news

ఎదురు దెబ్బ, మొట్టికాయలు, చీవాట్లు,... ఇవన్నీ ప్రతి రోజు కామన్ అయిపోయాయి... కింద కోర్టులు దగ్గర నుంచి, హైకోర్టు, సుప్రీం కోర్టు దాకా, అన్ని కోర్టులు మీరు తీసుకునే నిర్ణయాలు చట్ట విరుద్ధం, న్యాయబద్ధం కాదు అని పదే పదే చెప్తున్నా, ఆంధ్రప్రదేశ్ రాష్ట్ర ప్రభుత్వం మాత్రం, ఏ మాత్రం పట్టించుకోవటం లేదు. రాస్తున్న మీడియాకి, వ్యాఖ్యలు చేస్తున్న కోర్టులకు విసుగు పుడుతుంది ఏమో అని, ప్రభుత్వానికి మాత్రం ఏమి అనిపించటం లేదేమో అని అర్ధం అవుతుంది. తాజాగా, రాష్ట్ర ప్రభుత్వానికి, సుప్రీం కోర్టులో ఎదురు దెబ్బ తగిలింది. రాష్ట్ర మాజీ ఎన్నికల కమీషనర్ నిమ్మగడ్డ రమేష్ కుమార్ విషయంలో, హైకోర్టులో నిమ్మగడ్డ కోర్టు ధిక్కరణ కేసు వేసిన సంగతి తెలిసిందే. తనను రీస్టోర్ చెయ్యాలని ఉన్నా సరే, ప్రభుత్వం ఒప్పుకోవటం లేదని ఆయన పిటీషన్ వేసారు. అయితే, దీని పై స్పందించిన కోర్టు, గవర్నర్ వద్దకు వెళ్లి, విషయం చెప్పి, కోర్టు ఆదేశాలు పాటించాల్సిందిగా కోరమని ఆదేశించింది. అయితే, దీని పై స్పందించిన గవర్నర్, రాష్ట్ర ప్రభుత్వానికి ఆదేశాలు ఇస్తూ, కోర్టు తీర్పుని అమలు చెయ్యమని కోరారు.

అయితే రాష్ట్ర ప్రభుత్వం, ఈ పరిణామం జరగగానే, రాష్ట్ర ప్రభుత్వం సుప్రీం కోర్టుకు వెళ్ళింది. హైకోర్టులో వేసిన కోర్టు ధిక్కరణ పై స్టే ఇవ్వాలని సుప్రీం కోర్టులో కేసు వేసింది. దీని పై ఈ రోజు విచారణ జరిగింది. దీని పై స్పందించిన సుప్రీం కోర్టు, ఆ పిటీషన్ కొట్టేసింది. ప్రభుత్వం స్టే ఇవ్వమని కోరగా, మేము ఇవ్వం అంటూ పిటీషన్ కొట్టేసింది. దీంతో, రమేష్ కుమార్ వ్యవహారంలో, ఇక రాష్ట్ర ప్రభుత్వం ఏమి చేస్తుందో చూడాలి. ఇప్పటికే, రెండు సార్లు ఇదే విషయం పై సుప్రీం కోర్టులో స్టే ఇవ్వమని కోరగా, సుప్రీం కోర్టు కొట్టేసిన సంగతి తెలిసిందే. అయితే మళ్ళీ సుప్రీం కోర్టుకు వెళ్ళటంతో, మళ్ళీ సుప్రీం కోర్టు కొట్టేసింది. తమకు సమాధానం ఇవ్వటానికి కొంత సమయం కావాలని, ప్రభుత్వం తరుపు న్యాయవాది అడగుతూ, అప్పటి వరకు ఆగాలి అని చెప్పినా, సుప్రీం కోర్టు మాత్రం, ఇంకా దీని పై ఏమి లేదు అంటూ, కేసు కొట్టేసింది. ఇప్పటికైనా, సాగ తియ్యకుండా, ప్రభుత్వం ఏమి చేస్తుందో చూడాలి.

మాజీ మంత్రి, జగన్ మోహన్ రెడ్డి బాబాయ్ అయిన, వైఎస్ వివేకానందరెడ్డి హత్య కేసు విషయంలో సిబిఐ ఎంటర్ అయిన సంగతి తెలిసిందే. ఈ రోజు ఏడవ రోజు పులివెందులలోని వివేక ఇంటికి సీబీఐ అధికారులు చేరుకున్నారు. మొదటగా వాచ్మె న్ రంగయ్యను సీబీఐ అధికారులు విచారించారు. అతన్ని అందుబాటులోనే ఉండాలని కోరారు. పులివెందుల చేరుకున్న సీబీఐ బృందం కేసు పై పూర్తి స్థాయిలో అధ్యయనం చేస్తుంది. సిట్ విచారణలో వెలుగు చూసిన అంశాల పై లోతుగా అధ్యయనం చేస్తున్నారు. కీలక వ్యక్తులు, అనుమానితులు సిట్ విచారణలో చెప్పిన సమాధానాలపై నిశితంగా పరిశీలిస్తున్నారు. సిట్ వేసిన ప్రశ్నలు, వచ్చిన సమాధానాలపై క్షుణ్ణంగా అధ్యయనం చేస్తున్నారు. కేసుపై పూర్తిస్థాయిలో స్టడీ చేశాకే కీలక వ్యక్తులు, అనుమాని తులను విచారించే అవకాశముంది. పలుమార్లు షిట్ బృందాన్ని విచారణ చేయడం జరిగింది. అదేవిధంగా పలుసార్లు వివేకా ఇంటిని పరిశీలించారు. స్కెచ్ రూపంలో వివేకా ఇంటి నమూనాలను సేకరించారు. వివేకానందరెడ్డి కుమార్తె సునీత విచారణలో లేవనెత్తిన అంశాలపై లోతైన అధ్యయనం చేస్తున్నారు.

గోప్యంగా విచారించేందుకు మకాం మార్చడం జరిగింది. వివేకా మృతికి గల కారణా లను సీబీఐ అధికారులు ఆరా తీస్తున్నారు. వివేకానందరెడి హత్య కేసులో విచారణ ప్రారంభించిన సీబీఐ అధికారులు ఆయన కుమార్తె సునీత హైకోర్టును ఆశ్రయించడం హైకోర్టు ఆదేశాలతో పులివెందులలో సీబీఐ అధికారులు విచారణ చేపట్టడం తెలిసిన విషయమే. విచారణ చేపట్టిన మొదటి రోజు, రెండవరోజు జిల్లా ఎస్పీతో వివేకా హత్యపై వివరాలు అడిగి తెలుసుకున్న విషయం తెలిసిందే. హత్య కేసుపై అనుమానితుల విచారణ మకాం మార్చిన సన్నివే శాన్ని బట్టి చూస్తే లోతుగా అధ్యయనం చేస్తున్నట్లు తెలుస్తోంది. అయితే ఈ కేసులో, వైఎస్ సునితా రెడ్డి అనుమానం వ్యక్తం చేస్తున్న, వైఎస్ కుటుంబ సన్నిహితులను, ఈ రోజో రేపో, ప్రశ్నించే అవకాసం ఉందని తెలుస్తుంది. మొదటగా 7 గురు బృందంతో వచ్చిన సిబిఐ, ఈ రోజు దాదాపుగా మొత్తం 30 మంది వివిధ సిబ్బంది, ఈ రోజు వివేక ఇంట్లో, కొన్ని కీలక ఆధారాలు సేకరించే పనిలో ఉన్నారు.

రాష్ట్రంలో దళితులకు రక్షణ లేకుండా పోయిందని, మాజీ ఎంపీ హర్ష కుమార్ వ్యాఖ్యానించారు. దళితులు ఓట్లు వల్లే, జగన్ గెలిచాడని అందరూ అనుకుంటుంటే, జగన్ తట్టుకోలేక పోతున్నాడని, దళితుల ఆధిపత్యం, ఎక్కువ అవుతుంది కాబట్టి, ఎక్కడికక్కడ అణిచివేయమని చెప్పటం వల్లే, దళితుల పై ఈ వరుస ఘటనలు జరుగుతున్నాయని అన్నారు. దళితులను తోక్కటమే, ఎజెండాగా పెట్టుకున్నారని అన్నారు. దళితులు పేరు చెప్పుకుని అక్కడ ఉంటున్న ఎమ్మెల్యేలకు కానీ, మంత్రులకు కానీ, కనీసం సంస్కారం అనేది లేదని, అసలు వీళ్ళు దళితులేనా అనే అనుమానం వస్తుందని, హర్షకుమార్ అన్నారు. హోం మంత్రికి, అక్కడ ఉన్న ఎస్ఐ ఎవరో కూడా తెలియదు అని అన్నారు. ఈ 500 రోజుల్లో, దళితులకు ఒక్క లోన్ అన్నా ఇచ్చారా అని నిలదీశారు. ఇక సహించే ఓపిక లేదని, దళితుల పై ఇక నుంచి, ఒక్క అవమానకార సంఘటన జరిగినా, ఈ ప్రభుత్వాన్ని ఊరుకునే ప్రసక్తే లేదని అన్నారు. "గుండు కొట్టిస్తార్రా మాకు మీరు. పోలీస్ స్టేషన్ లో గుండు కొట్టిస్తారా" అంటూ తీవ్ర స్థాయిలో హెచ్చరించారు.

శిరోముండనం కేసులో, శుక్రవారం సాయంత్రం లోపు, దాని వెనుక ఉన్న వారిని పట్టుకోవాలని అన్నారు. లేకపోతే శనివారం దీక్ష చేస్తానని అన్నారు. అంతే కాదని, ఈ దాడులు ఆగకపొతే, తాను త్వరలోనే రాష్ట్రపతిని కలిసి అన్నీ వివరిస్తానని, అయినా న్యాయం జరగపోతే, కనీవినీ ఎరుగుని రీతిలో, ఈ ప్రభుత్వం పై నిరసన దీక్ష చస్తాం అని, మేము చేసే నిరసన ఎలా ఉంటుందో, ఈ ప్రభుత్వం ఊహకు కూడా అందదని, దళితులు ఏమి చెయ్యలేం అనుకుంటున్నారు ఏమో, మీ వైఖరి ఇలాగే ఉంటె, ఏ చేత్తో అయితే ఎక్కించామో, అదే చేత్తో కూల్చేస్తాం అని తీవ్ర వ్యాఖ్యలు చేసారు. తమ పోరాటానికి, అన్ని సంఘాలు, అన్ని రాజయకీయ పార్టీలు మద్దతు పలకాలని కోరారు. గ్యాంగ్ రేప్ ఘటన, మాస్కు లేదని చంపేసిన ఘటన, అలాగే శిరోమండనం ఘటన పై, హైకోర్టు సిట్టింగ్ జడ్జితో న్యాయ విచారణ జరపాలని డిమాండ్ చేసారు.