news

రాష్ట్రంలో ఒక కులం టార్గెట్ గా, ప్రభుత్వం, ఏకంగా సియం, మంత్రులు ముందుకు వెళ్తుంటే, ఆ పార్టీ అనుచరులు కూడా, ఇలాగే చేస్తున్న సంగతి తెలిసిందే. ఒక కులం అంటూ, అమరావతిని నాశనం చేసారు. ఎవరైనా ప్రభుత్వానికి వ్యతిరేకంగా మాట్లాడితే ఒక కులం అంటారు, ఆ కులం ఉంటే, పోస్టింగులు కూడా ఉండవు అంటూ విపక్షాలు ఆరోపిస్తున్నాయి. చివరకు ఎన్నికల కమీషనర్ కు కూడా కులం అంటగట్టి, కులం కులం అంటూ, 65 మంది ప్రెస్ మీట్లు పెట్టి, ఎన్నికల కమీషనర్ పై, మాట్లాడిన సంగతి తెలిసిందే. అయితే ఇంత జరుగుతున్నా, ఆ కులం మాత్రం, వీరి మాటలు పట్టించుకునే పనిలో లేరు. వారి పని వారు చేసుకుంటూ వెళ్ళిపోతున్నారు. అయితే, కొంత మంది మాత్రం, ఏకంగా ఒక సియం, కులం పేరు చెప్తూ, సమాజంలో చీలిక తేవటం పై కొంత మంది గళం విప్పుతున్నారు. నిన్న తెలుగుదేశం పార్టీ సీనియర్ నాయకుడు, మాజీ ఎంపీ రాయపాటి సాంబశివరావు మీడియాతో మాట్లాడుతూ, అధికార పక్షం చేస్తున్న కుల రాజకీయం పై మండిపడ్డారు.

నిన్న అమరావతి రైతుల కోసం, ఒక రోజు దీక్ష చేసిన డాక్టర్ కు సంఘీభావం తెలుపుతూ, రాయపాటి మీడియాతో మాట్లాడారు. జగన్ మోహన్ రెడ్డి ఒకే మూస పద్దతిలో వెళ్తున్నారని అన్నారు. ఒక కులాన్ని టార్గెట్ చేసుకుంటూ, కమ్మ కమ్మ అంటూ, గోల గోల చేస్తున్నారని అన్నారు. ప్రభుత్వంలో కీలక పోస్టింగులు అన్నీ రెడ్డి కులానికే ఇస్తున్నారని, వేరే కులం వారిని పట్టించుకోవటం లేదని, ఇక కమ్మ వారు అని తెలిస్తే, అసలే పక్కన పడేస్తున్నారని అన్నారు. ఇది మంచి పద్దతి కాదని, ప్రభుత్వాలు ఇలా ఉండకూడదు అని అన్నారు. చివరకు కరోనాతో మనుషులు చచ్చిపోతారని, ఎన్నికలు వాయిదా వేస్తే ఎన్నికల కమీషనర్ కు కూడా కులం అంటగట్టారని, ఈ రోజు ఎన్నికలు పెట్టి ఉంటే ఏపి ఏమయ్యేది అని అన్నారు. కరోనాతో తగ్గిన తరువాత, ప్రధాని దగ్గరకు వెళ్లి అన్నీ చెప్తానని అన్నారు.

అయితే రాయపాటి వ్యాఖ్యల పై వైసీపీ వేరే రకంగా ప్రచారం చేసింది. కమ్మవారితో పెట్టుకుంటే, లేచిపోతారు అంటూ, రాయపాటి అన్నారు అంటూ, ప్రచారం చేసారు. పెద్ద ఎత్తున ప్రచారం జరగటంతో, రాయపాటి వెంటనే స్పందించారు. ఒక కులం పై జగన్ చూపిస్తున్న ద్వేషం పైనే నేను మాట్లాడానని అన్నారు. జగన్ ఒక ముఖ్యమంత్రిగా అన్ని కులాలను కలుపుకుని పోవాలని అన్నానని అన్నారు. జగన్ ప్రభుత్వంలో, ఒక కులం పై జరుగుతున్న వివక్ష పై నేను మాట్లడితే, దానికి అనేక అర్ధాలు తీసి ప్రచారం చేసారని అన్నారు. నేను ఎక్కడా, కమ్మవాళ్ళు పెట్టుకుంటే, లేచిపోతాడని అనలేదని అన్నారు. ఫ్యాక్షన్ అంటే తమ కుటుంబానికి మొదటి నుంచి దూరం అని అన్నారు. నిన్న రాత్రి నుంచి, నేను అనని మాటలు పట్టుకుని, ఫోనులు చేసి బెదిరిస్తూ బూతులు తిడుతున్నారని అన్నారు.

జగన్ మోహన్ రెడ్డి 151 సీట్లతో గెలిచారే కాని, ఆయనకు ఉన్న అవగాహనారాహిత్యం, దూకుడు స్వాభావం, ఆలోచన లేకుండా, కక్షతో చేసే పనులతో, గత 11 నెలలుగా ఇబ్బంది పడుతూనే ఉన్నారు. ప్రతి రోజు ఏదో ఒక ఇబ్బంది కాని, లేదా కోర్ట్ లో మొట్టికాయలు కాని, స్వయం తప్పిదాలు కాని, పరువు పోవటం కాని, ఇలా ఏ రోజు కూల్ గా వెళ్ళిపోయిన రోజు లేదు అని చెప్పాలి. స్వయంగా చేసుకున్న పనులే ఇందుకు కారణం. అయితే ఎక్కడ తప్పుడు జరిగిందో తెలుసుకునే మనస్తత్వం జగన్ ది కాదు. తప్పు జరిగింది అని కూడా ఒప్పుకోరు. అందుకే ఎవరో తెలిసిన స్వమజీ చెప్తేనో, లేక ఎవరు చెప్పారో కాని, జగన్ మోహన్ రెడ్డి క్యాంపు కార్యాలయంలో మార్పులు చేసారు. జగన్ కు సన్నిహితంగా ఉన్న స్వామి, ఈ సలహా ఇచ్చినట్టు టాక్ నడుస్తుంది. జగన్ మోహన్ రెడ్డి క్యాంపు కార్యాలయంలో కూర్చుని, రివ్యూలు, ప్రెస్ మీట్లు పెడుతూ ఉంటారు. ఆయన కూర్చునే కుర్చీ వెనుక ఉన్న, ధర్మ చక్రం వల్లే, జగన్ కు ఇన్ని ఇబ్బందులు అని, అది మార్చేద్దాం అని సలహా ఇచ్చారు అంట.

అంతే రాత్రికి రాత్రి, దాన్ని పీకి పడేసారు. ఆ ధర్మ చక్రం స్థానంలో, ఏపి రాష్ట్ర ఎంబ్లెమ్ వచ్చింది. అలాగే మరికొన్ని వాస్తు విషయానికి సంబంధించి, కొన్ని పనులు జరిగాయని చెప్తున్నారు. నిజానికి అమరావతి రాజధాని అయిన తరువాత, అమరావతి విశిష్టత ప్రపంచానికి తెలియాలి అనే ఉద్దేశంతో, అప్పటి ముఖ్యమంత్రి చంద్రబాబు ఇది పెట్టించారు. ఆయన దాని ముందు కూర్చుంటే ఎంతో హుందాగా ఉండేది. అయితే తరువాత కొత్త ఇల్లు కట్టించుకున్న జగన్, అధికారంలోకి రాగానే, అదే డిజైన్ ని, తన క్యాంప్ కార్యాలయంలో పెట్టించుకున్నారు. మరి ఏమైందో ఏమో కాని, ఇప్పుడు అది తీసేశారు. ముఖ్యంగా అమరావతి అంటే జగన్ కు ఇష్టం లేదని, అందుకే వైజాగ్ వెళ్తున్నారని, అందుకే అమరావతి ఆనవాళ్ళు లేకుండా చేస్తున్నారని అంటున్నారు.

అయితే, అది కాదని, వాస్తు పరంగా, అది చాలా ఇబ్బంది అని, అందుకే చంద్రబాబు కూడా ఇబ్బందులు పడ్డారని, ఇప్పుడు జగన్ కూడా అదే ఇబ్బంది పడుతున్నారని, అది తీసేస్తే పాజిటివ్ వైబ్రేషన్స్ ఉంటాయని, జగన్ కు అంతా మంచి జరుగుతుంది అని సలహా ఇచ్చిన మేరకు, మొన్న రాత్రి ఆ ధర్మ చక్రం తీసేసారు. నిన్న జగన్ రివ్యూ మీటింగ్ కు వెళ్ళిన వారు, అది చూసి, అవాక్కయ్యారు. తరువాత విషయం తెలుసుకున్నారు. ఇంకేముంది, నిన్నటి నుంచి జగన్ కు అంతా మంచే అనుకున్నారు. అయితే నిన్న ఉదయం, 11 గంటలకు, తెలుగు మీడియం తీసేసి, ఇంగ్లీష్ మీడియం తెచ్చిన జీవో కోర్ట్ రద్దు చేసింది. సాయంత్రానికి, 11 జిల్లాలను కేంద్ర హాట్ స్పాట్లు ప్రకటించింది. అంటే ఇప్పుడప్పుడే ఎన్నికలు ఉండవు. ఇక రాత్రికి నిమ్మగడ్డ రమేష్ కుమార్, ప్రెస్ నోట్ రిలీజ్ చేసి, విజయసాయి రాసిన లేఖకు కౌంటర్ ఇవ్వటంతో, పరువు పోయింది. మొత్తంగా, ఆ ధర్మచక్రం మార్చిన తరువాత కూడా జగన్ కు కలిసిరాలేదు అనే చెప్పాలి. మరి ఈ సారి ఏమి మార్పులు చేస్తారో.

ప్రపంచాన్ని గడగడలాడిస్తున్న కరోనా వైరస్ ఏపిలో మొత్తంగా గుంటూరులోనే టాప్ లో ఉంది. రాష్ట్రంలో కరోనా మరణాల్లోను తొలి స్థానంలో ఉంది. ఊహించని విధంగా కొద్ది రోజులుగా గుంటూరు జిల్లాలో ప్రధానంగా జిల్లా కేంద్రంలో పెరిగిపోతున్న కేసులు జిల్లా యంత్రాంగానికి సవాల్ గా మారుతున్నాయి. రాష్ట్ర ప్రభుత్వం సైతం ఇక్కడ కేసుల పెరుగుదలపై ఆరా తీస్తోంది. అయితే ఇంతగా కేసులు పెరగడం వెనుక వైఫల్యం ఎక్కడుంది. అధికారుల్లో సమన్వయ లోపం కనిపిస్తోంది. లాక్ డౌన్ సడలింపు సమయాల్లో గత నాలుగు రోజుల్లో జిల్లా అధికారుల నుంచి భిన్న ప్రకటనలు వచ్చాయి. రోజు విడిచి రోజు నిత్యావసరాల కోసం సడలింపు ఇస్తామనే ప్రకటనతో ఒక్కసారిగా నగర ప్రజలు రోడ్లపైకి వచ్చారు. నియంత్రణ పట్టు తప్పింది. దీంతో జిల్లా అధికారులు తిరిగి తమ నిర్ణయాన్ని మార్చు కున్నారు. ప్రతిరోజు సడలింపు ఉంటుందంటూ తమ నిర్ణయాన్ని మార్చుకున్నారు. ఇక, గుంటూరులో తొలికేసు జిల్లా కేంద్రంలో ఒక ప్రజా ప్రతినిధి బంధువు నుండి మొదలైంది.

దీన్ని అధికారులు అధికారికంగా ధ్రువీకరించే సమయానికే ఆ వ్యక్తి అనేక మందితో కాంటాక్టు అయ్యాడు. ఫలితంగా మరికొన్ని అనుమానిత కేసులు పెరిగాయి. ఇక జిల్లావ్యాప్తంగా కేసులు ఉన్నా జిల్లా కేంద్రంలో పెద్దసంఖ్యలో పెరుగు తున్న కేసులు అధికారుల్లో టెన్షన్ పెంచుతున్నాయి. ఇప్పటికే జిల్లా ప్రత్యేకాధికారిగా ప్రభుత్వం ప్రిన్సివల్ కార్యదర్శి బి.రాజశేఖర్‌ను నియమించింది. ఇక కలెక్టర్, రూరల్, అర్బన్ ఎస్పీలు నిరం తరం సమీక్షలు చేస్తున్నారు. ప్రజలకు సూచనలు చేస్తున్నారు. కానీ, క్షేత్రస్థాయిలో వాటి అమలు అనేది మాత్రం సమస్యలను తెచ్చి పెడుతోంది. ముఖ్యమంత్రి నివాసం ఉండేది గుంటూరు జిల్లా లోనే. జగన్ నివాసానికి కొన్ని కిలోమీటర్ల దూరంలోనే గుంటూరు నగరం ఉంది. చివరకు తాడేపల్లిలో కూడా ఒక కేసు వచ్చింది

ఇక గుంటూరు జిల్లాలో ఇప్పటికే నల్లురు కరోనా కారణంగా మరణించారు. జిల్లాలో గతంలో పనిచేసిన సీనియర్ అధికారులను, అదేవిధంగా మున్సిపల్ కమిషనర్లుగా గతంలో గుంటూరులో వనిచేసి ప్రత్యేక గుర్తింపు పొందిన టి.కృష్ణబాబు ప్రస్తుతం ప్రభుత్వం ఏర్పాటు చేసిన టాస్క్ ఫోర్స్ లో కీలకంగా ఉన్నారు. అలాగే గుంటూరు మున్సిపల్ కమిషనర్ గా విధులు నిర్వ హించిన ప్రవీణ్ ప్రకాశ్ ప్రస్తుతం ముఖ్యమంత్రి కార్యదర్శిగా ఉన్నారు. వారు సిఎంఓలో ఉన్నా, గుంటూరు పై పట్టు ఉన్నా, గుంటూరులో పరిస్థితి మాత్రం అదుపులోకి రావటం లేదు. డీజీపీ ఆఫీస్ కూడా అక్కడే ఉన్న సంగతి తెలిసిందే. సియం, డీజీపీ, ఇతర మంత్రులు, ఉన్నతాధికారులు ఇక్కడే ఉంటున్నా, గుంటూరు జిల్లా పరిస్థితి మాత్రం, రోజు రోజుకీ పెరిగిపోతూనే ఉంది.