టీ ఎంపీలు వ్యవహరిస్తున్నారని విమర్శించారు. దిల్లీలో శుక్రవారం ఆయన విలేకరులతో మాట్లాడుతూ.. ఎంపీలు తమ హోదాకు భిన్నంగా ప్రదర్శనలు నిర్వహిస్తూ పార్లమెంటును అభాసుపాలు చేస్తున్నారన్నారు.

పార్లమెంటు రక్షణకు సంబంధించిన సంయుక్త పార్లమెంటరీ సంఘం (జేపీసీ)లో సభ్యుడినైన తాను.. ఈ అంశంపై లోక్‌సభ స్పీకర్‌కు ఫిర్యాదు చేశానన్నారు. ఈ తరహా నాటకాలకు సోమవారంతో తెరపడుతుందన్నారు. గతంలో భాజపాతో సహా ఇతర పార్టీలు పార్లమెంటు ఆవరణలో ధర్నాలు చేశాయి కదా..మరి ఇప్పుడెలా తప్పవుతుందని విలేకరులు ప్రశ్నించగా...ఎప్పుడో ఓ సారి చేయడం తప్పుకాదని... రోజూ కొనసాగించడం సరికాదన్నారు. ఇక మరో పక్క విజయసాయి రెడ్డి కూడా ఇదే బాణీలో ఉన్నారు. లోక్‌సభను రాజ్యసభతో పోల్చి చూడొద్దని ఆయన రాజ్యసభలో ప్రసంగం చేసారు. సభ సజావుగా సాగకుండా అడ్డుకునే వారికి జీతభత్యాలు ఇవ్వకూడదు అన్నారు. అంతరాయం కలిగిన సభా సమయానికి నష్టపరిహారంగా అంతే సమయాన్ని పొడిగించాలని విలువైన సూచన చేశారు.

కొద్ది రోజుల క్రితం కూడా టీడీపీ నేతలకు జీవీఎల్‌ నరసింహారావు సభా హక్కుల ఉల్లంఘన నోటీసు ఇచ్చారు. రాజ్యసభలో ప్రసంగం తర్వాత తనను టీడీపీ నేతలు బెదిరించారని నోటీసులో పేర్కొన్నారు. వీడియో ఆధారాలు రాజ్యసభ అధికారులకు ఆయన అందజేశారు. టీడీపీ వైఫల్యాలను ఎండగట్టడంతో బెదిరించారని జీవీఎల్ ఆరోపించారు. వెంకయ్య నాయుడుకి ఇచ్చిన కంప్లైంట్ లో జీవీఎల్ రాస్తూ, టీడీపీ వైఫల్యాలను రాజ్యసభ వేదికగా ఎండగట్టడంతోనే తనను టీడీపీ నేతలు బెదిరించారని జీవీఎల్ అన్నారు. టీడీపీ నేతలు తనను హెచ్చరిస్తున్న వీడియో ఆధారాలను, ప్రెస్ లో వచ్చిన వాటిని రాజ్యసభ సెక్రటేరియట్ కు ఇస్తున్నట్టు జీవీఎల్ చెప్పారు.