news

బినామీ ఆస్తుల కేసులో, గత రెండు సార్లు నుంచి కుంటి సాకులతో తప్పించుకుంటున్న జగన్ ప్రియ శిష్యుడు, 12 ఓట్లతో గెలిచిన వైసిపీ ఎమ్మల్యే ఆళ్ల రామకృష్ణారెడ్డి, ఇక తప్పక, ఎట్టకేలకు ఏసీబీ ముందు ఈ రోజు విచారణకు హాజరయ్యారు. ఆళ్ల రామకృష్ణారెడ్డిని 3 గంటలకుపైగా ఏసీబీ అధికారులు విచారించారు. రామకృష్ణారెడ్డి నుంచి అధికారులు కీలక సమాచారం రాబట్టారు. ఏసీబీ తనిఖీల్లో పట్టుబడిన డీఎస్పీ దుర్గాప్రసాద్‌ ఇంట్లో దొరికిన... ఆర్కే భార్య ఆస్తి పత్రాలకు సంబంధించి ఏసీబీ వివరాలు తెసుకున్నారు. ఆదాయానికి మించిన ఆస్తుల కేసులో ఏసీబీ అరెస్టు చేసిన డీఎస్పీ దుర్గాప్రసాద్‌కు బినామీగా రామకృష్ణారెడ్డి ఉన్నట్లు ఏసీబీకి ఆధారాలు లభించిన విషయం తెలిసిందే. ప్రకాశం, గుంటూరు జిల్లాల్లో కొన్ని స్థిరాస్తి పత్రాలు ఆళ్ల కుటుంబ సభ్యుల పేరిట ఉన్నట్లు సమాచారం.

ఈ నేపథ్యంలో ఈ నెల 22న విచారణకు హాజరవ్వాలని 16వ తేదీనఏబీసీ నోటీసులు జారీ చేసింది. అయితే అనారోగ్య కారణాల పేరుతో 22న విచారణకు ఆయన గైర్హాజరయ్యారు. ఏసీబీ వారం సమయం ఇచ్చి 29న హాజరవ్వాల్సిందేనని స్పష్టం చేసింది. ఆయన తరపు లాయర్లు ఇంకో వారం అవకాశం ఇవ్వాలని.. తప్పకుండా హాజరవుతారని విజ్ఞప్తి చేశారు. దీంతో జూన్‌ 5 వరకూ ఏసీబీ తుది గడువు ఇచ్చింది. రెండు సార్లు తన తరపున న్యాయవాదులను పంపిన రామకృష్ణారెడ్డి మూడో సారి స్వయంగా ఏసీబీ ముందు హాజరయ్యారు.

రాజధాని ప్రాంతంలో అత్యంత అవినీతిపరుడిగా ఆరోపణలున్న పోలీసు అధికారి దుర్గాప్రసాద్‌పై గతేడాది జనవరిలో ఏసీబీ ఆదాయానికి మించిన ఆస్తుల కేసు నమోదు చేసింది. ఏసీబీకి ఫిర్యాదులు అందడంతో ఏసీబీ డీజీ ఆర్పీ ఠాకూర్‌ సెంట్రల్‌ ఇన్వెస్టిగేటివ్‌ యూనిట్‌ (సీఐయూ)ను రంగంలోకి దించారు. దర్యాప్తులో భాగంగా తుళ్లూరు ప్రాంతంలో కొన్ని స్థిరాస్తులు ఇతరుల పేర్లతో ఉన్నట్లు బయటపడింది. ఆరా తీయగా డీఎస్పీ బినామీల్లో మంగళగిరి వైసీపీ ఎమ్మెల్యే ఆళ్ల రామకృష్ణారెడ్డి భార్య ఉన్నట్లు తేలింది. ఎమ్మెల్యే భార్య పేరుతో ఉన్న ఆస్తుల పత్రాలు డీఎస్పీ ఇంట్లో లభించడంతో ఏసీబీ అధికారులు ఆయనకు నోటీసు ఇచ్చారు.

పదేళ్లుగా చినుకు జాడలేని పల్లె జొన్నగిరి... కరువు తాండవిస్తున్న ఆ ఊరిలో సీఎం చంద్రబాబు ఆదివారం పర్యటించారు... వీధులన్నీ కలియదిరిగారు. జనం జేజేలు పలికారు... అంతకు మునుపు హెలి ప్యాడ్ కు చేరుకున్న చంద్రబాబును చూసి జనం చేతులు ఊపుతూ కేరింతలు కొట్టారు. డిప్యూటీ సీఎం కేఈతో కలిసి గ్రామవీధుల్లో పర్యటిస్తుండగా వృద్దులు, మహిళలు, పిల్లలు అభివాదం చేశారు. 'ఆమ్మా! నీ పెద్దకొడుకును వచ్చాను. నెలనెల పింఛన్ వస్తోందా...?' అని పలకరిస్తుంటే వృద్దులు పులకించిపోయారు. నెలనెలా ఇంటికే వచ్చి ఇస్తున్నారని వారు సమాధానం చెప్పినప్పుడు చంద్రబాబు సంతృప్తి చెందారు. 'ఏ బడిలో చదువుతున్నావు? ఎన్నో తరగతి..? బాగా చదువుకుని అమ్మనాన్నకు మంచి పేరు తేవాలి..' అని పిల్లలను పలకరిస్తూ ముందుకు సాగారు.

'అమ్మా.. మీ చంద్రన్న ఇచ్చే పసుపు కుంకుమ డబ్బులు మీ ఖాతాల్లో పడ్డాయా..?' అని మహిళలను అడిగారు. 'ఖాతాలో వేశారు.. మంచి పనులను ఉపయోగించుకుంటున్నాం' అని వారు సమాధానం ఇచ్చారు. గ్రామ దర్శిని అనంతరం పదేళ్ల తరువాత నీరు చేరిన జొన్నగిరి చెరువు వద్దకు చేరుకుని జలహారతి పట్టారు. ఆ సమయంలో ఆకాశం నుంచి జల్లులు కురవడాన్ని ముఖ్యమంత్రికి ప్రకృతి ఆశీర్వాదమని పలువురు అభివర్ణించారు. 'ప్రకృతిని ఆరాధిస్తే కష్టాలు ఉండవు. ఈ వర్షమే అందుకు సాక్షం' అని సీఎం చంద్రబాబు పేర్కొన్న డంతో రైతులు చప్పట్లు కొట్టి హర్షం వ్యక్తం చేశారు. 68 చెరువులను కృష్ణాజలాలతో నింపే పథకానికి శంకుస్థాపన చేస్తున్నప్పుడు ఎన్నో ఏళ్ల కల సాకారం అవుతున్నందుకు డిప్యూటీ సీఎం కేఈ కృష్ణమూర్తి చిరునవ్వులు చిందిస్తూ సీఎంకి కృతజ్ఞతలు తెలిపారు.

అనంతరం చెక్ డ్యాం, పంట కుంట పనులను ముఖ్యమంత్రి పరిశీలించారు. 'భూగర్భ జలాలు పెరిగాయి. బోరుబావుల కింద పంటలు వేసుకుంటాం' అని రైతులు పేర్కొన్నప్పుడు సీఎం ఆనందంతో 'ఏ రైతూ బాధపడకూడదనే ప్రాజెక్టులన్నింటినీ పూర్తి చేస్తున్నాం' అని అన్నారు. బహిరంగ సభలో అనర్గళంగా మాట్లాడారు. కేంద్ర ప్రభుత్వ విధానాలు, రాష్ట్ర ప్రభుత్వానికి జరిగిన అన్యాయం, ప్రతిపక్ష వైఖరిపై ఎండగడుతుంటే జనం సానుకూల నినాదాలు చేశారు. వర్షం కురుస్తున్నా. సీఎం ప్రసంగం కొనసాగించారు. 'ఇక్కడ ఎక్కువసేపు ఉంటే హెలి క్యాప్టర్ పైకి లేయదు. నేను ఇక్కడే ఉండాల్సి వస్తుంది' అనడంతో జనం ఆనందంతో ఈలలు కేకలు వేశారు. అనంతరం సీఎం తన ఉపన్యాసం ముగించి హెలిప్యాడ్ కు చేరుకుని అమరావతికి బయలుదేరారు.

జూన్ 2న రాష్ట్ర ఆవిర్భావ దినోత్సవం సందర్భంగా ఆంధ్రప్రదేశ్ ప్రజలకు శుభాకాంక్షలు అంటూ ట్వీట్ చేసిన ప్రధాని స్పందనకు ఐటీ శాఖ మంత్రి నారా లోకేశ్‌ ప్రతి స్పందించారు. విభజనకు నిరసనగా ఆంధ్రప్రదేశ్ ప్రజలు నిరసన గళం వినిపిస్తుంటుంటే.. రాష్ట్రానికి అన్యాయం చేసి ఇప్పుడు శుభాకాంక్షలు చెబుతారా?. కేంద్రం హోదాతో సహా విభజన హామీలు నెరవేర్చలేదని, ప్రజలంతా తీవ్ర ఆవేదనలో ఉంటే ట్వీట్ ద్వారా ఆంధ్రప్రదేశ్ ప్రజలను సంతృప్తి పరచాలని మీరు అనుకుంటున్నారా?. ప్రజల ఆవేదన ఎలా ఉందో మీరు అర్థం చేసుకోవాలి’ అంటూ నెటిజన్లు చేసిన కామెంట్లను జతపరచి ప్రధాని మోదీకు ట్వీట్‌ చేశారు. ఇప్పటికైనా ఏపీ ప్రజల మనోభావాలను గౌరవిస్తారని కోరుకుంటున్నానని, లోకేశ్‌ ట్వీట్‌లో పేర్కొన్నారు.

"Dear @narendramodi Sir, if you thought your tweet could cool down AP that's on the boil for its rights, you must read the comments section which I have attached (only a few) for your perusal. Hope it doesn't spoil your Monday #APDemandsSpecialStatus #APDemandsJustice #MondayBlues" మోడీ ట్వీట్‌పై నెటిజన్ల చేసిన స్పందనలో కొన్నింటిని లోకేష్ సేకరించి ప్రధానికి కౌంటర్ ఇచ్చారు. 'ఏపీ భారతదేశంలో లేదామోడీ నార్త్ ఇండియాకు మాత్రమే ప్రధానిగా ఉన్నారా','విశాఖపట్నంకు రైల్వేజోన్ ఇచ్చే వరకు బీజేపీకి ఓటు వేయవద్దని మేం నిర్ణయించుకున్నాం సర్', 'గుజరాత్‌లోని దొలేరా నిర్మాణంపై కాదు, అమరావతి నిర్మాణంపై దృష్టి సారించండి', 'శుభాకాంక్షలు ఎందుకు, ప్రార్థించడం కంటే సాయం చేసే చేతులు మిన్న అంటారు. మీరు అది చేయండి'.. ఇలా పలువురు నెటిజన్ల ట్వీట్లను లోకేష్ పొందుపర్చారు.

మరో పక్క ప్రధాని ట్వీట్ చేసిన రోజే చంద్రబాబు కూడా కౌంటర్ ఇచ్చిన సంగతి తెలిసిందే.. విభజనతో ఆంధ్రప్రదేశ్ ప్రజలను దారుణంగా అవమానించారని ముఖ్యమంత్రి చంద్రబాబు నాయుడు అన్నారు. బెంజిసర్కిల్‌లో నిర్వహించిన నవనిర్మాణ దీక్షలో సీఎం మాట్లాడుతూ రాష్ట్ర ప్రజలు అభద్రతాభావంతో ఉన్నారన్నారు. 2014 బాధా సంవత్సరమని, జూన్ 2 చీకటిరోజని చంద్రబాబు వ్యాఖ్యానించారు. సంక్షోభం, సమస్యల మధ్య ఏపీలో పాలన ప్రారంభమైందని సీఎం తెలిపారు. కష్టాలు, సమస్యలు తప్ప ఏపీకి ఏం ఇచ్చారనిప్రశ్నించారు. కాంగ్రెస్‌ మోసం చేస్తే.. బీజేపీ నమ్మకద్రోహం చేసిందని ఆగ్రహం వ్యక్తం చేశారు. ఏం సంతోషం ఉందని వేడుకలు జరుపుకోవాలని చంద్రబాబు ప్రశ్నించారు.