news

విజయవాడ రాజకీయాల్లో పెను సంచలనం చోటు చేసుకోనుంది... దశాబ్దాలుగా తెలుగుదేశం పార్టీకి వ్యతిరేకంగా ఉన్న వంగవీటి కుటుంబంలోని, ప్రముఖ వ్యక్తి జగన్ టార్చర్ భరించలేక తెలుగుదేశం పార్టీలో చేరనున్నట్టు సమాచారం... వంగవీటి మోహనరంగా బావమరిది చెన్నుపాటి శ్రీను తెలుగుదేశం పార్టీలో చేరటానికి రంగం సిద్ధం అవుతోంది... ఈ నెల 7న చెన్నుపాటి శ్రీను తెలుగుదేశం పార్టీలో చేరుతున్నట్టు సమాచారం... అర్బన్‌ పార్టీ అధ్యక్షుడు బుద్దా వెంకన్నతో పాటు, విజయవాడ సెంట్రల్‌ ఎమ్మెల్యే బొండా ఉమామహేశ్వరరావు, తూర్పు ఎమ్మెల్యే గద్దె రామమోహన్‌ సైతం ఆయనను పార్టీలోకి తీసుకురావటానికి తెర వెనుక కృషి చేసినట్టు తెలుస్తోంది..

వంగవీటి మోహనరంగా ఒకప్పటి ముఖ్య అనుచరులతో ఇప్పటికే చెన్నుపాటి శ్రీను సమావేశం అయ్యారు. ఆదివారం ఐవీ ప్యాలెస్‌లో రాధా, రంగా మిత్రమండలి ఆత్మీయ సమావేశం జరిగింది. సమావేశాన్ని చెన్నుపాటి శ్రీను నిర్వహించారు. రాధా-రంగా మిత్రమండలి సభ్యులుగా ఉన్న రెండువేలకు పైగా సభ్యులు సమావేశానికి హాజరయ్యారు. తెలుగుదేశం పార్టీలోకి చేరాలని దాదాపుగా నిర్ణయం తీసుకున్న చెన్నుపాటి శ్రీను ఆదివారం సాయంత్రం జరిగిన సమావేశంలో ఆ విషయం వేదిక మీద చెప్పకనే చెప్పారు. అయితే, ఇక్కడ మరో ప్రచారం కూడా జరుగుతుంది. జగన్, తనని వాడుకుని వదిలేసాడు అని, తన బంధువు అయిన గౌతం రెడ్డి, రంగాని బూతులు తిట్టినా, నెత్తిన పెట్టుకోవటం, తనను రాజకీయంగా కోలుకోలేని దెబ్బ తీసి, కాపు సామాజిక వర్గాన్ని వాడుకుని, అన్యాయం చేస్తున్నాడు అని రాధా ఎప్పటి నుంచో, జగన్ పై కోపంగా ఉన్నారు. నాలుగు నెలల క్రితం, రాధా టిడిపిలో చేరిపోతున్నారు అనే ప్రచారం కూడా జరిగింది. అయితే, మొన్న కృష్ణా జిల్లాలో జగన్ పాదయత్రలో, రాధా పాల్గునటంతో, ఈ ప్రచారానికి ఫుల్ స్టాప్ పడింది.

అయితే, ఇప్పుడు స్వయానా వంగవీటి మోహనరంగా బావమరిది, రాధా-రంగా మిత్రమండలిలో ప్రధాన సభ్యడు, రాధాకి వెన్నెంట ఉండే చెన్నుపాటి శ్రీను తెలుగుదేశం పార్టీలో చేరటంతో, మళ్ళీ రాధా తెలుగుదేశంలో చేరే విషయం పై, ప్రచారం మొదలైంది.... ఒకేసారి కాకుండా, ముందుగా తన బావమరిదిని, తెలుగుదేశంలోకి పంపుతున్నారనే ప్రచారం జరుగుతుంది... జగన్ తో విసుగెత్తి పోయిన రాధా, పార్టీ మారతారని, తెలుగుదేశంలోకి వెళ్తారని, కాదు జనసేనలోకి వెళ్తారని ప్రచారం జరిగింది. పవన్ కళ్యాణ్ తీరు చూసిన తరువాత, జనసేనలో చేరే విషయం పై రాధా వెనకడుగు వేసారని చెప్తున్నారు. అందుకే, ఇప్పుడు మళ్ళీ తెలుగుదేశం వైపు చూస్తున్నారని, కాపులకు కార్పొరేషన్ పెట్టి చంద్రబాబు చేస్తున్న పనులు, రిజర్వేషన్ కోసం ఇప్పటికే కేంద్రానికి పంపియ్యటం వంటివి పరిగణలోకి తీసుకుని, సీటు విషయంలో క్లారిటీ వస్తే, తెలుగుదేశంలోకి వచ్చేస్తారు అని, అందులో భాగంగానే ముందుగా తన బావమరిదిని పంపిస్తున్నారు అని అంటున్నారు. మొత్తానికి, ఇదే కనుక జరిగితే, బెజవాడ రాజకీయంలో అనూహ్య మార్పులు చోటు చేసుకోవటం ఖాయం..

పశ్చిమగోదావరి జిల్లా ఆచంట నియోజకవర్గం పెనుగొండ మండలంలో, ముఖ్యమంత్రి కుర్చీ కోసం పాదయాత్ర చేస్తున్న వైకాపా అధ్యక్షుడు జగన్‌, చంద్రబాబు పై తీవ్ర విమర్శలు చేసారు... చంద్రబాబు పెద్ద దొంగ అని, 420 అని, అవినీతిలో రాష్ట్రాన్ని నెంబరు-1 లో నిలిపారు అంటూ, అబద్ధపు ప్రచారం చేసారు జగన్. 2016లోనే మనరాష్ట్రం అవినీతిలో మొదటి స్థానంలో నిలిచిందంటూ, తప్పుడు ఆరోపణలు చేసారు. నిజానికి మన రాష్ట్రంలో అవినీతి తగ్గింది అని, మొన్నే ఒక కేంద్ర సంస్థ చేసిన సర్వేలో తేలింది. అంతే కాదు రాష్ట్రంలో అసలు శాంతి బధ్రతలు లేవని, మర్డర్ లు పెరిగాయని, అత్యాచార ఘటనలు పెరిగాయని, ఇలా నోటికి ఏది వస్తే అది, తన సాక్షి పేపర్ లో రోజు వచ్చే తప్పుడు వార్తలు లాగా, ఇష్టం వచ్చినట్టు చెప్పేసాడు జగన్...

దీని పై ఐటి శాఖ మంత్రి లోకేష్, ట్విట్టర్ లో, జగన్ కు ఘాటు కౌంటర్ ఇచ్చారు. 13 కేసుల్లో ఏ1గా ఉండి కండిషనల్‌ బెయిల్‌పై బయట తిరుగుతున్న జగన్‌.. ఏపీలో నేరాలపై మాట్లాడటం విడ్డూరంగా ఉందని లోకేష్ ట్విట్టర్ వేదికగా విరుచుకుపడ్డారు. కరప్షన్ కింగ్ ఆఫ్ ఇండియాగా ఘనత వహించిన వ్యక్తి జగన్ అంటూ ఎద్దేవాచేశారు. కిడ్నాపర్లు, బెట్టింగ్ రాయుళ్లు, ఎర్రచందనం స్మగ్లర్లు, భూకబ్జాదారులు, అత్యాచారాలకు పాల్పడే వ్యక్తులు ఉన్న పార్టీకి జగన్‌ అధినేత అంటూ మండిపడ్డారు. వైఎస్‌ హయాంలో జరిగిన నేరాల గురించి జగన్‌కు తెలియదా అంటూ మంత్రి ప్రశ్నించారు. రాష్ట్రంలో శాంతి భద్రతలు కాపాడింది సీఎం చంద్రబాబేనని లోకేష్‌ ట్విట్టర్‌లో పేర్కొన్నారు.

ఇది ఇలా ఉండగా, ఏపీ సీఎం చంద్రబాబునాయుడు కూడా జగన్ పై విరుచుకు పడ్డారు... సోమవారం విజయనగరం జిల్లా లక్కవరపు కోట మండలం జమ్మాదేవిపేటలో గ్రామదర్శినిలో చంద్రబాబు పాల్గొని మాట్లాడారు. వైసీపీ నేతలు ఎన్నో డ్రామాలు ఆడుతున్నారని, ఢిల్లీలో మోడీ కాళ్లు పట్టుకుంటున్నారని ఆరోపించారు. కష్టపడి చేసింది శాశ్వతమని, అవినీతితో సంపాదించింది అశాశ్వతమని చంద్రబాబు అన్నారు. ధర్మంగా సంపాదించాలని హితవు పలికారు. మనకు జరిగిన అన్యాయాన్ని ప్రశ్నించేందుకు నవనిర్మాణ దీక్ష చేసినట్లు చంద్రబాబు చెప్పుకొచ్చారు. జూన్ 2న తెలంగాణలో ఉత్సవాలు చేసుకున్నారు, కాని మనం చేసుకోవడానికి వీల్లేదని.. మనం నష్టం పోయాం.. ఐదుకోట్ల ప్రజల్లో చైతన్యం కోసమే దీక్ష చేశానని చెప్పారు.

గౌరవనీయులైన టీటీడీ ఈవో గారికి ఓ భక్తుడు వినమ్రంగా రాయు లేఖ. భగవంతుడిని విమర్శించే వారికి, ధర్మాన్ని, దైవాన్ని ధిక్కరించే వారికే తప్ప స్వామి పట్ల భక్తిని ప్రకటించే వారికి మీడియాలో చోటు లేదు. అందుకే సోషల్ మీడియా ద్వారా మా మనోభావాలు మీ దృష్టికి తీసుకుని వస్తున్నాము. మాకు తెలిసి తిరుమలలో ఉన్నంత గొప్ప ఏర్పాట్లు, భద్రత, సదుపాయాలు, నిర్వహణ, ఆధ్యాతమ్మిక వాతావరణం ప్రపంచంలో మరే ఆధ్యాత్మిక క్షేత్రంలోనూ కనిపించదు. ఇంటికి పట్టుమని పదిమంది వస్తే నానా హైరానా పడిపోతాం. అలాంటిది సగటున రోజుకు లక్షమంది వచ్చినా వేడివేడి అన్నం ఉచితంగా ఏ సమయంలో వచ్చినా పెడుతూ అతి తక్కువ ధరకు ఆశ్రయం కల్పిస్తూ టీటీడీ ఆదరిస్తోంది.

కొండ దిగుతూ ప్రతి భక్తుడు అయ్యో మరో రెండు రోజులు ఉంటే బాగుండు అనుకుంటాడు. మరల స్వామి దర్శనం ఎప్పుడు కలుగుతుందో అని ఆశగా వేడుకుంటాడు. అదీ ఆ సప్తగిరుల మహాత్యం. నిత్యం సుప్రభాతం వినిపించే చోట నేడు తిట్లపురాణం.. వేదమంత్రాలు ఘోషించే చోట కుళ్లు రాజకీయాలు..! వివాదాస్పద వ్యాఖ్యలు.. పవిత్ర పుణ్యక్షేత్రం అనే విచక్షణ, వివేకం మరచిపోతున్నారు మన రాజకీయ నాయకులు. తిరుమలలో రాజకీయ కార్యకలాపాలు నిషేధం. స్వామి నామస్మరణ ఒక్కటే ప్రతిధ్వనించాలి. తిరుమలలో దైవారాధన తప్ప రాజకీయ దూషణ నిషిద్ధం. కానీ టీటీడీ దానిని అమలు జరపలేక పోతోంది. ఫలితంగా ప్రతి నాయకుడు ఒక టికెట్ బుక్ చేసేసుకుని తిరుమల వచ్చి దర్శనం చేసుకుని బయటకు రాగానే మీడియా గొట్టాల ముందు నోటికి ఏదొస్తే అది మాట్లాడుతున్నారు.

ఇక్కడ వార్తల సేకరణకు తెలుగుతోపాటు ఇంగ్లిషు, తమిళ చానళ్ల ప్రతినిధులు, వివిధ భాషల పత్రికా విలేకరులు అధిక సంఖ్యలో ఉన్నారు. దర్శనానికి వచ్చే వీఐపీలను కవర్‌ చేసేందుకు బ్రేక్‌ సమయంలో మీడియా ఆలయం ముందే సిద్ధంగా ఉంటుంది. స్వామి దర్శనం ద్వారా దక్కిన పుణ్య ఫలాన్ని మరు క్షణంలో పర దూషణల ద్వారా బుగ్గిపాలు చేసుకుంటున్నారు. ఆ జ్ఞానం వారికి ఉండక పోవచ్చు. పురాణాలను అవపోసన పట్టిన పండిత జనంతో అలరారే టీటీడీకి ఏది పుణ్యం ఏది పాపం తెలుసు. రాజకీయ, వ్యక్తిగత విమర్శలు తిరుమలలో చేసిన కారణంగా అమితమైన ప్రచారం లభిస్తోంది. రానురాను తిరుమలలో లక్షల మందికి జరిగే మంచి కంటే ఎవరో ఒకరు వచ్చి చెడు మాట్లాడితే అదే ప్రపంచానికి ఎక్కువ చేరుతోంది. అందుకే మా విన్నపం ఏమిటంటే తిరుమలలో రాజకీయ ప్రసంగాలు మీడియా ముందు మాట్లాడాన్ని నియంత్రించి భక్తుల మనోభావాలను కాపాడండి. దీనిపై దేశంలోని ప్రముఖ పీఠాధిపతులు, ఆధ్యాత్మిక వేత్తలతో చెప్పించండి. తిరుమలలో రాజకీయాలు వద్దు అని వారిని పిలుపు ఇవ్వండని చెప్పండి.

తిరుమల అర్చక స్వాములతో ఆ క్షేత విశిష్టత, అక్కడ దూషణల వల్ల సంక్రమించే పాపం గురించి చెప్పించండి. ఎన్నికల సంఘం వద్ద గుర్తింపు పొందిన అన్ని రాజకీయ పార్టీలకు టీటీడీ తరపున విజ్ఞప్తి చేస్తూ లేఖలు రాయండి. ఇప్పుడు సుప్రీం కోర్టుపైనో మరో న్యాయస్థానం పైనో ఎవరైనా ఆరోపణలు చేస్తే మీడియా ప్రచురించదు. ఎందుకంటే అది కంటెంప్ట్ ఆఫ్ ది కోర్టు అవుతుందని. మరి ఆ భయం స్వామి విషయంలో ఉండక్కర్లేదా? అందుకే మీడియా కూడా తిరుమలలో రాజకీయ ప్రసంగాల ప్రసారాలను ఎవాయిడ్ చేస్తే బాగుంటుంది. అందుకు టీటీడీ పూనుకుని మీడియా యాజమాన్యాలకు విజ్ఞాపన లేఖ రాస్తే బాగుంటుంది. ఎవరన్నా నాయకులు కావాలంటే తిరుపతిలో మాట్లాడుకోవచ్చు. ఇంకా ఈ రాష్ట్రంలో కొదువే లేదు. ఎక్కడికి వెళ్లి అయినా ఎవరిని అయినా విమర్శించండి. రాజకీయ ప్రసంగాలు చేయండి. కానీ స్వామి వేంచేసి ఉన్న ఒక్క తిరుమలను మాత్రం మీ రాజకీయాల నుంచి మినహాయించండి. రాసిన భక్తుడు ఎవరనేది పక్కన పెట్టి దీనిలో మంచిని స్వీకరించండి.