news

వెళ్ళిన ఊరే మళ్ళీ మళ్ళీ వెళ్ళటం... రెండేళ్ళ క్రితం మాట్లాడిన వాళ్ళ చేత మళ్ళీ మళ్ళీ మాట్లాడించటం... 5 శాతం మంది కోసం, 95 శాతం రైతుల త్యాగాలను అవహేళన చేస్తూ, వారి గొంతు కొయ్యటం. ఇవన్నీ ఎందుకు అంటే, నిన్నటి పార్లమెంట్ లో గల్లా, రామ్మోహన్ నాయుడు స్పీచ్ డైవర్ట్ చెయ్యటం కోసం, మోడీని కాపాడటం కోసం... 95 శాతం మని ప్రజలు, రాజధాని కోసం భూములు త్యాగం చేసారు. 5 శాతం మందిలో కొంత మంది, కేవలం రాజకీయ కోణంలో, ఆడుతున్న ఆటలో, పవన్ కళ్యాణ్ కూడా చేరారు. నిన్న అమరావతి ఆపాలి అంటూ గ్రీన్ ట్రిబ్యునల్ కు వెళ్లి మొట్టికాయలు తిన్న జనసేన పార్టీ, ఈ రోజు, అక్కడ ప్రజలను రెచ్చగొడుతుంది. ‘మీరు భూములు ఇవ్వకండి.. ప్రభుత్వానికి ఎదురు తిరగండి.. మీకు అండగా నేనుంటా’ అంటూ వాళ్ళని రెచ్చగొడుతున్నారు.

ఈ పోరాటంలో పోలీసులతో కాల్పులు జరపిస్తే మీ ముందు తాను ఉంటానని రైతులకు హామీ ఇచ్చారు. రాజధాని ప్రాంతంలో పోలీసులు, రెవెన్యూ అధికారులు కేవలం వారి విధులు నిర్వర్తిస్తున్నారని, వారిని వెనక నుంచి నడిపించేది తెదేపానే అని ఆరోపించారు. భూములను కొద్దిమంది చేతిలో పెట్టడాన్ని జనసేన వ్యతిరేకిస్తుందన్నారు. ఇలా కులాల వారీగా కూడా, పవన్ కళ్యాణ్ ఊరిలో ప్రజల మధ్య చిచ్చు పెట్టే ప్రయత్నం చేస్తున్నారు. అక్కడ ప్రజలను ప్రభుత్వం పై ఎదురుతిరగండి అని చెప్పటం, కాల్పులు జరుగుతాయి అని చెప్పటం, ఇలా అనేక రకాలుగా, అక్కడ ఉన్న ప్రజలని ఎదో జరిగిపోతుంది అని భయభ్రాంతులని చేస్తున్నారు.

దీని పై భూ సమీకరణకు స్వచ్ఛందంగా భూములు ఇచ్చిన రైతులు గుంటూరు జిల్లా తాడేపల్లి మండలం పెనుమాకలో నల్లబ్యాడ్జీలు ధరించి నిరసన వ్యక్తం చేశారు. రాజధానికి రైతులు స్వచ్ఛందంగా భూములు ఇస్తే బలవంతంగా తీసుకుంటున్నారంటూ కొంతమంది రైతులు జనసేన అధ్యక్షుడు పవన్‌ కల్యాణ్‌ను తప్పుదారి పట్టిస్తున్నారని ఆరోపించారు. అందుకే భూములివ్వొద్దంటూ, ఎదురుతిరగండంటూ అంటున్నారని పేర్కొన్నారు. బడా భూస్వాములు కొంతమంది తమ భూముల్లో కొంతభాగం విక్రయించుకొని, మిగిలిన కొద్ది భూమిని అడ్డుపెట్టుకొని ప్రభుత్వాన్ని ఇరకాటంలో పెట్టేందుకు ప్రయత్నిస్తున్నారని, రాజధానికి అడ్డుకొనే ప్రయత్నంలో భాగంగానే ఇలాంటి చర్యలకు పాల్పడుతున్నారంటూ వారు ఆరోపించారు. అనంతరం ఇలాంటి చర్యలకు నిరసనగా గ్రామంలోని మహాత్మాగాంధీ విగ్రహానికి వినతిపత్రాలు అందజేశారు.

చంద్రబాబు చేస్తున్న పోరాటం అంతా బూటకం అని, పార్లమెంట్ లో చేసింది అంతా నాటకమని వైసీపీ అధ్యక్షుడు జగన్ అన్నారు. అంతే కాదు చంద్రబాబుకు సలహా కూడా ఇచ్చారు. ఎలా చేస్తే మోడీ దిగివస్తాడో చెప్పారు. రాష్ట్ర ఎంపీలంతా రాజీనామా చేసి పోరాడితే ప్రత్యేక హోదా ఎందుకు రాదని జగన్‌ ప్రశ్నించారు. ఏపీ పై కేంద్ర వైఖరికి నిరసనగా, టీడీపీ ఎంపీల రాజీనామాపై ఒత్తిడి తెచ్చేందుకు వైసీపీ ఈనెల 24న రాష్ట్ర బంద్‌ నిర్వహిస్తున్నట్టు ప్రకటించారు. అన్ని పార్టీలు, సంఘాలు, వ్యాపారులు తమ బంద్‌కి సహకరించాలని విజ్ఞప్తి చేశారు. శనివారం ఉదయం తూర్పు గోదావరి జిల్లా కాకినాడలో జగన్‌ మీడియాతో మాట్లాడారు.

‘‘మీరు పెట్టిన అవిశ్వాసం వీగిపోయింది. ఇప్పుడైనా టీడీపీ ఎంపీలందరితో రాజీనామా చేయించి నిరాహారదీక్షలో కూర్చోబెట్టండి. రాజీనామా చేసిన మా ఎంపీలనూ పంపుతాను. దేశమంతా ఇటే చూస్తుంది. హోదా ఎందుకు రాదో చూద్దాం!’ అని జగన్‌ ఆవేశపూరితంగా అన్నారు. ‘‘శుక్రవారం పార్లమెంటులో జరిగిన సన్నివేశాలు మనమంతా చూశాం. నేను ప్రత్యక్షంగా చూడలేకపోయినా (ఆ సమయంలో కోర్టుకు హాజరయ్యా రు) జరిగిన విషయాలు తెలుసుకున్నా. నిజంగా బాధనిపించింది.ఆంధ్రరాష్ట్ర ప్రజల హక్కును తాకట్టుపెట్టే అధికారం కేంద్రం, చంద్రబాబుకు ఎవరిచ్చారు?’’ అని జగన్‌ ప్రశ్నించారు.

మొత్తానికి తన ఎంపీల లాగే రాజీనామా చేసి, బయట కూర్చోమని జగన్, చంద్రబాబుకు సలహా ఇస్తున్నారు. ఈ సలహా జగన్ ఇది వరకు కూడా ఇచ్చారు. అందరూ రాజీనామా చెయ్యండి అన్నారు. కాని, నిన్న అవిశ్వాసం సమయంలో ఏమైందో అందరం చూసాం. సభలో ఉండి, మోడీ చేసిన మోసం పై దేశానికి చెప్పారు తెలుగుదేశం ఎంపీలు. ఇంత చేసినా, మన సమస్యలు ఢిల్లీ పెద్దలకు పెద్దగా పట్ట లేదు. అలాంటిది రాజీనామా చేసి బయట కుర్చుకుంటే, ఎవరన్నా మన మొఖం చూస్తారా ? ఒక్క మీడియా అయినా మన మాట ఆలకిస్తుందా ? సాక్షిలో జగన్ డబ్బా తప్ప, ఇంకా దేనికి రాజీనామాలు ఉపయోగపడతాయి ? మోడీని తెలుగుదేశం ఎంపీలు నిలదీస్తున్నారు కాబట్టి, మోడీ ఏమన్నా అంటే తట్టుకోలేని జగన్, రాజీనామా చేసి బయటకు వచ్చేయమంటున్నారు. మరో రెండు రోజులల్లో ట్విట్టర్ వీరుడు కూడా, ఇదే వాదన అందుకుంటాడు.

తెలుగుదేశం పార్టీ తరుపున వివిధ చర్చల్లో కాని, టీవీల ముందు కాని మాట్లాడే వారు చాలా వీక్ గా మాట్లాడతారు అనే అభిప్రాయం ఉంది. ఇక నేషనల్ మీడియాలో అయితే, చెప్పనే అవసరం లేదు. అలాంటిది, నిన్న జయదేవ్ ఇంగ్లీష్ లో, రామ్మోహన్ హిందీలో వాయించిన తీరు చూసి, దేశం మొత్తం ఆశ్చర్యపోయింది. నిన్న ఢిల్లీ వెళ్ళిన చంద్రబాబుకు అనేక మంది చెప్పిన విషయం ఇదే. ఇన్నాళ్ళు వీళ్ళను ఎక్కడ దాచారు చంద్రబాబు, వీళ్ళను నేషనల్ స్పోక్స్ పర్సన్స్ చెయ్యండి అంటూ, ఢిల్లీలో నేతలు, సీనియర్ జర్నల్సిస్ట్ లు అంటూ కనిపించారు. ఢిల్లీలోనే కాదు, ఆంధ్రప్రదేశ్ గల్లీల్లో కూడా, ఇదే అభిప్రాయం కనిపించింది. పార్టీలకు అతీతంగా అందరూ, వీరిద్దరినీ మెచ్చుకున్నారు.

వీళ్లిద్దరూ రాజకీయ కుటుంబాల నుంచే వచ్చారు. అవిశ్వాసంపై చర్చ సందర్భంగా శుక్రవారం ఒకరు ఇంగ్లీషులో, మరొకరు హిందీలో రాష్ట్ర వాదనలను సమర్థంగా వినిపించారు. గల్లా జయదేవ్‌ బాల్యం, చదువు మొత్తం అమెరికాలోనే సాగింది. దీంతో ఆయనకు ఆంగ్లంపై మంచి పట్టుంది. అమెరికా యాస కలిసిన ఆయన ఇంగ్లిషు, వాడే పదజాలం, ఉచ్ఛారణ సూటిగా ఘాటుగా ఉంటా యి. బడ్జెట్‌ సమావేశాల సమయంలో రాష్ట్రపతి ప్రసంగానికి ధన్యవాదాలు తెలిపే తీర్మానంపై తక్కువ సమయంలోనే ఆయన చేసిన ప్రసంగం అందరినీ ఆకట్టుకుంది. గల్లాలోని ‘స్పీకర్‌’ తొలిసారి అందరికీ పరిచయమైంది అప్పుడే. ‘మిస్టర్‌ ప్రైమ్‌ మినిస్టర్‌’ అంటూ సూటిగా నిలదీసిన తొలి నాయకుడు కూడా ఆయనే. నిజానికి ‘మిస్టర్‌’ అనేది ఒక గౌరవ వాచకం. అమెరికాలో ‘మిస్టర్‌ ప్రెసిడెంట్‌’ అని సంబోధిస్తారు.

రామ్మోహన్‌నాయుడు మాట్లాడిన 12 నిమిషాలు సభ మొత్తం ఆయనపైనే దృష్టి కేంద్రీకరించింది. ‘మనోడికి హిందీ ఇంత బాగా ఎలా వచ్చింది?’ అనే ప్రశ్నలు చాలామందిలో తలెత్తాయి. అసలు విషయమేమిటంటే... రామ్మోహన్‌ నాయుడు పాఠశాల చదువు ఢిల్లీలో సాగింది. అక్కడ ఢిల్లీ పబ్లిక్‌ స్కూల్‌లో ఆయన చదువుకున్నారు. దీంతో ‘ఢిల్లీ లోకల్‌ ఫ్లేవర్‌’ ఉన్న హిందీ బాగా అబ్బింది. ‘మీ ప్రసంగాన్ని మీరు పూర్తి చేయండి’ అని స్పీకర్‌ సూచించగా... ‘ఓకే మేడమ్‌’ అనేలా ‘చలీయే మేడమ్‌’ అంటూ ప్రసంగాన్ని కొనసాగించడం విశేషం.