news

గన్నవరం సమీపంలో, అతి పెద్ద ఐటి కంపెనీ హిందుస్తాన్‌ కార్పొరేషన్‌ లిమిటెడ్‌(హెచ్‌సీఎల్‌), తమ కార్యకలాపాలని మరో పది రోజుల్లో ప్రారంభించనుంది.. గన్నవరంలని మేధా టవర్స్ లో, హెచ్‌సీఎల్‌ తమ కార్యకలాపాలు ప్రారంభించనుంది.. ‘మేథ’ టవర్‌లో లక్ష చదరపు అడుగుల విస్తీర్ణంలో తన సేవలను ప్రారంభించటానికి హెచ్‌సీఎల్‌ నిర్వాహకులు అన్ని ఏర్పాట్లు చేశారు. రాష్ట్ర ఐటీ మంత్రి నారా లోకేష్‌ చేతుల మీదుగా ప్రారంభించటానికి హెచ్‌సీఎల్‌ నిర్వాహకులు సన్నాహాలు చేస్తున్నారు. హెచ్‌సీఎల్‌ బ్లాకులో గత కొద్దినెలలుగా ఇంటీరియర్‌ పనులు జరుగుతున్న సంగతి తెలిసిందే. ఈ పనులు ప్రస్తుతం పూర్తయ్యాయి. పూర్తయిన ఇంటీరియర్‌ పనులను హెచ్‌సీఎల్‌ బృందం పరిశీలించింది.

గన్నవరంలోని ఆర్టీసీ జోనల్‌ ట్రైనింగ్‌ కళాశాలకు చెందిన 27 ఎకరాలను, ఆంధ్రప్రదేశ్ ప్రభుత్వం హెచ్‌సీఎల్‌ కు కేటాయించిన సంగతి తెలిసిందే.. ఇప్పటికే ఈ భూమిలో, చెట్ల తొలగింపు, నేల చదును పనులు ముమ్మరంగా జరుగుతున్నాయి. ఎయిర్‌పోర్టు ఉండటం వల్ల డిజైన్లకు కేంద్రం నుంచి ఇంకా కొన్ని అనుమతులు రావాల్సి ఉన్నందున ఇక్కడ శంకుస్థాపన, హైరైజ్‌ భవన నిర్మాణ పనులు ప్రారంభించటానికి చాలా సమయం పట్టే అవకాశం ఉంది. దీనిని దృష్టిలో ఉంచుకుని ‘మేథ’ టవర్‌లో తాత్కాలికంగా తమ కార్యకలాపాలు ప్రారంభించాలని హెచ్‌సీఎల్‌ నిర్ణయించింది.

హెచ్‌సీఎల్‌ కార్యకలాపాలు ప్రారంభించనున్న నేపథ్యంలో, స్థానిక యువత ఉద్యోగాల కోసం ఎంతగానో ఎదురు చూస్తోంది. స్థానికంగానే ఉద్యోగాలు కల్పిస్తామని ఇప్పటికే హెచ్‌సీఎల్‌ యాజమాన్యం ప్రకటించింది. మేథ టవర్‌ నుంచి తాత్కాలికంగా సేవలు అందించనున్న హెచ్‌సీఎల్‌ స్థానికంగా ఉన్న వారిని ఉద్యోగాలలోకి తీసుకుంటుందా అన్నదానిపై అనుమానంగా ఉంది. హెచ్‌సీఎల్‌తో కుదిరిన ఒప్పందం ప్రకారం నూతనంగా నిర్మించబోయే హై రైజ్‌ బిల్డింగ్‌లో కార్యకలాపాలు ప్రారంభించటానికే స్థానికంగా ఉన్న యువతకు అవకాశాలు కల్పించాల్సి ఉంటుంది.

మారో పక్క శాశ్వత భవనాలు కోసం, కళంకారీ నేత, కొండపల్లి బొమ్మలను ప్రతిబింబించేలా అమరావతి బౌద్ధ శిల్ప నిర్మాణ శైలిలో హెచ్‌సీఎల్‌ ఐటి టవర్ నిర్మాణం జరగనుంది.. గన్నవరం విమానాశ్రయం సమీపంలో నిర్మించనున్న ఈ భవనాలను విమానాలు దిగే సమయంలో ఆకాశంలో నుంచి చూస్తే ఈ నిర్మాణాలు అద్భుతంగా కనిపిస్తాయి.. దాదాపు వెయ్య మంది వరకు, ఇక్కడ ఉద్యోగాలు చేసే అవకాసం ఉంది. 2019 చివరి నాటికి రాష్ట్రంలో హెచ్‌సీఎల్ టెక్నాలజీస్ నూతన క్యాంపస్ కొలువుదీరుతుందని, ఇప్పటికే హెచ్‌సీఎల్ టెక్నాలజీస్ అధినేత, ఐటీ దిగ్గజం శివనాడార్ చెప్పారు... మరో పక్క, గన్నవరంలోనే కాక, అమరావతిలో కూడా మరో ఐటి టవర్ నిర్మించేందుకు హెచ్‌సీఎల్‌ ప్రణాలికలు రూపొందిస్తుంది...

ప్రతిపక్షనేత జగన్మోహన్ రెడ్డి నోటి దురదతో, రాజ్యసభ సభ్యులు కేవీపీ రామచంద్రరావు చేతి దురదతో జాతీయ ప్రాజెక్టు పోలవరం ప్రాజెక్టును అడ్డుకుంటూ చరిత్ర హీనులుగా మారవద్ద‌ని జలవనరుల శాఖ మంత్రి దేవినేని ఉమామహేశ్వరరావు అన్నారు. మంగళవారం స్థానిక జలవనరుల శాఖ కార్యాలయంలో ఏర్పాటు చేసిన విలేక‌రుల సమావేశంలో మంత్రి దేవినేని ఉమామహేశ్వరరావు మాట్లాడుతూ ముఖ్యమంత్రి చంద్రబాబు నాయుడు 70వ సారి పోలవరంపై సోమవారం వర్చువల్ ఇన్‌స్పెక్షన్‌తో పనులు వేగవంతంగా జరిగేలా చేస్తుంటే ప్రతిపక్ష నేత జగన్మోహన్ రెడ్డి మార్నింగ్ వాక్ ఈవినింగ్ వాక్‌లో, రాజ్యసభ సభ్యుడు కేవీపీ రామచంద్రరావు ఢిల్లీలో కూర్చుని పోలవరం పనులు ఏమీ జరగలేదనటం హాస్యాస్పదమన్నారు.

2019 ఫిబ్రవరి-మార్చి లోపు పోలవరం పనులు పూర్తి చేసేలా ప్రభుత్వం ప్రత్యేక కార్యాచరణతో ముందుకు వెళ్లుతుందన్నారు. దశాబ్ద కాలం కాంగ్రెస్ ప్రభుత్వ హయాంలో 1.14 శాతం మాత్రమే పోలవరం డ్యామ్ సైట్‌లో పనులు జరిగితే గత నాలుగు సంవత్సరాలలో మా ప్రభుత్వ హయాంలో 43 శాతం పనులు జరిగాయన్నారు. అందుకే నేను కాల్వల్లో మట్టి పనులు చేసి మట్టికొట్టుకుపోయారు తప్ప డ్యామ్ సైట్‌లో ఏమీ చేయలేదని చెపుతున్నానన్నారు. జలయజ్ఞం… ధనయజ్ఞంగా మార్చి మీ తండ్రి హయాంలో అవినీతికి పాల్పడటంతో పదహారు నెలలు చంచలగుడా జైలులో ఉండి పోలవరం ప్రాజెక్టు పునాదులు దాటలేదని మాట్లాడటం జగన్ అవివేకానికి నిదర్శనమన్నారు. పోలవరం ప్రాజెక్టు ను చూసి మాట్లాడితే ప్రజలు హర్షిస్తారు కాని అవగాహనలేకుండా మాట్లాడితే తగిన బుద్ది చెపుతారని అయినా పోలవరం ప్రాజెక్టు పై మాట్లాడే అర్హత జగన్ కు లేదన్నారు.

పోలవరం ప్రాజెక్టు పనులు ఇప్పటి వరకు 57.14 శాతం పూర్తికాగా, స్పిల్ వే, స్పిల్ ఛానల్ పనులు 76.44 శాతం, డయాఫ్రం వాల్ పనులు 100 శాతం, రేడియల్ గేట్ల పనులు 67 శాతం, ఎగువ జట్ గ్రీటింగ్ పనులు పూర్తికాగా, దిగువ జెట్ గ్రీటింగ్ పనులు గోదావరి ప్రవాహం తగ్గిన తర్వాత మొదలు పెట్టి పూర్తి చేస్తామన్నారు. పోలవరం కుడి కాలవ 90 శాతం, ఎడమ కాలువ 62.61 శాతం పనులు పూర్తయ్యాయన్నారు. పోలవరం ప్రాజెక్టు పనులు ఇంత వేగంగా జరుగుతుంటే పునాదులు పడలేదని విమర్శించడం ప్రతిపక్ష నేత జగన్ అహంకారానికి నిదర్శనం అన్నారు. స్పీకర్ కోడెల శివప్రసాదరావు పోలవరం ప్రాజెక్టును సందర్శించి పనులు బాగా జరుగుతున్నాయని తెలిపారన్నారు.

ఇప్పటి వరకు పోలవరం ప్రాజెక్టు ను ఆర్టీసీ ఏర్పాటు చేసిన బస్సుల ద్వారా రైతులు, యువత, జర్నలిస్టులు, రైతు కూలీలు కలిపి 78,963 మంది 1,579 బస్సుల ద్వారా 105 రోజుల్లో సందర్శించగా ఇంకా ఎన్నో లక్షల మంది వారి సొంత వాహనాల్లో సందర్శిస్తున్నారన్నారు. ఎప్పటికప్పుడు రాష్ట్రంలో పత్రికలు, టీవీలు, సామాజిక మాధ్యమాల ద్వారా పోలవరం ప్రాజెక్టు పనులు ప్రత్యక్ష ప్రసారాల ద్వారా అందిస్తున్నాయని, వారం వారం సోమవారం పోలవరం వివరాలు అందిస్తుంటే వీరికి స్వేతపత్రం కావాలంటూ చెప్పటం విడ్డూరంగా ఉందన్నారు. పోలవరం నిర్వాసితులను రెచ్చగొట్టాలని ప్రతిపక్షనేత కుతంత్రాలు, కుట్రలు పన్నుతున్నారన్నారు.

పోలవరం ప్రాజెక్టుకు ఇప్పటి వరకు రూ.14,488 కోట్లు ఖర్చుచేయగా రాష్ట్ర ప్రభుత్వం రూ.9,352 కోట్లు ఖర్చు చేయగా, కేంద్ర ప్రభుత్వం రూ.6,727 కోట్లు రీఇంబర్స్ చేసిందని, రూ.2,625 కోట్లు ఇంకా రావాల్సి ఉందన్నారు. పురుషోత్తపట్నం ఎత్తిపోతల ద్వారా ఐదు నియోజకవర్గాలలో రెండు లక్షల ఎకరాలకు నీళ్లు అందిస్తుంటే కనీసం ఆ ప్రాజెక్టు గురించి మాట్లాడకపోవటం శోచనీయమన్నారు. ఒక బేసిన్ నుంచి ఇంకో బేసిన్‌కు 187 టీఎంసీల నీళ్లు తేవడం భారతదేశ చరిత్రలోనే ఒక రికార్డన్నారు. పోలవరం ప్రాజెక్టు పూర్తి అయితే మా జీవితాలు మారిపోతాయని రైతులందరూ భావిస్తుంటే నీ అనుయాయులు ద్వారా సుప్రీం కోర్టు, హైకోర్టు, నేషనల్ గ్రీన్ ట్రిబ్యునల్‌లో కేసులు వేస్తూ ఇబ్బందులు సృష్టిస్తుంటే, ఈ కేసులు పరిష్కారానికి అధికారులు కోర్టుల చుట్టూ తిరగాల్సి వస్తోందన్నారు.

గోదావరి నది నుంచి పట్టిసీమ నుంచి ఈ ఏడాది ఇప్పటి వరకు ప్రకాశం బ్యారేజికి 28.6 టీఎంసీల నీటిని తీసుకురాగా, గోదావరి డెల్టాకి 53.6 టీఎంసీలు నీటిని వాడుకున్నామన్నారు. కృష్ణా డెల్టాలో 6 లక్షల ఎకరాలకు, గోదావరి డెల్టాలలో 10 లక్షల ఎకరాలకు నీటి వసతి కల్పించామని, వేసిన ప్రతిపంటను కాపాడటానికి చర్యలు తీసుకోమని ముఖ్యమంత్రి ఆదేశించారన్నారు. ఇప్పటి వరకు గోదావరి నది నుంచి 591 టీఎంసీలు సముద్రంలోకి వెళ్లాయన్నారు. ఇవాళ్ల హైకోర్టులో కృష్ణా డెల్టా కి వృధాగా సముద్రంలోకి వెళ్లే నీటిని పట్టిసీమ ద్వారా కృష్ణా డెల్టాకి తెస్తుంటే ఓర్వలేక ప్రతిపక్ష నేత జగన్ రాజన్న కాబినెట్ లో పనిచేసిన మంత్రి చేత కేసు వేయించారన్నారు. 59 ప్రాజెక్టులు చేపట్టగా 9 ప్రాజెక్టులు ఇప్పటికే జాతికి అంకితం చేయగా ఇంకా 6 ప్రాజెక్టులు పూర్త‌య్యాయని 28 ప్రాజెక్టులు పనులు వేగంగా జరుగుతున్నాయన్నారు.

నాగార్జునసాగర్‌, శ్రీశైలం ప్రాజెక్టుకి ఎగువ ప్రాంతాల నుంచి నీళ్లు వస్తున్నాయని, అక్కడకు వచ్చిన నీటిని రాయలసీమ ప్రాంతాలకు వాడుకుంటామన్నారు. జగన్ ప్రజలను నమ్మించి అధికారంలోకి రావాలనే కాంక్షతో పోలవరంతో ప్రాజెక్టు పై మాట్లాడటం ప్రజలు గమనిస్తున్నారన్నారు. జలవనరుల శాఖకు ప్రతిష్టాత్మక అవార్డు.. రాష్ట్ర జలవనరుల శాఖకు గ్లోబల్ వాటర్ కన్జర్వేషన్ అవార్డు-2018వ సంవత్సరానికి దక్కిందన్నారు. ఈ నెల 21 నుంచి 23 వరకు ఢిల్లీలో జరగనున్న ప్రపంచ వాటర్ సమ్మిట్లో ఈ అవార్డు ప్రధానం చేయనున్నారన్నారు. ఈ అవార్డుకు 29 రాష్ట్రాలు పోటీపడితే మన రాష్ట్రానికి ఈ అవార్డు దక్కటం మన సామర్థ్యానికి గుర్తింపుగా ముఖ్యమంత్రి చంద్రబాబు నాయుడు 4 సంవత్సరాల కష్టానికి నిదర్శమన్నారు. గత ఏడాది ఈ అవార్డు టాటా స్టీల్ దక్కించుకుందన్నారు. రాష్ట్రంలో 15 శాతం వర్షపాతం తక్కువ పడగా, రాయలసీమలో -45 శాతం తక్కువగా వర్షపాతం నమోదైంద‌న్నారు. ఇప్పటివరకు రాష్ట్రంలో 20 లక్షల హెక్టార్లలో పంటలు వేయాల్సి ఉండగా 19 లక్షల హెక్టార్లలో పంటలు వేశారని వాటికి సకాలంలో నీటిని అందించడమే కాకుండా పంటను కాపాడుకునే విధంగా పలు చర్యలు తీసుకుంటున్నామన్నారు.

ఎంతో మంది నాయకులు, మేము అది చేస్తా, ఇది చేస్తాం, దేశాన్ని మార్చేస్తాం, కొత్తగా ఆలోచిస్తాం అంటూ ఉపన్యాసాలు మాత్రం దంచి కొడతారు. ఆచరణలో మాత్రం ఏమి ఉండదు. చంద్రబాబు మాత్రం అలా కాదు, మాటలతో పాటు, చేతల్లో కూడా చేసి చూపిస్తారు. ఏ సంస్కరణలు అయినా, చేసి చూపించి, దేశానికి ఆదర్శంగా నిలుస్తారు. అలా అని ఇవేవో, ఓట్లు రాలే పనులు కూడా కాదు. ప‌ర్యావ‌ర‌ణర‌హిత‌మైన ఎల‌క్ట్రిక్ వాహ‌నాల వినియోగం కోసం, ఎందరో మాట్లాడటం మనం చూసాం, కాని మన రాష్ట్రంలో మాత్రం, ఇప్పటికే అవి మొదలయ్యాయి. తాజాగా ఈ రోజు కూడా మరి కొన్ని చంద్రబాబు మొదలు పెట్టారు. ముందుగా ప్రభుత్వంలో వీటిని ఉపయోగించి, నెమ్మదిగా ప్రజలకు కూడా ఇవే అలవాటు చెయ్యనున్నారు.

ప‌ర్యావ‌ర‌ణర‌హిత‌మైన ఎల‌క్ట్రిక్ వాహ‌నాల వినియోగాన్ని అన్ని ర‌కాలుగా ప్రోత్స‌హించేందుకు ఆంధ్ర‌ప్ర‌దేశ్ ప్ర‌భుత్వం సిద్దంగా ఉంద‌ని రాష్ట్ర ముఖ్య‌మంత్రి నారా చంద్ర‌బాబు నాయుడు తెలిపారు. ఎల‌క్ట్రిక్ మొబిలిటీకి అనుగుణంగా ఇప్ప‌టికే త‌మ ప్ర‌భుత్వం పాల‌సీని సిద్దం చేసింద‌న్నారు. ఆంధ్ర‌ప్ర‌దేశ్ ప‌ర్యాట‌క అభివృద్ధి సంస్ధ‌, మహీంద్ర ఎల‌క్ట్రిక్‌, జూమ్ కార్ సంయిక్త భాగ‌స్వామ్యంలో ఇక విజ‌య‌వాడ రోడ్ల‌ పై ప‌రుగులు తీయ‌నున్న బ్యాట‌రీ కార్ల‌ శ్రేణిని గుంటూరు జిల్లా మంగ‌ళ‌గిరి స‌మీపంలోని సికె క‌న్వెన్ష‌న్ సెంట‌ర్‌లో ముఖ్య‌మంత్రి చంద్ర‌బాబు నాయుడు బుధ‌వారం జెండా ఊపి ప్రారంభించారు. ఈ సంద‌ర్భంగా చంద్ర‌బాబు మాట్లాడుతూ ప‌ర్యాట‌కుల‌కు ఉప‌యోగ‌ప‌డేలా మ‌హీంద్రా జూమ్ కార్లు ఉప‌యోగ‌ప‌డ‌టం ముదావ‌హ‌మ‌న్నారు.

ఇప్ప‌టికే పూనా, కోల్‌క‌తా, ముంబై, న్యూడిల్లీ, జైపూర్, హైద‌రాబాద్‌, మైసూర్‌ల‌లో ఇవి న‌డుస్తుండ‌గా, ప్ర‌స్తుతం ఆంధ్ర‌ప్ర‌దేశ్‌లో ప‌ర్యాట‌క అభివృద్ది సంస్ద భాగ‌స్వామ్యంతో ప‌రుగులు పెట్టనుండ‌టం సంతోష‌మ‌న్నారు. ద‌క్షిణ భార‌తదేశంలోనే అతిముఖ్య‌మైన కూడ‌లి న‌గ‌రంగా న‌వ్యాంధ్ర‌ప్ర‌దేశ్ రాజ‌ధాని అమ‌రావ‌తి రూపుదిద్దుకుంటుంద‌ని, వినూత్న ఆవిష్క‌ర‌ణ‌ల‌తో ఎవ‌రు వ‌చ్చినా ప్రోత్స‌హిస్తామ‌ని ముఖ్య‌మంత్రి అన్నారు. ప‌ర్యాట‌క‌, సాంస్కృతిక శాఖ కార్య‌ద‌ర్శి ముఖేష్‌కుమార్ మీనా మాట్లాడుతూ ఎవ‌రికి వారు డ్రైవింగ్ చేసుకునేలా ఏర్పాటు చేసిన ఈ బ్యాట‌రీ అద్దె కార్లు గ‌న్న‌వ‌రం విమానాశ్ర‌యం, బెంజిస‌ర్కిల్, స‌చివాల‌యంల వ‌ద్ద అందుబాటులో ఉంటాయ‌ని, నిబంధ‌న‌ల మేర‌కు ఎవ‌రైనా వీటిని తీసుకోవ‌చ్చ‌ని అన్నారు.

మ‌హీంద్రా ఎల‌క్ట్రిక్ సిఇఓ మ‌హేష్ బాబు మాట్లాడుతూ ఆంధ్ర‌ప్ర‌దేశ్‌లో షేర్డ్ ఎల‌క్ట్రిక్ మొబిలిటీ విప్ల‌వానికి ఇది తొలి అడుగు అవుతుంద‌న్నారు. జామ్ కార్ సంయిక్త వ్య‌వ‌స్ధాప‌కుడు, సిఇఓ గ్రేగ్ మోరాన్ మాట్లాడుతూ ప్ర‌స్తుతం రాష్ట్రంలో 15 వాహ‌నాల‌ను ప్ర‌వేశ‌పెడుతున్న‌ప్ప‌టికీ భ‌విష్య‌త్తు డిమాండ్ మేర‌కు మ‌రిన్ని వాహ‌నాల‌ను అందుబాటులోకి తీసుకు వ‌స్తామ‌న్నారు. ఆంద్ర‌ప్ర‌దేశ్ ప‌ర్యాట‌క అభివృద్ది సంస్ద నిర్వ‌హ‌ణా సంచాల‌కులు హిమాన్హు శుక్లా మాట్లాడుతూ ప‌ర్యాట‌క శాఖ వెబ్ సైట్‌తో పాటు, ఇత‌ర ప్ర‌చార సామాగ్రిలో కూడా జూమ్ కార్ భాగ‌స్వామ్యం గురించి ప‌ర్యాట‌కుల‌కు వివ‌రిస్తామ‌న్నారు.

అమ‌రావ‌తి రాజ‌ధానిలో సుస్ధిర ప‌ర్యావ‌ర‌ణ వ్య‌వ‌స్ధ‌ను ఏర్పాటు చేయ‌టానికి ఇవి ఉప‌క‌రిస్తాయ‌న్నారు. కార్య‌క్ర‌మంలో ఆంద్ర‌ప్ర‌దేశ్ ప‌ర్యాట‌క అభివృద్ది సంస్ద అధ్య‌క్షులు అచార్య జ‌య‌రామిరెడ్డి, ఆంధ్ర‌ప్ర‌దేశ్ ప్రాధికార సంస్ధ సిఎంఓ శ్రీ‌నివాస‌రావు, జియంలు హ‌ర‌నాధ్‌, సుద‌ర్శ‌న్‌, విశ్వ‌నాధ్ త‌దిత‌రులు పాల్గొన్నారు. ప‌ర్యాట‌క శాఖ నూత‌నంగా స‌మ‌కూర్చుకున్న ఆధునిక ఓల్వో బ‌స్సుల‌ను ముఖ్య‌మంత్రి చంద్ర‌బాబునాయుడు ఆవిష్క‌రించారు. ప‌ర్యాట‌క అభివృద్ది సంస్ధ ఛైర్మ‌న్ అచార్య జ‌య‌రామిరెడ్డి, ప‌ర్యాట‌క శాఖ కార్య‌ద‌ర్శి ముఖేష్ కుమార్ మీనా, అంధ్ర‌ప్ర‌దేశ్ ప‌ర్యాట‌క ప్రాధికార సంస్ధ సిఇఓ హిమాన్హు శుక్లా ఇత‌ర అధికారుల స‌మ‌క్షంలో మంగ‌ళ‌గిరి సికె క‌న్వెన్ష‌న్ సెంట‌ర్ జెండా ఊపి ప్రారంభించారు. స్వ‌యంగా బ‌స్సులోకి వెళ్లి ప‌రిశీలించిన సిఎం సౌక‌ర్యాల‌ను గురించి శుక్లాను అడిగి తెలుసుకున్నారు. విశాఖ‌ప‌ట్నం నుండి తిరుప‌తికి ఈ బ‌స్సుల‌ను న‌డ‌ప‌నున్నామ‌ని, ఈ సంద‌ర్భంగా శుక్లా ముఖ్య‌మంత్రికి వివ‌రించారు. ప‌ర్యాట‌క సౌక‌ర్యాల‌ క‌ల్స‌న‌లో ఎటువంటి రాజీ లేని ధోర‌ణి వ‌ద్ద‌ని ఈ సందర్భంగా సిఎం అన్నారు.